YESAYA 66:18 - Alkitab Singog In Mongondow Masa In Tanaa

¹⁸ Akuoi in nonotaaubí kon raian bo aid monia. Akuoi namangoi sin mosipun kon intau mita nongkon bayongan bangusa. Kon tungkuḷ in mosia moyosipun, mosia in mokoontongbí kon kawasa-Ku.

YESAYA 66:18 Mawu Ofanana

MAZMUR 139:2

Kinotaauan-Mu in bayongan in aidku; nongkon noyayú kinomangaḻean-Mu in raianku.

MAZMUR 67:2

Igumon mako ki Allah in motabi bo momarakat kon i naton, igumon mako bobuion-Nea in kita takin pia in gina.

MAZMUR 72:11

Bayongan in datu in dumokóbí kon tayowonnea, bayongan in bangusa mobaḻí atanea mita.

MAZMUR 72:17

Igumon mako ki datu in umuran tano-tano bo modapot in mononoi, bo sia in modugangdon totok tango-tangoion kon tungkuḷ in mata in singgai tantúpa oyúon. Igumon mako bangusa mita in mopoigum in barakat naonda bo sia, bo bayongan in intau moguman kon mosanang totok in sia.

MAZMUR 82:8

Angoidon o Allah, sisigaidon in dunia, sin bayongan in bangusa Ikobí in kitogi.

MAZMUR 86:9

Bayongan in bangusa inta pinomia-Mu in mamangoibí, o Tuhan, sin mosumba kon ini-Mu bo mopoḷantud kon ini-Mu.

MAZMUR 94:11

Ki Tuhan in mokodoḷopbí kon raian in intau, Kinotaauan-Nea kon bayongan intua diábí in mangaḻenea.

MAZMUR 97:6

Ḷangit in mopotaau in kooadil-Nea, bo bayongan in bangusa nokoontong kon kamuliaan-Nea.

YESAYA 11:9

Kon Sion, Buḷud Motusi i Allah, diábí in moraat andeka momoguyaat. Dunia naa in mopuḻingbí in sinotaau soaḷ ki Allah, naonda bo tubig momuḻing kon dagat.

YESAYA 2:2

Kon singgai mita moiduduimai buḷud kinoḻitúan in Baḷoi Tuhan inta moḷantud bo inta noisindog moroton kon tudu in buḷud mita bo tombuḷudnea mita. Bayongan in bangusa moyotakinbí in mayá intua,

YESAYA 37:28

Táe kinotaauan-Kubí komintan in iko. Kinotaauan-Ku onu in inaidanmu bo kon onda in bayáanmu. Kinotaauan-Ku kon iko in sinumorú totok kon i-Nakó,

YESAYA 40:5

Dá kamuliaan i Tuhan in poniatadon; bayongan in umat in mokoontongdon. Totuu, ki Tuhan tontaní in nopodandi kon tua!”

YESAYA 45:22

Ei, bayongan intau kon dunia, angoidon kon i-Nakó sinbá moiko in posaḷamaton, sin tongábí Akuoi in Allah, diábí in ibanea!

YESAYA 52:10

Ki Tuhan in nopoontong in kawasa-Nea kon tayowon in mata in bayongan intau. Dá bayongan butá in mokoontongdon kon kasaḷamatan nongkon i Allah naton.

YESAYA 55:8

Ki Tuhan in noguman, “Raian-Ku in deemanbí raianmu, bo daḷan-Ku in deemanbí daḷanmu.

YESAYA 56:8

Nanaa in guman i Tuhan Inta Totok in moḷantud inta nogatod kon Israel nobui nongkon pinoḷumbúan, “Akuoi in modiabí kon intau ibanea sin dumugang takin monia inta ain notonsipun.”

YESAYA 57:12

Táe Akuoi in mopotaau kon inimu; kotoḷutuimu tatua in diábí totuu, bo bayongan in aidmu tatua in diábí in baragunanea kon inimu.

YESAYA 59:7

Moiko in umuranbí monomayá kon inta moraat, bo moibogdon ḷagi mogaid kon tua. Diábí in ondok moiko in moḻimod kon intau inta diá kotaḷá. Kon ondakabí in bayáanmu, moiko in monaḷámaidon kon inta morumbun bo inta mokoyopú.

YESAYA 65:2

Akuoi in umuranbí mogoḷat mako in motomu kon umat-Ku, táe mosia in moibog momarontak. Bangusa tatua in mogaid kon inta moraat bo dumudui kon tomayánea tontaní.

YESAYA 66:10

Poḷungangadon moyotakin in Yerusalem, ei bayongan in intau inta motabi kon inia. Moiko inta nonogumatoi popisí in sia, tanaa in motaaudon morame moyotakin.

YEREMIA 16:17

Akuoi in nokoontong kon bayongan inta inaidan monia. Diábí in noibuni kon i-Nakó; dosa doman mita monia ain inontong-Ku.

YEREMIA 3:17

Kon dodai intua kotá in Yerusalem in tangoiondon ḷoḻitúan ‘Pomomarentaan i Tuhan’, bo bayongan in bangusa in mosipun kon kotá tatua sin mosumba kon i-Nakó. Mosia in diá bidon dumudui kon ibog in gina monia inta pamandot bo moraat tua.

YEHEZKIEL 38:10

Ki Tuhan Inta Totok in moḷantud in noguman kon i Gog, “Kon dodai intua iko in mogaid kon tomayá inta moraat.

YEHEZKIEL 39:21

Ki Tuhan in noguman, “Akuoi in moponiatabí in kamuliaan-Ku kon bangusa mita. Mosia komintan in mokoontongbí kon naonda in Akuoi mopomaké in kawasa-Ku sin mopobayá in onu mita inta ain sinantú-Ku inta moadil.

