YESAYA 7:13 - Alkitab Singog In Mongondow Masa In Tanaa

¹³ Bo ki Nabi Yesaya in noguman, “Aka natua, indongogai uḻe buí i Datu Daud! Diápa tugat in moiko in monungkuḷ kon kososabar in intau, modapot in moiko in monungkuḷ doman kon kososabar i Allahku?

YESAYA 7:13 Mawu Ofanana

KINOBAḺIAN 30:15

Tubag i Lea, “Eta diápa doman tugat kon inimu in nogamá kon i buḷoiku? Tanaa iko monungkuḷ doman mogamá kon undam inta nouḻí i adíku.” Guman i Rahel, “Aka ogoimu kon inakó in pinomuḷa undam inta nouḻí i adímu tua, yo motaau in iko mosiug takin i Yakub in doḷom naa.”

TAWARIKH 2 21:7

táe ki Tuhan in doíbí momutú kon datu inta nongkon buí i Daud sin Sia in nodandidon kon buí i Daud in umuranbí momarenta.

MAZMUR 45:5

Bayádon takin torindog momatuk kon inta mokountung moḷongasi kon inta mobanar bo moadil inta moḷukó; podoyon kon ropotmu batukdon in kountungan inta moḷoben!

YESAYA 1:24

Tuamai in ki Tuhan Inta Totok in Mokawasa, ki Allah in Israel in noguman: “Ei, musung-Ku mita, Akuoi in motuḻíbí kon yaat in gina-Ku kon i monimu, modapot in moiko diádon mokoposusamai kon i-Nakó bui.

YESAYA 22:22

Sia in mongawasadon totok kon ḻimonagan in datu inta buí i Daud. Sia in mokadai kon kokunsi in dodatuan. Aka sia in momukat, yo diábí in motaau moḻingkop, bo aka sia in moḻingkop, yo diábí in mokobukat.

YESAYA 25:1

Tuhan, Ikobí in ki Allahku, poḷantudonku in Iko bo dayowonku in tangoi-Mu. Sin oaidan-Mu mita totok in mokoherang; Nongkon dungkuḷmai Iko in nonomayá, bo umuran mosatia in Iko in nogaid kon tua.

YESAYA 43:24

Iko in diábí notaḷui kon dupa mobondu ogoi kon i-Nakó, diá nopoguḻí kon i-Nakó in ḷongó in kuruban inta iratámu. Táe noyoḻiudon, iko in nokibabadon kon i-Nakó in dosamu mita, nopororigamai kon i-Nakó takin taḷámu mita.

YESAYA 63:10

Táe mosia in nomarontak bo nokoajar kon gina i Tuhan. Dá nomurow in Sia bo nobaḻí musung monia Sia tontaní in noparang noḷawang kon i monia.

YESAYA 7:12

Ki Ahas in notubag, “Akuoi in doíbí moigum kon tomponuot. Akuoi in doíbí monungkuḷ kon i Tuhan.”

YESAYA 7:2

Kon dodai in ki datu in Yohuda nokodongog kon tontara in Siria in sinumuotdon kon butá in Israel bo nobaḻídon totakin, sia takin bangusanea totokdon in noondok, nodapot in gugurdon mako in mosia naonda bo pangkoi in kayu inta dinandú in tompot.

YEREMIA 44:22

Ki Tuhan in diádon mokoigon in mokoontong mako kon i monimu moposumba in kuruban kon ilah mita ibanea. Aidmu tua in moraat bo mokooyá. Moiko in binaradosadon kon i Tuhan bo diá motoindudui kon parenta-Nea mita. Tuamai tanaa doman mako butámu ain norimumud dá diádon motaau pogutunan, bo tangoinea in pinakédon nobaḻí kutukan. Intau inta mokoontong in mokoningkimbí.”

YEREMIA 6:11

Torú-Mu kon i monia doman in modidí kon dodobku, Tuhan! Mobogat totok in momondam.” Bo ki Tuhan in noguman, “Popoaidon in torú tatua kon mongoadí mita kon daḷan mita moḷoben bo kon tayow mobiag mita inta noyosipun. Ḷoḷaki bo bobay in domokonbí, bo intau inta nogoguyangdon in diábí kotaḻiban.

YEHEZKIEL 16:20

Onda intua pinosumbamu in ki adí mita naton, ḷoḷaki bo bobay, nobaḻí kuruban kon berhala mita. Diápa doman degá tugat in diá kotoinduduimu kon i-Nakó?

YEHEZKIEL 16:47

Nooropdon degá in iko in dinumudui kon ḻiod monia bo dinumayan kon aid monia inta mokorongó tua? Diápa! Diádon moonggot iko in noiḻiudon in kororaatmu nongkon i monia.

YEHEZKIEL 34:18

Kon sigad monimu oyúon in diá moorop aka tongá mokaan kon bonok inta totok in moḷumbá, táe poḷatbí moruntai kon bonok inta diá kinaan monia! Mosia in nonginum kon tubig inta nosilang bo mopaḷut mako moḷobog kon tubig inta diá ininum monia!

YEHEZKIEL 6:9

kon tua mosia in mobiag kon bonu in poḷumbúan. Bo kotoropandon monia in Akuoi bo komangaḻeandon monia kon Akuoi in mohukum bo moningkuḻe kon i monia sin gina monia in diá motoindudui kon i-Nakó. Mosia in nonaḷámaidon kon i-Nakó bo ain nomiḻí kon berhala nobaḻí toḻiu-Ku. Bo mosia in doídon kon awak monia tontaní popisí in bayongan in aid moraat bo moromú inta ain inaidan monia.

AMOS 3:13

Ki Tuhan Inta Totok in mokawasa bo Inta Totok in moḷantud in noguman, “Taridiaidon in tanaa, bo ogoiaidon in tompoingat in buí i Yakub.

MALEAKHI 2:17

Binaḻí monimu in ki Allah mobú in mokodongog kon oumanmu. Táe moiko in moḻibó, “Yo naondabí in pinopobú nami in ki Tuhan?” Takin tosingogon, “Bayongan in intau inta nogaid kon inta moraat in inanggap mopia i Tuhan, bo kinoibog-Nea in mosia.” Andeka moḻibó, “Kon onda in ki Allah inta inanggap moadil tatua?”

PINOGIAPAN 16:13

Eta diápa tugat in pinogoiníanmu kon inami iḻumuai nongkon butá in Mesir inta mopia tatua sin moḻimod kon inami kon padang gurun tanaa? Yo mustipa doman iko momarenta kon inami?

PINOGIAPAN 16:9

Degá pinikirmai monimu soaḷbí mointok in pinomiḻían i Allah Israel kon i monimu nongkon sigad in intau mita in Israel sinbá motaau dimiug kon i-Nia, bo mopobayá in oaidan-Nea kon Ḷoḷaigan-Nea, poḷat mogaid kon kopontingan umat Israel bo mogundoi kon i monia?

LUKAS 1:69

Sia in nobogoi in mopoposaḷamat kon i naton nongkon buí i Daud, simpaḷ-Nea.

OUMAN IN RASUL MITA 7:51

Nádomai tua in kinototogat in gina monimu nion. Totokbí in mororiga didikon kon bá motoindudui kon i Allah! Diábí indongogan monimu in singog i Allah! Moiko nion in naonda bo mogoguyang mita monimu; umuran diá mokidongog kon Roho i Allah.

IBRANI 3:10

Tuamai in sinumorú Akuoi bo poḷat noguman kon i monia nanaa, ‘Mosia in umuran diá mosatia, bo doí dumudui kon parenta-Ku mita.’