YESAYA 66:16 - Alkitab Singog In Mongondow Masa In Tanaa

¹⁶ Sin bayongan in intau inta kinokadapatan kotaḷá in hukumon-Neabí in tuḷú bo pitow, bo mobayongbí in hukumon matoi.

YESAYA 66:16 Mawu Ofanana

YESAYA 10:4

Ukurmu in tongábí ḻimodon kon parang andeka diaan nobaḻí intau inta dinakop. Táe ki Tuhan in umuranpabí tumorú bo tantú mohukum.

YESAYA 27:1

Kon dodai intua ki Tuhan in momakébí in pitow-Nea inta moropot bo moḷanit sin mohukum kon Lewiatan, uḷag inta ḷumandai bo iḻimibo-ḻibod tua, bo moḻimod kon naga in dagat.

YESAYA 3:13

Ki Tuhan in taḷaoḷatdon sin mogugat bo monisig kon umat-Nea.

YESAYA 30:30

Ki Tuhan mopodongogbí in singog-Nea inta momulia, bo pomuḷoi in intau in mokorasabí kon kawasa-Nea inta motoyang. Torú-Nea in mokopoangoibí kon tuḷú inta mokopokak, uyan morogot, uyan batu bo deḷang.

YESAYA 31:8

Asyur in yopúonbí kon parang, táe deemanbí podoyon kon ropot in intau. Intau in Asyur in moḷaguibí nongkon tampat popoparangan, bo intau mita monia inta mongobagupa in baḻíon bobantung.

YESAYA 34:2

Ki Tuhan in tumorú kon bayongan in bangusa bo bayongan in tontara monia. Hukumon-Neabí bo yopúon in mosia.

YESAYA 65:12

Moiko komintan in matoibí mita mobaḻí kuruban in aid moraat. Sin, kon dodai in Akuoi nogoiní, moiko in doíbí sinumubag, bo kon dodai in Akuoi nosingog, moiko in doíbí nokidongog. Moiko in moibo-ibogbí moḷawang kon i-Nakó bo mogaid kon inta moraat.

YEREMIA 25:31

Modapot kon popod in butá singog-Nea in kodongogan; ki Tuhan in momia kon pelekara kon bangusa mita. Bayongan in intau in sisiganbí bo inta moraat in hukumonbí matoi.’ ”

YEREMIA 25:33

Kon singgai tatua mayat in intau mita inta pinatoi i Tuhan in moibilabagdon magí mako kon sinangkub in butá. Mosia in diá bidon ombaḷan, diábí doman buaton sin ḷobongon, táe pomayá bidon mako kon butá naonda bo kinosipunan in apat.

YEREMIA 45:5

Nongonu sin iko in moibogbí popoḷontúon? Dika natua, Barukh! Bayongan in intau in hukumon-Kubí in bodito, táe iko, iko in mosaḷamatbí. Kon ondaka in bayáanmu, iko in umuranbí mobiag. Akuoi, ki Tuhan ain nosingog.”

YEREMIA 46:15

Nongonu sin ki Apis, dewamu inta moropot tua in noḷagui bidon? Popisíbí in sinaḷow i Tuhan in sia!’

YEHEZKIEL 28:18

Ki Tuhan in noguman, “Ei Tirus, iko in nongotor kon pooibadaanmu popisí in taḷá mita bo tombogá kon dodai in nodagang. Tuamai in tubáan-Ku in iko modapot in motondodai in butá. Bayongan in intau inta moindoi kon inimu tongádon moindoi kon ḷobud.

YEHEZKIEL 38:17

Kinotaauan bidon kon soaḷ iko dungkuḷmai in muna bidon pinotaau-Ku pinongin mogogundoi-Ku mita nabi mita in Israel? Sinoḷanow bidon monia kon singgai moiduduimai Akuoi in mopotabábí kon intau tobatú sin monubu kon Israel. Akuoi ki Tuhan Inta Totok in moḷantud ain nosingog.”

YEHEZKIEL 5:15

Aka Akuoi tumorú bo moyaat totok in gina kon inimu poḷat mohukum kon inimu, yo bayongan in bangusa kon ḻibumumai in mokoningkimbí. Singkuḻeonbí monia in iko bo morongó in mokoontong kon inimu.

YOËL 3:2

Bayongan in bangusa in sipunon-Ku bo diaan-Ku kon Ḷopá Pohohakiman. Bo sisigan-Ku in mosia kon tua popisí in aid monia moraat kon umat-Ku sin mosia in nosila-silaidon mako kon butá in Israel bo umat-Ku in iḷumbú monia kon butá mita in intau ibanea.

AMOS 7:4

Akuoi in bui nokoontong kon tobatú oontongon nongkon i Tuhan Inta Totok in moḷantud. Inontongku in Sia koyogot in mosadia mohukum kon umat-Nea pongin tuḷú. Tuḷú tatua in ḷumekep kon bayongan in baḷangon kon ḻimonag in butá bo momangkoidon momokak kon gobá in tudunea.

NAHUM 3:15

Onukabí in aidanmu, diábí in mangaḻenea, sin iko in notantúbí modait mopagong bo andeka matoi kon poparangan. Iko in moinggamábí naonda bo bungai in boyó kon gobá inta nodait kinaan in pangkoḷá. Iko in nobaḻídon nobayong naonda bo pangkoḷá!

NAHUM 3:3

Tontara mita inta sinumakoi kon kabaḷo monubu imibo-ibog, kedang monindar bo pandong in mopouḻi-uḻinag. Intau matoi diádon koiapan, mayat monia moyo-moyoguntuḷ, dá intau mita in moipintudon.

ZAKHARIA 14:5

Moiko in moḷaguibí mongin ḷopá inta nomotak kon tombuḷud tatua nobaḻí doyowa. Moiko in moḷaguibí ná mogoguyangmu kon tungkuḷ in ḻinug kon dodai in ki Uzia datu in Yohuda. Bo namangoidon in ki Tuhan Allahku, sinakinan in bayongan in malaekat.