YESAYA 66:22 - Alkitab Singog In Mongondow Masa In Tanaa

²² Ná ḷangit mobagu bo butá mobagu in monahangbí popisí in kawasa-Ku, natua doman in buímu bo tangoimu in umuranbí oyúon.

YESAYA 66:22 Mawu Ofanana

YESAYA 48:19

Buímu in naonda bo kobayong in bungaion; Akuoi in mojamin kon mosia in diábí kon dodai in onda in yopúon.”

YESAYA 51:16

Akuoibí inta nosongká kon ḷangit bo nopoukat in dodoyonan mita in butá. Akuoi in moguman kon Sion: Ikobí nion in umat-Ku; Akuoi in mobogoi in totundú-Ku kon inimu bo mogoḻiung kon inimu pongin kawasa-Ku.”

YESAYA 53:10

Ibogbí i Tuhan sia in kotugatan in roriga, bo moposarakan in kobiagan nobaḻí kuruban potobut kon dosa. Dá moumur in kobiagannea bo mokoontong kon buínea pongin inia ibog i Tuhan in koaidan.

YESAYA 56:5

dá tangoimu in toropon kon bonu in Baḷoi-Ku bo kon yuak in bangusa-Ku. Tua in mopia-pia in kogadí ḷoḷaki bo bobay. Moiko in ogoian-Ku in tangoi mononoi inta diábí ḻiongon.”

YESAYA 59:21

Akuoi in momia kon dodandian takin i monimu: Moiko in ogoian-Ku in kawasa-Ku bo totundú-Ku modapot in mononoi. Tundúdon kon i adímu mita sinbá mosia in motaau doman motundú kon tua kon adí bo ompu tanaa mako modapot in mononoi.”

YESAYA 61:8

Ki Tuhan in noguman, “Akuoi in moibog kon inta moadil bo mondoí kon pondorotan bo aid moraat. Akuoi in mobogoibí in tondan pinogaidanmu takin satia, bo motogot kon dodandian mononoi takin i monimu.

YESAYA 61:9

Buímu in ponango-nangoianbí kon bayongan in tampat, kotaauan kon sigad in bangusa mita. Dá bayongan in intau inta mokoontong kon inia in mongakubí kon bangusa tanaa in binarakatan-Ku.”

YESAYA 65:17

Ki Tuhan in noguman, “Akuoi in momiabí kon ḷangit inta mobagu bo butá inta mobagu. Onu inta nobaḻí mita koḻipod in koḻionganbí bo diá bidon toropon bui.

YESAYA 65:23

Bayongan inta aidan monia in kodapotanbí, bo ki adí mita monia in diábí daḻi-daḻí matoi. Mosia bo buí monia in barakatan-Ku modapot in mononoi.

YEREMIA 33:20

“Akuoi in nomiadon kon dodandian takin in singgai bo doḷom, sinbá singgai bo doḷom umuran mamangoi kon wakutunea; dodandian tatua diábí motaau inggamáan.

YEREMIA 33:21

Natua doman in Akuoi ain nomia kon dodandian takin i mogogundoi-Ku ki Daud, kon nongkon buínea tantúbí oyúon in intau inta mobaḻí datu, bo Akuoi in nomiadon kon dodandian takin imang mita buí i Lewi kon mosia in umuranbí mogundoi kon i-Nakó. Dodandian mita tatua in diábí motaau popatan.

ZEPANYA 3:20

Moiangoibí in orasnea, intaumu inta noirarit in kapiton-Ku mobui. Moiko in baḻíon-Kudon ponango-nangoian kon sinangkub in butá, bo kototomomanmu in poguḻiton-Kudon bui.” Ki Tuhan in nosingogdon.

MATIUS 28:20

Bo tundú in mosia mogaid kon onu inta aindon pinoguman-Ku kon i monimu. Bo bá kotaauan monimu, kon Akuoi in umuranbí kotaki-takin monimu modapot in singgai pangabisan.”

PETRUS 2 3:13

Táe kita in umuranbí mogoḷat mako kon dandi i Allah. Dandi i Allah tua in soaḷbí ḷangit bo butá inta mobagu inta motompia bo moadil.

WAHYU 21:1

Bo akuoi in nokoontong kon ḷangit mobagu bo butá mobagu. Ḷangit bo butá inta muna in diádon, takin dagat in noinggamá domandon.