YESAYA 66:11 - Alkitab Singog In Mongondow Masa In Tanaa

¹¹ Moiko in motarimabí kon kobiagannea inta motompia, naonda bo adí tobatú moneté kon i inánea.

YESAYA 66:11 Mawu Ofanana

MAZMUR 36:8

Totuu moḷoben in mangaḻe in tabi-Mu, o Allah, intau in moniung kon bonu in koḻikip-Mu.

YESAYA 49:23

Datu mita in naondadon bo ki amámu, bo bokí mita in nobaḻí ki inámu. Mosia in tumungkudbí mohoromat kon inimu bo tumonsiup kon inimu. Dá kotaauanmudon kon Akuoi in ki Tuhan; intau inta inumandoḷ kon i-Nakó in diábí pokuyangon in gina.”

YESAYA 60:1

Sindogdon bo kobaḻídon bayag, ei Yerusalem, sin bayag in kasaḷamatanmu in noiangoidon; Ki Allah in monimbayagbí kon inimu takin kamuliaan-Nea.

YESAYA 60:16

Iko in biagonbí in bangusa mita bo in datu mita, naonda bo iná tobatú momiag kon i adínea. Dá kotaauanmudon kon Akuoibí in Tuhan, Mopoposaḷamatmu, bo ki Allah in Israel inta moropot in Mopopoḷuatmu.

YESAYA 60:2

Dunia kinawasa in sindip, bangusa mita kinokoḷoban in pungit; táe bayag i Tuhan in momukábí kon ḻimonikmu, Sindar in koangoian-Nea in moniata kon ḻimonikmu

YESAYA 60:5

Mokoontongmai kon natua moherang in iko bo pogotmu in motarimbuka; Moitongau in iko bo moḷoben in gina. Kapunyaan in bangusa mita diaan kon inimu, kaoyúonan nongkon ḷoḷan in dagat momuḻing kon inimu.

YESAYA 62:2

Ei Yerusalem, bangusa mita in mokoontong kon kountunganmu, datu mita in moindoi kon koḷoḷobenmu. Iko in tangoion in tangoi mobagu, ki Tuhan tontaní in nobogoi in tangoi tatua.

YOËL 3:18

Kon singgai tatua buḷud mita in mopuḻingbidon in gobá in anggur. Bobiagon mita in mokaan bidon kon bonok kon tombuḷud mita inta moḷumbá. Ongkag mita kon Yohuda diábí kon dodai in onda in modait in tubignea. Ongkag tobatú in moiḻigbí nongkon Baḷoi Tuhan, bo mopomuntad in tubig moonow kon Ḷopá in Akasia.

PETRUS 1 2:2

Moiko in musti mobaḻídon naonda bo adí mointok inta bagu pinononggadí inta umuran moyogang in susu inta nongkon soroga. Aka natua yo mobiagbí bo posaḷamatonbí in moiko.