YESAYA 8:9 - Alkitab Singog In Mongondow Masa In Tanaa

⁹ Poyosipundon takin urot, ei bayongan bangusa! Indongogaidon ei popod mita in butá! Posadiadon moparang, táe takin gina inta mourot! Oo, posadiadon, táe takin urot!

YESAYA 8:9 Mawu Ofanana

DATU MITA IMITÁNEA 20:11

Ki Datu Ahab in notubag, “Pogumandon kon i Datu Benhadad: Tontara inta totu-totuu tontara, bainbí mopaḷut mako moparang bo mopia in ginanea, deemanbí kon tungkuḷ in diápa moparang.”

AMSAL 11:21

Intau moraat in notantú bidon kon hukumon; intau mopia in mosaḷamatbí.

YESAYA 28:13

Tuamai in ki Tuhan notundú kon i monimu pinangkoi kon hurup mita, tosingogon bo onu in singogon. Bo kon tungkuḷ in minayá moiko noḷabú noiboḻingkayang nodapot in kinekeban, noibaaḷ bo kinodomokan.

YESAYA 37:36

Doḷom doman tua malaekat i Tuhan namangoi kon pinononḷoḷaigan in intau in Asyur bo noḻimod kon 185.000 in tontara. Nobangon monik doḷo-doḷom mayat mita monia noiukat magí mako.

YESAYA 54:15

Aka moiko tubuon, deemanbí Akuoi in nopotabá, ki inekabí in monubu kon inimu in moḷabúbí.

YEREMIA 42:11

Dikadon moondok kon i datu in Babel tatua. Akuoi in naa kon yua-yuakmu sin motuḷung bo moḷuat kon i monimu nongkon kawasanea.

YEREMIA 46:3

“Porwira mita in Mesir mopobaḷú kon tontaranea mosadia, ‘Ruitai in pandong! Pogiḷambungdon in ḷambung uatoi bo sapoyo uwaja! Sadia in kaḻeaw bo tuotdon kon bonu in pipidan! Moiko, tontara tumotakoi kon kabaḷo, popoḷutudon in sabarak! Takoiaidon in kabaḷomu, bo bayá poparang!’

YEREMIA 51:20

Ki Tuhan in noguman, “Babel, iko in nádon onda bo bobibil, pakakat-Ku pakéon moparang. Iko in pakéon-Ku sin pobibil kon bangusa mita bo dodatuan mita.

YEHEZKIEL 38:7

Pokitouḷutaidon in sia bo parentaaidon domandon in bayongan in tontara inta noyodugang takinnea sinbá taḷaoḷat podudui in tomponuotnea.

YEHEZKIEL 38:8

Tongonupamai notaong sia in parentaan-Kudon monubu kon butá tobatú takin intaunea inta ain sinipun nongkon sigad in nobayong in bangusa bo inta kon singgai noiduduimai mogutun kon butá tatua takin moodom. Ki Gog in mongawasabí kon buḷud mita in Israel inta noonggotdon in noingongow bo nopuḻingdon in apug mita, táe tanaa inutunandon in rayat mita inta nobiagdon noodom.

YOSUA 11:5

Bayongan in datu mita tatua noyopakat bo namangoi noyotakin nononḷoḷaigan kon diug in Tapá in Merom sin monubu kon Israel.