YESAYA 8:16 - Alkitab Singog In Mongondow Masa In Tanaa

¹⁶ Moiko, murí-ku mita musti motagú bo moḷukad kon koyow mita inta inogoi i Allah kon inakó.

YESAYA 8:16 Mawu Ofanana

DATU MITA 2 11:12

Nopaḷut mako kon tua ki Yoyada in nodia mangoi kon i Yoas, bo pinopo bongkowan in mahkota in datu kon uḷunea, bo inogoian in buk in sia Hukum i Allah. Ki Yoas in dinuí nobaḻí datu bo tua in pinotaaudon kon bayongan in rayat. Komintan nonggoḷokap bo norogiow, “Kobiag datu!”

MAZMUR 25:14

Ki Tuhan in yobayat in intau inta mopirisaya, Sia in moponiata in makusud-Nea kon i monia.

YESAYA 50:4

Ki Tuhan Inta Totok in moḷantud in notundú kon inakó nosingog, sinbá tosingogonku in mokoropot kon intau inta noḷungkoyó. Pomuḷoi in doḷo-doḷom pomuká-Nea in ibog in ginaku sin mokidongog kon totundú-Nea kon inakó.

YESAYA 54:13

Bayongan in intaumu mobaḻí murí-Ku, mosia in mobiag mooyúon bo motompia.

YESAYA 8:20

Tubagai nanaa, “Indongogai in totundú in Tuhan! Intau inta diá nosingog podudui in totundú tatua, diábí in kamang.”

DANIEL 12:4

Bo guman in malaekat tatua bui kon inakó, “Daniel, taḷobaidon in buk tatua in tanaa, bo kompitaidon in meterai sinbá umuran moitaḷob mako modapot kon singgai tumi. Mobayong in intau in monungkuḷ monaridi kon onu inta koyogot mobaḻí. Táe diábí in mangaḻe in inta iḷongasi monia.”

DANIEL 9:24

Pitu pokali kon pitu nopuḷú notaong in sempo inta ain sinantú i Allah sin mopoḷuat kon bangusamu bo kotámu inta motusi tatua nongkon dosa bo aid moraat. Bayongan in dosa in ampunganbí bo kooadil inta mononoi in posindogonbí, dá oontongon bo toḻindap tatua in moniatadon, bo Baḷoi Tuhan inta motusi tatua in posumba bui kon i Tuhan.

MATIUS 13:11

Ki Yesus notubag, “Moiko aindon inogoian in totabi monotaau kon rahasia kon naonda in ki Allah momarenta, táe mosia tua in diábí.

MARKUS 10:10

Naonda in mosia sinumuotdon kon baḷoi, iḻibó bui in murí mita i Yesus kon i-Nia in soaḷ tatua.

MARKUS 4:34

Ki Yesus umuran nomaké in poumpamaan aka motundú kon intau mita tatua. Táe aka kon murí-Nea mita, yo daiton-Neabí insilangan.

KORINTUS 1 2:14

Intau inta diá kinawasa in Roho i Allah, doíbí mopirisaya kon onu inta ain inaidan in Roho i Allah tatua. Diábí komangaḻean monia intua komintan, koḻikudbí in aka mopirisaya in mosia kon i Allah.

ULANGAN 4:45

Tua inaidannea naonda in mosia iḻumuai nongkon Mesir bo naonda in kon ḷopá kon dotá in pomukaan kon Ongkag in Yordan, noyogintayow in kotá in Bet-Peor. Butá tatua pernabí nobaḻí butá in Sihon, datu intau in Amori, inta tungkuḷ intua nomarenta kon kotá in Hesybon. Ki Musa bo bangusa Israel nonaḷow kon inia kon dodai in mosia iḻumuai nongkon Mesir.

IBRANI 3:5

Saḷaku simpaḷ kon Baḷoi Allah, ki Musa in mosatiabí in nogaid kon oaidannea bo sia ain nopotaau doman in soaḷ mita inta bain popotaau i Allah kon singgai moiduduimai.

WAHYU 10:4

Naonda in diádon singog in gotup pitu tatua, moibog in akuoi momais kon tua, táe kinodongoganku in singog nongkon soroga in noguman, “Bunidon onu in pinoguman in gotup pitu tatua, donaaidon paison intua!”

WAHYU 19:10

Dá sinumungkud in akuoi kon tayowonnea sin mosumba kon inia, táe sia in noguman kon inakó, “Donaai! Donaai mosumba kon inakó, sumbadon in ki Allah! Sin akuoi naa in tongábí doman bobantung ná iko nion bo notongkai doman i utatmu mita inta umuran kinumadai norigon kon onu inta pinoguman i Yesus!” Sin onu inta pinoguman i Yesus, tuatabí inta nopogonú kon gina in intau mita inta nopotaau in koyow i Allah.

WAHYU 2:17

Ki ine in mokodongog, yo tarukira in onu inta pinoguman in Roho i Allah kon jamaat mita! Mosia inta mountung, ogoi-Ku mokaan kon manna inta noibuni, bo kon batúannea in motarima kon tobatú batu mobudó nongkon i-Nakó. Kon batu tatua in pinaisdon tangoi mobagu inta diábí kinotaauan i inekadon, koḻikudbí intau inta notarima kon tua.”

WAHYU 5:1

Noiduduimai kon tua akuoi in nokoontong kon ḻitodan buk kon ḻima koḷanan i Intau inta iḻimitú kon tampat pomomarentaan tatua. Buk tatua nopuḻing in pais kon posi-ḷosi bo kinompitan in meterai pitu.

WAHYU 5:5

Bo tobatú in intau nongkon sigad in itoi mita tatua in noguman kon inakó, “Donaai mongombaḷ! Indoiai! Singa nongkon suku in Yohuda, buí i Daud inta moḷoben, ain nountung. Sia in mokosanggup moḷosi kon meterai pitu tatua bo mobuká kon buk tatua.”