YESAYA 8:13 - Alkitab Singog In Mongondow Masa In Tanaa

¹³ Toropdon kon Akuoi, ki Tuhan Inta Totok in mokawasa in motusi. Tongábí Akuoi in musti koondokmu.

YESAYA 8:13 Mawu Ofanana

KINOBAḺIAN 31:53

Ki Allah inta sinumba i Abraham bo sinumba i amáku ki Nahor in mobaḻí hakim kon sigad natonda.” Bo ki Yakub nongibot pinodoyon kon i Allah inta sinumba i Ishak, ki amánea, sin dumudui mogaid kon dandinea.

MAZMUR 76:7

Bayongan in kabaḷo bo tumotakoinea noḷabú minatoi in guak-Mu, o Allah Yakub!

IḶUAIAN 20:20

Tubag i Musa, “Dika moondok. Ki Allah in mamangoi tongábí monungkuḷ kon i monimu sinbá moiko in umuran motoindudui kon i-Nia, bo diá mogaid kon dosa.”

YESAYA 29:23

Sin aka moiko mokoontong kon i adímu mita inta inogoi-Ku kon i monimu, dá moiko in mongakubí kon Akuoibí in ki Allah mokudus in Israel. Moiko in mohoromatbí kon i-Nakó bo motoguondok kon i-Nakó.

YESAYA 5:16

Táe ki Tuhan Inta Totok in mokawasa nopoontong in koḷoḷoben-Nea pinongin nogaid kon onu inta nobanar. Sia in mopoontongbí in kototusi-Nea pongin monisig kon bangusa-Nea.

YEHEZKIEL 38:16

Bo sinubumu in umat-Ku Israel naonda bo deḷang nondangat kon dunia. Aka wakutunea moiangoidon, iko in potabá-Ku sin mongawasa kon butá-Ku. Takin aid-Ku pongin inimu, ei Gog, bayongan bangusa in monotaaudon mongo ki ine in Akuoi, tuata in ki Allah inta motusi.

IMAMAT 10:3

Bo ki Musa in noguman kon i Harun, “Tuata in makusud i Tuhan kon dodai in Sia noguman, ‘Bayongan intau inta mogaid kon oaidan-Ku musti mohoromat kon kotusian-Ku. Poniata-Kubí in kawasa-Ku kon bayongan bangusa-Ku.’ ” Táe ki Harun tongádon kibio-biómai.

IMAMAT 22:32

Dika mopokotormai kon tangoi-Ku inta motusi. Bayongan bangusa Israel musti mosumba kon i-Nakó mobaḻí Inta Totok in Motusi. Akuoi in ki Tuhan bo Akuoi in nopobaḻí kon i monimu motusi.

MALEAKHI 2:5

Kon dodandian tatua Akuoi in nopodandi kon i monia in kobiagan inta moodom bo motompia, bo mosia in pinotabá-Ku mohoromat kon i-Nakó. Kon dodai intua mosia in nohoromatbí bo motoguondok kon i-Nakó.

PINOGIAPAN 27:14

sin kon padang gurun Zin kamunda ain noḷawang kon parenta-Ku. Kon tungkuḷ in kon Meriba bayongan rayat nongunsingog kon i-Nakó, bo moiko doí moponiata in kawasa-Ku kon tayowon monia kon dodai in mosia kinodaitan in tubig.” (Tua in nobaḻí kon bokaká in tubig Meriba kon Kades, kon padang gurun Zin.)

MATIUS 10:28

Bo donaaibí moondok kon i monia inta moḻimod kon awak, táe diá inogoian in kawasa morabut kon nyawa. Kotoguondokbí kon i Allah inta kokawasa moḻimod kon awak bo morabut kon nyawa kon bonu in naraka.

LUKAS 12:5

Naa in poguman-Kudon kon i monimu mongo ki ine in musti koondok monimu. Kotoguondokbí kon i Allah! Sin aka Sia yo mopaḷut mako moḻimod, yo oyúon doman in kawasa-Nea mopogarab kon bonu in naraka! Popirisayadon, Siabí tua in musti koondok monimu.

SURAT I PAULUS KON JAMAAT RUM 4:20

Sia in umuran mopirisaya bo diábí in ḻia-ḻiaw mako in ginanea kon onu inta pinodandi i Allah tatua. Pirisayanea in mokodugang kon ropotnea, sahingga umuran in sia modayow kon i Allah.

ULANGAN 14:23

Kon tayowon i Tuhan Allahmu, kon tampat inta piniḻí-Nea, inta mobaḻí tampat pooibadaan, moiko musti mokaan kon sosumba mopuḷú noporosen nongkon gandum, tubig in anggur, ḷana in zaitun takin adí in sapi bo adí in bembé dombamu inta muna pinogadí. Aidai intua sinbá umuran in moiko mobalajar mohoromat kon i Tuhan Allahmu.

WAHYU 15:4

Ki inebí in diá moondok kon ini-Mu, Tuhan? Ki inebí in doí mopotaau in kamuliaan-Mu? Tongábí Iko i motusi. Bayongan in bangusa mamangoibí mosumba kon ini-Mu sin aid-Mu mita inta moadil ain inontong in bayongan intau.”

SAMUEL 1 11:7

Takin sinumorú totok nogamá in sia kon sapi doyowa bo iratánea poḷat pinogko-pongkónea kino bayong. Onda intua pongkóan mita tatua pinoki dianea kon bayongan butá in Israel takin parenta nanaa, “Ki ine in doí mayá moparang dumudui kon i Saul bo kon i Samuel, yo sapinea mita in pongko-pongkóon doman nanaa!” Bangusa Israel noondok kon onu in pomiaan i Tuhan moiduduimai, dá bayongan in intau, diábí in sinaḻiban, moibogdon mayá moparang moyotakin.