YESAYA 9:15 - Alkitab Singog In Mongondow Masa In Tanaa

¹⁵ Itoi mita in bangusa tatua ain nopoḷaḻe bo nopodoḻiok kon rayat.

YESAYA 9:15 Mawu Ofanana

DATU MITA IMITÁNEA 13:18

Dá nabi nogoguyang inta nongkon Betel tatua in nonguboḷ kon inia, takin noguman, “Akuoi in nabibí doman ná Iko. Podudui doman in parenta i Tuhan malaekat tobatú ain nopotabá kon inakó monontomu kon inimu poḷat mogoḷud in kaanon kon baḷoiku.”

AYUB 22:8

Pinakému in jabatan bo kawasa sin mogamá kon butá komintan.

YESAYA 19:15

Kon Mesir diábí in intau inta kodayapa, pinomayá pongawasa andeka rayat, pinomayá intau moḷoben andeka intau biasa.

YESAYA 23:9

Ki Tuhan Inta Totok in mokawasa, Siabí inta ain nonantú tatua. Sia in nonantú kon momaḷutdon kon kaḷakuang in intaunea kon bayongan inta bungai in oaidan inta ain nouḻí monia, bo mopoompá kon intau mita inta ihoromat kon dunia.

YESAYA 28:15

Moiko in noguman kon moiko ain nomia kon dodandian takin popatoi bo ain nomia kon yopakat takin dunia in intau minatoi. Notantúdon kon i monimu kon bodito inta moiduduimai in diábí moiantug kon inimu, sin moiko in momaké in akaḷ monimu pogoḻingoi kon awakmu.

YESAYA 28:17

Koadilan baḻíon-Ku tontogot pogogukur, bo gina motuḻid baḻíon-Ku tontogot ponigad.” Uyan batu in mobundur mokopodarit kon bayongan in uboḷ inta pongata monimu. Ḷunud in mogiḻigbí kon pogogadopanmu.

YESAYA 28:7

Nabi mita doman bo imang mita in noḷoḷangu popisí in noiḻiudon bayong in anggur bo arak in ininum. Moibambodon in mosia in mayá bo moipintudon magí-mako sin notombaukdon in raian monia. Nabi mita in diádon momangaḻe kon oontongon mita inta inogoi i Allah kon i monia. Imang mita diádon motaau mopoyotutui kon pelekara mita inta kon tayowon monia.

YESAYA 29:10

Binaḻí i Tuhan in moiko sinomposiug bo noḷoḷot totok. Binilogan-Nea in mata in nabi mita bo nongoḷob kon pogot in intau mita mononanow.

YESAYA 3:12

Umat-Ku in rorigaanbí in intau mopopoḷuan in doit bo daiton gamáan in mopoporente. Umat-Ku in poḷaḻeon in itoinea mita modapot in diádon kotaauannea in daḷan inta musti bayáannea.”

YESAYA 3:5

Intau mita mosidorotandon. Intau moguod mopoompámai kon guranga, bo intau diá kopangkat mopoompámai kon intau moḷoben.

YESAYA 43:27

Mogoguyangmu inta muna aindon binaradosa, itoimu mita in nomarontakdon kon i-Nakó,

YESAYA 5:13

Tuamai in umat-Ku inta diá nonotaau in onu bo onu in diaanbí mayá nobaḻí intau dinakop. Itoi mita bo rayat in matoibí in gogoy bo rogang.

YESAYA 59:3

Moiko in kotaḷá popisí in nonguboḷ bo nonombogá, sin ain nogaid kon inta moraat bo noḻimod.

YESAYA 59:4

Moiko in nopongadu in pelekara takin diá in dodoyonan bo nohakim takin diá moadil. Moiko in nonguboḷ bo mopongata kon inta diá in mangaḻenea, moiko in momia kon tomayá sin mopobodito kon intau ibanea bo mogaid kon inta moraat.

YEREMIA 23:32

Akuoi, ki Tuhan, in moḷawangbí kon nabi mita tatua inta nopotaau in togoindopnea mita inta nopuḻing in uboḷ. Mosia in nopoḷangkam in umat-Ku pinodoyon kon uboḷ bo ambungangaḷ monia. Akuoi in diábí nopotabá kon nabi mita tatua. Mosia in beresibí diá baraguna kon umat-Ku. Akuoi, Tuhan, ain nosingog.”

YEREMIA 23:9

Naa in koyowku soaḷ nabi mita: Ginaku morumbun bo mourot in akuoi. Ki Tuhan bo tosingogon-Nea inta motusi nopobaḻí kon inakó naonda bo intau noḷoḷangu inta noiḻiu in bayong in anggur ininum.

