YESAYA 66:13 - Alkitab Singog In Mongondow Masa In Tanaa

¹³ Akuoi in moḻipoi kon i monimu kon Yerusalem, naonda bo ki iná inta moḻipoi kon i adínea.

YESAYA 66:13 Mawu Ofanana

MAZMUR 137:6

Biódon mako akuoi diádon motaau modondong aka koḻionganku in iko bo diádon in iko kinoibogku!

MAZMUR 94:19

Aka ginaku moondok bo moyayow, Iko in moḻipoi bo moposanang in ginaku.

YESAYA 12:1

Moiangoibí in wakutunea moiko in modondong: “Tuhan, akuoi mopoyaput in sukur kon ini-Mu, Sin Iko in noḻipoi kon inakó. Koḻipod Iko in sinumorú kon inakó, táe tanaa in noinggamádon in torú-Mu.

YESAYA 40:1

Nanaa in tosingogon i Allahmu, “Ḻipoidon, ḻipoidon in bangusa-Ku!

YESAYA 40:2

Poonowdon in gina in intau in Yerusalem, pogumandon kon pononggataan kon i monia in nopaḷutdon. Taḷá monia in inampungan-Kudon, dosa mita monia in ihukum-Kudon kodua noguntuḷ.”

YESAYA 49:13

Podondongdon ei ḷangit, porogiowdon ei butá, ei buḷud mita. Porogiowdon takin pia in gina! Sin ki Tuhan in mamangoi moḻipoi kon umat-Nea, Sia in monotabi kon umat-Nea inta dinorot.

YESAYA 51:12

Ki Tuhan in noguman, “Akuoibí inta noḻipoi kon i monimu. Nongonu sin moondokbí in iko kon intau inta mato-matoi, kon intau inta iḷumbú naonda bo bonok?

YESAYA 51:3

Yerusalem, ḻipoion-Ku in iko, bo bayongan inta nogutun kon kino rumbunanmu. Rawangmu mita inta noḷogat binaḻí-Kudon taman, naonda bo Eden, taman-Ku inta noḷumbá. Kon tua intau in morogiow bo mopia in gina bo mosukur pongin dondong mita.

YESAYA 66:10

Poḷungangadon moyotakin in Yerusalem, ei bayongan in intau inta motabi kon inia. Moiko inta nonogumatoi popisí in sia, tanaa in motaaudon morame moyotakin.

KORINTUS 2 1:3

Dinayo-dayowdon in ki Allah, inta ki Amá i Yesus Kristus, Tuhan naton. Sia tua in Amá inta totok in mopia in gina, bo inta tantú moginyopot kon gina in bayongan intau.

KORINTUS 2 1:4

Sia in tantú moginyopot kon gina nami kon dodai in kami kinoantugan in yoyiga, sahingga in nokosanggup doman in kami noginyopot kon gina in bayongan intau inta kinoantugan in yoyiga.

TESALONIKA 1 2:7

Táe kami in tongábí umuran mokopopia kon oaid wakutu in kon yua-yuakpa monimu, naonda bo guyanga bobay monompia kon i adínea.