YESAYA 9:20 - Alkitab Singog In Mongondow Masa In Tanaa

²⁰ Intau in Manasye bo intau in Epraim mositubuan, bo moyotakin monayow kon Yohuda. Táe ki Tuhan in sinumorúpabí bo umuran mohukum.

YESAYA 9:20 Mawu Ofanana

MOHOHUTUBA 4:5

Táe, tongábí intau bodok in ḻimitú mako mokoyot kon ḻima bo mopomayá mako matoi in gogoy.

YESAYA 10:4

Ukurmu in tongábí ḻimodon kon parang andeka diaan nobaḻí intau inta dinakop. Táe ki Tuhan in umuranpabí tumorú bo tantú mohukum.

YESAYA 14:30

Moiko in koantuganbí in malarat in gogoy inta motoyang, bo bayongan in intau inta kinotaḷáan in ḻimodonbí. Noyotoḻikud kon tua, intau inta totok in nobogá nongkon umat i Tuhan in mokouḻíbí kon kaanon, bo intau mita inta diá kodaya in mobiagbí moaman bo mobiag motompia.

YESAYA 3:1

Totuubí, ki Tuhan Inta Mokawasa Totok in mogamábí nongkon Yerusalem bo Yohuda in bayongan tongkaaḷ in kaanon bo inumon. Intau mita doman inta pongatamai monia:

YESAYA 49:26

Baḻíon-Kubí in musungmu moḷoḷangu in dugú, dá mosia in mosiḻimodandon. Dá bayongan in intau in monotaaudon, kon Akuoi, ki Tuhan, Mopoposaḷamatmu; Inta Totok in moropot, ki Allah i Yakub, in Mototobutmu.”

YESAYA 5:25

Ki Tuhan in sinumorú kon bangusa-Nea. Sia in nosadiadon kon mohukum kon i monia. Buḷud mita in modandú, mayat mita posiyayit naonda bo apat kon daḷan. Táe ki Tuhan in sinumorúpabí bo tantúbí mohukum.

YESAYA 51:19

Iko in kinoantugan in doyowa norupa in bodito; popisí in parang, ḻipúmu in nogoguyaatdon komintan bo rayatmu in minatoi in gogoy. Diá in notabi bo noḻipoi kon inimu.

YESAYA 8:21

Intau mita inta noiḷangkam bo ginogoi in nobaya-bayáanbí mako in kon butá tatua. Popisí in malarat in kaanon, mosia in umuran tumorú nodapot in mopogodi-godimai kon datu bo kon Allah monia. Kon ondaka in pobobuian monia, moidamonik

YESAYA 8:22

andeka moiḻimonag, mosia in diábí mokoontong kon onu bo onu koḻikudbí in roriga bo goḷom mobunod inta mokokoningkim. Mosia in pogambatbí kon tampat inta sindip tatua.

YEREMIA 13:14

Bo mosia in poyodatongon-Ku. Nogurang bo noguod in pomiaan-Ku natua takin diábí in ampung. Mosia in yopúon-Kubí takin diábí in tabi andeka diábí in ampung. Akuoi, ki Tuhan, ain nosingog.”

YEREMIA 19:9

Musung in moḻipungbí kon kotá tanaa, bo moḷongasi moḻimod kon intau inta nogutun kon bonunea. Pongopungan tatua in námaidon tua in kotoyangnea, nodapot in intau mita kon kotá tanaa mosikaanandon kon tumpaḷa yobayat, nodapot in ki adí mita monia tontaní.”

OMBAḶ 4:10

Totuu motoyang in bodito tatua inta noiantug kon umatku nodapot in iná mita inta gina moaḷus in noḷagádon kon i adínea tontaní sin kaanon pomonu kon sian.

MIKHA 6:14

Moiko in mongaanbí, táe diábí mobaḻí mobotug – sedang bo umuranbí gogoyon. Moiko in mogakutbí kon pakakat mita, táe diá mokopotagú. Onukabí in tagúon monimu in rimumudon-Kubí kon bonu in parang.

ZAKHARIA 11:9

Onda intua akuoi in noguman kon paanan in domba tatua, “Akuoi in doídon moḷukad kon i monimu. Inta musti matoi in biódon mako in matoi, bo inta musti moyopú, in biódon in moyopú. Bo kiagatnea in motaaudon in mosiḻimodan.”

MARKUS 3:24

Sin aka tobatú dodatuan bo mosilai mokolo-kolompó inta mososaturuan, yo diábí mononoi in dodatuan tatua.