YEREMIA 5:31

nabi mita in monguboḷ, imang mita mogundoi podudui in ibognea tontaní bo moiko umat-Ku in moibog doman kon natua. Táe onu in aidan monimu aka moiangoidon in singgai imbuitnea?”

OMBAḶ 2:14

Inta pinotaau in nabi mita kon inimu, tongábí tompobaḻik bo uboḷ komintan. Mosia in diábí kon dodai in onda in nobuká kon dosamu, manangka intua iko in diábí notobat. Noyotoḻikud kon tua yo mosia in tongábí mopotaau kon inimu in tosingogon mita uboḷ inta mokosanang.

YEHEZKIEL 13:19

Moiko in nopoompámaidon kon i-Nakó kon tayowon in umat-Ku tongá bá mokouḻí kon tongonumai noyangkom in makoya bo tongonumai noputoḷ in roti. Intau mita inta diá kotaḷá, ḻimodon monimu bo intau mita inta patus matoi pinomayá mako monimu mobiag. Bo moiko in monguboḷ kon umat-Ku bo mosia in mopirisaya kon inimu.’ ”

YEHEZKIEL 13:22

Intau mita mopia inta diá pomiaan-Ku ibo-ibog, in ginogondokdon monimu takin ouman uboḷmu. Intau mita moraat duíon monimu sinbá umuran mogaid kon dosa bo diá posaḷamaton.

HOSEA 9:8

Ki Allah in nopotabá kon inakó saḷaku nabi sin mopotoingat kon i monimu umat-Nea, táe kon ondaka in bayáanku, moiko in moḷongasi monompotait kon inakó naonda bo ḷagapan. Kon butá i Allah tontaní, kami nabi mita in sinaturubí in rayat.

AMOS 2:4

Ki Tuhan in noguman, “Intau in Yohuda ain nopobui-buimai binaradosa, tuamai in notantú bidon kon hukumon-Ku in mosia. Mosia in iḻimimpatdon kon parenta-Ku mita bo doí nopandungmai kon totundú-Ku mita. Mosia in pinoḷangkam in ilah mita ibanea inta sinumba in mogoguyang monia.

MIKHA 3:5

Bangusaku inakaḷan in nabi mita inta nonoḻindap kon inta mopia kon intau inta mobogoi in doit, táe mosaturu bo mopoompámai kon intau inta diá mobogoi. Kon i monia nabi mita inta natua, ki Tuhan in noguman,

MALEAKHI 2:9

Dá baḻíon-Kubí doman in moiko poompáanmai in umat in Israel sin moiko in diá notoindudui kon koibog-Ku, bo popisí in moiko mopoyo-poyoposi kon intau kon dodai in motundú kon umat-Ku.”

MATIUS 24:24

Sin oyúon in mongaku ki Mesias bo mongaku nabi táe mosia tua intaubí mongongakaḷ, tongá mosia in mogaid doman kon tanda mita inta moḷoben bo soaḷ mita inta mokoherang sahingga in aka mobaḻí, yo mosia in mokoakaḷ doman kon intau mita inta ain piniḻí.

MATIUS 7:15

“Mokopoingatdon kon nabi mita inta diá totuu. Nabi inta mamangoi kon inimu naonda bo intau inta mongopia, táe sabanarnea mosia tua intau bí moromú.

YOHANES 1 4:1

Utat mita inta kotabiku! Donaaibí mogampang kinopiri-pirisayanea kon intau mita inta mongaku kinawasa in Roho i Allah, táe ujipa muna in mosia tua sinbá kotaauandon monimu mongo roho kon i monia tua nongkon i Allah andeka deeman. Sin nobayongdon intau in maya-mayá mako bo mongaku nabi bokaka deemanbí totuu nabi.

WAHYU 19:20

Mahaḷuk tatua in kinodomokan takin intau mita inta morongaku nabi táe deemanbí totuu nabi inta ain norogaid kon soaḷ mita inta mokoherang kon tayowon mahaḷuk tatua. (Takin aid mita monia inta mokoherang tatua, mosia nonguboḷ kon i monia inta ain notarima kon tanda in mahaḷuk tatua bo inta ain nosumba kon patongnea.) Bo mahaḷuk tatua takin intau mita inta deeman totuu nabi tumpaḷa pinogambat kon bonu in tuḷu moḷoben inta kodoko-dokot takin balerang.

SAMUEL 1 9:6

Bobantung tatua notubag, “Oḷatpa muna! Kon kotá tanaa oyúon in mogogundoi i Allah. Totok in sia ihoromat in intau sin onu in singogonnea in totu-totuubí kon mobaḻí. Igai in kita mayá kon inia, dika-dika bo motaaubí ḻibóon kon inia mongo kon onda in keledai mita tatua.”