YESAYA 64:2 - Alkitab Singog In Mongondow Masa In Tanaa

² naonda bo tuḷú mopodokot in kayu bo mokodidí kon tubig. Poniatadon in kawasa-Mu kon musung-Mu mita, modapot in bangusa mita in mourot kon tayowon-Mu.

YESAYA 64:2 Mawu Ofanana

MAZMUR 106:8

Táe ki Tuhan in noposaḷamat kon i monia podoyon kon i-Nia tontaní, sinbá kotorindog-Nea in moniata.

MAZMUR 46:10

Sia in nopogogai in parang kon sinangkub in dunia, piot bo pandong irimumud-Nea, kaḻeaw noḻimbung in sinubá-Nea.

MAZMUR 79:10

Dika pomayá mako in bangusa ibanea in moḻibó soaḷ kami, “Kon onda in ki Allah monia?” Biódon mako in kami in mokoontong kon potuḻían kon bangusa mita inta noḻimod kon mogogundoi-Mu mita.

MAZMUR 83:13

popisí in mosia in nogumandon, “Igai ḻitúandon naton in butá pinogutunan i Allah.”

MAZMUR 9:20

Sindogdon, o Tuhan, sisigaidon in bangusa mita, dika pomayá mako in intau ḷumoḷatú.

MAZMUR 99:1

Ki Tuhan in Datu; bangusa mita in mourotbí. Sia in nomarenta kon tudu in kerub, butá in nodandú.

IḶUAIAN 14:4

Baḻíon-Ku in sia motogat in gina sinbá aḷowanneadon in moiko. Táe poontong-Kudon in kawasa-Ku kon i datu in Mesir bo tontaranea mita, bá kotaauandon monia kon Akuoi naa in ki Tuhan.” Bo inaidandon intau in Israel onu inta ain pinarenta i Tuhan kon i monia.

YESAYA 28:21

Ki Tuhan in simindogbí ná kon Buḷud in Perazim. Sia in moḷongasibí totok ná kon Ḷopá in Gibeon sin mopobayá in makusud-Nea, makusud inta mokoherang kon intau! Sia in moponiatabí in oaidan-Nea inta mokoherang.

YESAYA 37:20

Oo, ki Tuhan Allah nami, poḷuatdon in kami nongkon intau mita in Asyur tatua sinbá bayongan in bangusa kon dunia naa monotaau kon tongábí Iko in Tuhan.”

YESAYA 63:12

Kon onda in ki Tuhan inta koyot-yotakin i Musa takin ḻima-Nea inta moropot motorindog, bo nomotak kon tubig kon tayowon monia sinbá tangoi-Nea in kotaauandon modapot in mononoi?

YEREMIA 33:9

Yerusalem in mobaḻí koḷungangaan bo koyunggagaan-Ku. Bayongan in bangusa kon dunia in mobaḻíbí moondok bo mourot poḷat mohoromat kon i-Nakó, aka mokodongogdon kon bayongan inta mopia inta inaidan-Ku kon intau inta nogutun kon Yerusalem, bo kobiagan motompia inta ogoi-Ku kon kotá tatua.”

YEREMIA 5:22

Akuoibí in ki Tuhan; nongonu sin diábí in moiko moondok kon i-Nakó? Mustibí in moiko mourot kon tayowon-Ku! Akuoibí inta ain nomia kon bingkí in dagat nobaḻí tonsigad in dagat inta diábí koḻimpatannea modapot in mononoi. Dagat in monomburábí bo bokoḷ in mondangatbí táe diábí mokoḻimpat kon tonsigad tatua.

AMOS 4:12

Tuamai, ei umat in Israel, hukumon-Kubí in moiko. Dá posadiadon in tumayow kon hukuman inta bain pouma-Ku kon inimu!”

MIKHA 1:4

Buḷud mita ḷumoḷayat kon paḷad in sioḷ-Nea naonda bo lilin kon bonu in tuḷú inta modokot; butánea in moḻitu moibonu kon oyuknea mita, naonda bo tubig kon tudu in tombuḷud inta moiḻig monag.

ZAKHARIA 14:4

Kon singgai tatua Sia in simindogdon kon Tombuḷud in Zaitun, kon dotá in pomukaan nongkon Yerusalem. Dá Tombuḷud in Zaitun in kobotakan in ḷopá inta mobendar, pinangkoi kon pomukaan modapot in toyopan. Tongobotak in tombuḷud tatua in mopobayá ná utuan, bo tongobotak doman in mopobayá in toḷatan.

ULANGAN 2:25

Pinangkoi kon singgai naa baḻíon-Ku in moiko kobangkaḷ in bangusa mita kon ondaka. Bayongan intau in mourotbí sin moondok aka mokodongog kon tangoi monimu.’ ”