YESAYA 7:10 - Alkitab Singog In Mongondow Masa In Tanaa

¹⁰ Ki Tuhan in nopotaau in koyow ibanea kon i Ahas:

YESAYA 7:10 Mawu Ofanana

DATU MITA 2 16:1

Kon taong impuḷú bo pitu kon pinomarentaan i Datu Pekah adí i Remalya kon Israel, ki Ahas ki adí i Yotam in nobaḻí datu in Yohuda.

YESAYA 1:13

Diábí in baragunanea in podiaan kon sosumbamu tatua. Doíbí in Akuoi kon bónea. Morongó in Akuoi bo diádon mokotahang in mokoontong kon i monimu monanob kon Buḷan Mobagu, singgai mita in Sabat bo singgai mita moḷoben takin poyoyodungkuḷan in agama. Bayongan tua in ain sinamakan monimu in dosamu mita bo nobaḻídon dodiaan kon i-Nakó; moḷopídon in Akuoi in mobaba kon tua.

YESAYA 1:5

Nongonu sin moiko in umuranbí momayow? Moibog degá in moiko hukumon moiḻiu kon tua in kobogatnea? Uḷumu ain nopuḻing in paḻí mita, gina bo raianmu monakit.

YESAYA 10:20

Moiangoibí in wakutunea ki agat in bangusa in Israel inta nokoḷagui in diá bidon mopoandoḷ in ukurnea kon bangusa inta mongongawasa inta gogió momutú kon i monia, táe umandoḷ bidon kon i Tuhan, Allah inta mokudus in Israel.

YESAYA 7:11

“Poigumdon sinbá ki Tuhan Allahmu in mobogoi in tobatú tomponuot kon inimu, pinomayá nongkon dunia in intau minatoi kon ḻimonag, andeka nongkon ḷangit kon ḻimonik.”

YESAYA 7:9

Israel in diábí morop-ropot nongkon Samaria, ibukotánea, bo Samaria in diábí moropo-ropot nongkon i Datu Pekah. Aka moiko diá totu-totuu mopirisaya kon i-Nakó,, notantú bidon kon moiko in diábí mokotongod.”

YESAYA 8:5

Ki Tuhan nosingog bui kon inakó,

HOSEA 13:2

Dapot in tanaa intau mita in Epraim tatua in tantúpa doman mogaid kon dosa; mosia in mogaid kon patong mita saḷaka sin sumbáan – patong inta sinomayá in raian in intau bo inta pinomia in ḻima in intau. Mosia in noguman, “Posumbadon in kuruban kon patong mita tanaa!” Mokoherang, intau in mongayok kon patong in ki adí in sapi!