YOËL 3:2

Bayongan in bangusa in sipunon-Ku bo diaan-Ku kon Ḷopá Pohohakiman. Bo sisigan-Ku in mosia kon tua popisí in aid monia moraat kon umat-Ku sin mosia in nosila-silaidon mako kon butá in Israel bo umat-Ku in iḷumbú monia kon butá mita in intau ibanea.

AMOS 5:12

Kinotaauan-Ku kon totuudon moḷoben in aidmu moraat bo totuu mobayong in dosamu. Moiko in mondorot kon intau mopia; moiko in motarima kon sogó inta mopomayá mako kon intau bogá inta pinopoaidan in intau diá moadil kon pongadilan.

ZAKHARIA 14:16

Onda intua bayongan in intau inta nobiagpa kon sigad in bangusa mita inta nonubu kon Yerusalem, in mayádon in kotá sin mosumba kon i Datu, ki Tuhan Inta Totok in mokawasa, bo morame kon singgai Moḷoben Ḷuḷung Daun.

MALEAKHI 1:11

Akuoi in ihoromat in bangusa mita kon sinangkub in dunia. Kon ondaka tubáan monia in kamania sin mohoromat kon tangoi-Ku bo moposumba in kuruban inta patus, sin bayongan in bangusa in mohoromatbí kon i-Nakó!

MATIUS 12:25

Táe kinotaauan i Yesus in raian monia tua. Manangka intua Sia nosingog kon i monia, “Pomuḷoi in dodatuan inta diá notobatú yo motantú bidon kon moputúbí bo pomuḷoi in kotá andeka motoḷuadí inta diá motobatú, diábí mononoi.

MATIUS 9:4

Táe kinotaauandon i Yesus in raian monia tatua, tuamai Sia in noḻibó, “Nongonu sin moiko in moraibí kon soaḷ mita inta moraat kon bonu in ginamu?

LUKAS 5:22

Táe kinotaauan i Yesus in raian monia tatua, tuamai noḻibó in Sia, “Nongonu sin moiko in moraibí kon natua kon bonu in gina monimu?

YOHANES 17:24

Amá, ibogon-Ku, sinbá mosia inta ain inogoi i Amá kon i-Nakó in moyotakin-Ku doman kon tampat inta bayáan-Ku, sinbá koontongandon monia in kamuliaan-Ku, inta ain inogoi i Amá kon i-Nakó. Sin Akuoi in kinotabi i Amá kon wakutu in dunia naa diápa pinomia.

YOHANES 5:42

Kinotaauan-Kubí in moiko. Kinotaauan-Kubí kon diábí in tabi monimu kon i Allah.

SURAT I PAULUS KON JAMAAT RUM 16:26

Táe masai naa, podudui in parenta i Allah inta mononoi, tomayá tatua ain pinoniata bo ain pinotaau kon bayongan intau, inta pinongin onu inta ain pinais in nabi mita, sinbá mosia komintandon mopirisaya bo motoindudui kon i Allah.

KORINTUS 1 3:20

Bo oyúon doman in pinais nanaa, “Kinotaauanbí i Tuhan kon raian in intau mita inta mongobijaksana diábí baraguna.”

ULANGAN 31:21

Bo mobayong in bodito motoyang in moiuma kon i monia. Táe dondong tanaa umuranbí podondong bo pakéon mobaḻí tomponiata kon i monia. Modapot in tanaa kon dodai in mosia diápa diaan-Ku kon butá inta pinodandi-Ku, kinotaauan-Kubí in raian monia.”

IBRANI 4:12

Sin pirman i Allah tatua in singogbí inta nobiag bo moropot bo Siabí in moḷani-ḷanit nongkon pitow inta doyowa in matanea. Singog tatua in tumurak nodapot in nopoyotondí in jiwa bo roho; boḻikatog bo tuḷan bobubuton, sahingga in kotaauanneadon totok in raian bo niat in intau.

WAHYU 11:15

Bo malaekat impitunea in nogirup kon torompetnea, dá kinodongogandon in singog mita inta mongoḷangon totok nongkon soroga noguman, “Kawasa momarenta kon dunia naa, masai naa kinadaiandon i Tuhan naton, bo i Datu mopoposaḷamat inta pinodandi-Nea. Sia bidon in momarenta modapot in mononoi!”

WAHYU 2:13

Kinotaauan-Kubí in pinogutunan monimu. Moiko in nogutun kon tampat inta pinomarentaan in Ibilis, táe moiko in motoinduduibí kon i-Nakó. Sedang bo wakutu in ki Antipas, sakusi-Ku inta motoindudui tua iḻimod kon tayowonmu kon tampat poyoyosipunan in Ibilis, yo moiko in umuranbí doman nongaku saḷaku intau mita inta mopirisaya kon i-Nakó.

WAHYU 2:2

Kinotaauan-Kubí onu inaidan monimu. Moiko in morajing totok in mogaid bo totok doman mosabar. Kinotaauan-Kubí doman kon kinodoíbí monimu in mosia inta moraat. Bo intau mita inta dumuí rasul bokaka deemanbí totuu rasul, aindon inuji monimu bo kinokadapatan monimu kon mosia tua in intaubí mita inta mongouboḷ.

WAHYU 2:9

Kinotaauan-Kubí in yoyiga mita monimu; Kinotaauan-Kubí kon moiko in nomasiking – táe sabanarnea moiko nion in nooyúonbí! Kinotaauan-Kubí doman in bayongan inta pinonapud kon i monimu i intau mita inta dumuí intau in Yahudi, bokaka deemanbí; mosia tua in dumoduduibí in Ibilis!