YESAYA 61:4 - Alkitab Singog In Mongondow Masa In Tanaa

⁴ Mosia in moposindogbí in kotá mita inta ain noonggot in norumbun bo moposindog bui in tampat mita inta ain noonggot in noingongow.

YESAYA 61:4 Mawu Ofanana

EZRA 9:9

Kon tungkuḷ in kami kon pinononggataanpa, diábí sinaḷáan-Mu in kami. Binaḻí-Mu in kami kinotabi in datu mita in Persia bo pinomayá mako in nobiag bo noposindog bui in Baḷoi-Mu inta dongkadon rumbunnea tua. Iḷukadan-Mu in kami in kon naa, kon Yohuda bo kon Yerusalem.

MAZMUR 46:8

Ki Tuhan Inta Totok in mokawasa moyotakin naton, ki Allah i Yakub noḷukad kon inaton.

MAZMUR 74:3

Ritakaidon in tampat inta ain nobaḻí apug; bayongan inta kon Baḷoi-Mu ain irimumud in musung.

YESAYA 52:9

Porogiowdon, ei rumbun mita in Yerusalem, sin ki Tuhan in noḻipoi kon umat-Nea bo nopoḷuat kon Yerusalem.

YESAYA 58:12

Kotá inta noonggotdon in nobaḻí rumbunnea in posindogonmudon bui kon tudu in orotan koyongan. Moiko in tangoiondon ‘Bangusa inta moposindogdon bui in dinding mita bo monompia kon baḷoi mita inta ain nogoguyaat.’ ”

MIKHA 7:11

Ei Yerusalem! Wakutumudon bui moposindog in dinding mita in kotámu. Kon singgai tatua butámu in dugangandon in kooḷadnea.

ZAKHARIA 1:17

Malaekat tatua in nopotabá kon inakó mopotaau in koyow doman tanaa, “Ki Tuhan Inta Totok in mokawasa in nodandi kon kotá-Nea mita in mobaḻí motomoman bui bo komintanpa doman in Sia in motuḷung kon Yerusalem bo akúon-Nea saḷaku Sia in kitogi.”