YESAYA 64:6 - Alkitab Singog In Mongondow Masa In Tanaa

⁶ Kami komintan in intaubí mita inta nonajis, nodapot in aid nami inta mopiapa in diá nodarit bo nokotor. Kami in moputúdon popisí in aid nami moraat naonda bo daun noingkag pinoḷayug in tompot.

YESAYA 64:6 Mawu Ofanana

SAMUEL 2 22:46

Barani monia noinggamádon; mosia in mourot bo ḷumuai nongkon poḷoḷukadannea.

AYUB 14:4

Motaau degá in intau baradosa mokopoangoi kon inta motompod?

AYUB 25:4

Degá intau motusi kon mata i Allah? Degá nodarit kon tayowon-Nea?

MAZMUR 1:4

Noyoḻiu kon tua in intau moraat: sia in naonda bo baḻeká inta inirup pinorarit in tompot.

MAZMUR 14:4

Guman i Tuhan, “Diádon degá noratak in intau mita tatua? Mosia in nobiag takin nogagow kon umat-Ku bo diábí kon dodai in onda in noigum pinongin sambayang kon i-Nakó.”

MAZMUR 51:5

Sin inakukubí in bayongan in taḷáku, dosaku in umurankubí toro-toropon.

YESAYA 1:28

Táe intau mita binaradosa inta nomarontak kon i-Nia in yopúon-Neabí, bo bayongan inta nonaḷámai kon i-Nia in yompatonbí.

YESAYA 1:30

Mosia in mobaḻíbí naonda bo pangkoi in kayu moḷoben inta noḷaḷow in daunnea, bo naonda bo gobá inta diá binonuan in tubig.

YESAYA 43:22

Ki Tuhan in noguman, “Táe iko Israel, diá nosumba kon i-Nakó, bo diádon nogundoi kon i-Nakó.

YESAYA 46:12

Indongogaidon in Akuoi, ei intau mita moḷoḷatú, moiko inta noguman kon kauntungan in noyayúpabí.

YESAYA 48:1

Indongogai, ei buí i Yakub, buí in Yohuda inta nomaké in tangoi in Israel, kainimu in inakumu in Allah in Israel, bo nongibot pinodoyon kon tangoi Tuhan. Táe tosingogonmu mita tua in diábí totuu.

YESAYA 50:1

Ki Tuhan in noguman kon Israel, “Ei umat-Ku, kainimu kamai Akuoi in mopoguntunbí kon inimu naonda bo buḷoi ḷoḷaki mopoguntun kon i buḷoinea bobay? Aka natua, yo kon onda in surat gogaatannea? Kainimu kamai Akuoi in mopotaḷui kon inimu, naonda bo guyanga ḷoḷaki nopotaḷui kon i adínea kon intau inta mamangoi moigum kon boḻi? Deeman! Iko in dinakop bo iḷumbú, popisí in dosa bo aid moraatmu tontaní!

YESAYA 50:2

Nongonu sin nongkon umat-Ku diábí tobatúmai in intau in notubag, kon tungkuḷ in Akuoi namangoi nogoiní kon i monia? Degá mosia in tongá kibio-biómai sin kai monia kamai Akuoi in diá mokopoḷuat bo moposaḷamat kon i monia? Totuubí, podudui in parenta-Ku dagat nobaḻí noingkag, ongkag mita binaḻí-Ku padang gurun, nodapot in toyá mita minatoi bo nobódon in ḷandig.

YESAYA 53:6

Kita komintan in noiḷangkam naonda bo domba, kon batúannea notayak kon daḷannea-daḷannea. Ki Tuhan ain nopouma kon inia in bayongan aid naton inta moraat.

YESAYA 6:5

Bo akuoi in noguman, “Mobodito! Diádon in kamang kon inakó, sin bibigku in nokotor popisí in dosa, bo akuoi in nogutun kon sigad in bangusa inta natua doman. Umpaka natua, takin mataku tontaní akuoi ain nokoontong kon i Datu, ki Tuhan Inta Totok in mokawasa!”

YESAYA 8:17

Ki Tuhan ain nogadop kon buí i Yakub, umat-Nea, táe mopirisayabí in akuoi bo umandoḷ mako kon i-Nia.

DANIEL 9:13

Bayongan in bodito inta pinais kon Hukum i Musa ain pinoumá-Mu kon inami. Táe umpaka natua, o Tuhan Allah nami, kami in tantúpabí doman mondoí mopoḷunganga in gina-Mu. Kami in umuranbí doí monaḷámai kon dosa mita nami bo doí doman moindoimai kon totundú-Mu mita.

HOSEA 4:19

Tuamai in mosia in moinggamábí naonda bo inirup in tompot. Mosia in mooyábí popisí in kuruban mita inta pinosumba monia kon dewa mita.

HOSEA 7:7

Kon bonu in torúnea, mosia in noḻimod kon itoi mita monia. Bayongan in datu monia ain iḻimod noyo-noyodudui. Táe umpaka kaadaan nádomai tua in koraatnea, yo diábí doman tobatúmai in nosambayang kon i-Nakó sin mokituḷung.”

IMAMAT 13:12

Aka inontongdon i imang kon inta tumbobog mita nobudó tatua aindon noiḻekep nongkon uḷu dapot in sioḷ,

ZAKHARIA 3:3

Ki Yosua in sinimindog kon tua nogiḷambung in ḷambung inta totok in nokotor.

SURAT I PAULUS KON JAMAAT RUM 7:18

Kinotaauanku bidon, kon bonu in awakku naa, diábí in tobatúmai in mopia, tuabí in tabiat saḷaku intau ilo-ilow. Sin oyúonbí in ibog kon inakó in mogaid kon inta mopia táe diá mokosanggup in akuoi in mogaid kon natua.

SURAT I PAULUS KON JAMAAT RUM 7:24

Yo, nanaadon in kaadaanku: akuoi in dinumudui kon hukum i Allah takin ginaku motuḻid, táe tabiat in intau ilo-ilow naa, dá akuoi kinawasa in dosa. Mobodito totok akuoi naa! Ki ine in moibog moposaḷamat kon inakó? Sukurdon totok kon i Allah! Sin Sia in noibog noposaḷamat kon inakó pinongin i Yesus Kristus.

PILIPI 3:9

bo akuoi in totu-totuudon notobatú takin-Nea. Hubungan mopia takin i Allah in diábí nouḻíku sin popisí in dinumudui kon hukum in agama, táe tua in nouḻíkubí sin akuoi in nopirisayadon kon i Kristus. Dá tuamai hubungan mopia tua in namangoibí nongkon i Allah sin pinodoyon kon pirisaya kon i Kristus Yesus.

TITUS 3:3

Sin koḻipod in kita tontaní in nobodokbí doman, diá noitutui bo diá motoindudui. Kita sinonggata in norupa-rupamai in ibog in awak naa ande in dunia naa; kita in noyobiag takin niat mita inta moraat, tantú mointoi bo mososaturuan.

WAHYU 7:13

Bo tobatú in intau nongkon sigad in itoi mita tatua in noḻibó kon inakó: “Ki inebí in intau mita inta nogi jubah mita nobudó tanion? Bo namangoi nongkon onda in mosia nion?”