YESAYA 7:20 - Alkitab Singog In Mongondow Masa In Tanaa

²⁰ Ki Tuhan in monondanbí kon datu in Asyur sin mopomia kon Israel naonda bo intau mongongarug inta mongarug komintan kon buok bo bubuḷ kon awak.

YESAYA 7:20 Mawu Ofanana

YESAYA 1:5

Nongonu sin moiko in umuranbí momayow? Moibog degá in moiko hukumon moiḻiu kon tua in kobogatnea? Uḷumu ain nopuḻing in paḻí mita, gina bo raianmu monakit.

YESAYA 10:15

Táe ki Tuhan in noguman, “Degá motaau in boḻiung in dumodia kon intau inta mopomaké kon inia? Degá garagaji in moponti-ponting in intau inta nopomaké kon inia? Deemanbí bobobak in nobuat kon intau, táe intaubí in motonggó kon bobobak.”

YESAYA 11:15

Ki Tuhan in monggiotbí kon Ḷuok in Suez. Baḻíon-Nea in tompot mopatú mogirup dá Ongkag in Eprat mobaḻí pitu notanga in tubig inta mobabow, bo batúan in intau mokoḷoḷanbí kon tua takin momaké in aip in sioḷ.

YESAYA 36:1

Kon taong impuḷú bo opatnea kon pinomarentaan i Hizkia datu in Yohuda, kotá mita in Yohuda inta dininding sinubu bo sinaḷow i Sanherib, datu in Asyur.

YESAYA 8:7

Tuamai in Akuoi, ki Tuhan, mopoangoi kon i datu in Asyur bo bayongan in tontaranea sin monubu kon Yohuda. Mosia in monubu naonda bo Ongkag in Eprat inta moiḻebe-ḻebet bo nomuḻing kon pompangnea mita.

YESAYA 9:13

Tuamai in tongá tosinggai in ki Tuhan in nohukum kon i itoi mita in Israel bo rayatnea. Pinongkó bo iḷumbú-Nea in uḷu bo iputnea.

YEREMIA 2:18

Onu in mangaḻe in binayáanmu in Mesir? Monginum degá kon tubig in Ongkag in Nil? Onu in mangaḻenea in bayáanmu in Asyur? Monginum degá kon tubig in Ongkag in Eprat?

YEHEZKIEL 29:18

“Ei intau ilo-ilow, ki Datu Nebukadnezar nongkon Babel in monububí kon Tirus. Sia in mopotabábí kon tontara mita momotaan kon dodiaan mita inta mobogat totok, modapot in uḷu monia in moḷogatdon bo motompaḻí in obaga monia, táe pinomayá datu andeka tontaranea diábí nokouḻí kon onu in sinayak onukabí in siniḷopían tua.

YEHEZKIEL 29:20

Butá in Mesir in ogoi-Ku kon inia mobaḻí toguboḻi in bayongan oaidnea, popisí in tontaranea in nogaidon kon oaidan-Ku. Akuoi ki Tuhan Inta Totok in moḷantud ain nosingog.