YESAYA 60:5 - Alkitab Singog In Mongondow Masa In Tanaa

⁵ Mokoontongmai kon natua moherang in iko bo pogotmu in motarimbuka; Moitongau in iko bo moḷoben in gina. Kapunyaan in bangusa mita diaan kon inimu, kaoyúonan nongkon ḷoḷan in dagat momuḻing kon inimu.

YESAYA 60:5 Mawu Ofanana

MAZMUR 119:32

Takin pia in gina dumudui in akuoi kon parenta-Mu, sin binaḻí-Mu in akuoi totok in momangaḻe.

MAZMUR 34:5

Akuoi in nosambayang kon i Tuhan, bo sinubagan-Nea, bo nopoḷuat kon inakó nongkon bayongan inta mokoondok.

YESAYA 23:18

Kauntungan bo boḻi in pinogaidan inta nouḻínea in diábí tagúonnea, táe posumbaneabí kon i Tuhan. Intau mita inta nosumba kon i Tuhan in mopomakébí in doit tatua sin potaḷui kon kaanon bo pakéon kon inta paraḷu monia.

YESAYA 54:2

Pokooḷadon in ḷoḷaigan mita pogogutunanmu; koḷanggó in tontogotnea mita bo koroton in oiginea!

YESAYA 60:11

Singgai doḷom bonawangmu in bukaanbí mako, sinbá kaoyúonan in bangusa mita motaaudon atodon kon inimu, takin datu mita inta ain nobaḻí intau inta dinakop.

YESAYA 61:6

Moiko in tangoionbí mogogundoi i Allah bo tangoion imang i Tuhan naton. Moiko in mokaanbí kon kaoyúonan in bangusa mita bo mopia in gina popisí in kapunyaan monia.

YESAYA 66:12

Sin ki Tuhan in noguman, “Moiko in ogoian-Ku in kobiagan motompia naonda bo ongkag inta moiḻig kaoyúonan in bangusa mita in diaan poangoi kon inimu naonda bo ongkag inta moiḻebe-ḻebet. Moiko in naonda bo adí inta pinoteté bo kokoyo-koyot i inánea, bo iyapumai kon tompunukaneamai.

YEREMIA 33:9

Yerusalem in mobaḻí koḷungangaan bo koyunggagaan-Ku. Bayongan in bangusa kon dunia in mobaḻíbí moondok bo mourot poḷat mohoromat kon i-Nakó, aka mokodongogdon kon bayongan inta mopia inta inaidan-Ku kon intau inta nogutun kon Yerusalem, bo kobiagan motompia inta ogoi-Ku kon kotá tatua.”

HOSEA 3:5

Táe moiangoibí in wakutunea bangusa in Israel mobui kon i Tuhan Allah monia, bo kon i datu monia nongkon buí i Daud. Bo moondok in mosia poḷat mohoromat kon i Tuhan, poḷat motarima kon barakat-Nea mita.

MATIUS 25:16

Simpaḷ inta notarima kon ḻima noribu tua minayá, bo nopobaraguna in doit inta inogoi tatua dá nokouḻí in sia kon ḻima doman noribu bui.

OUMAN IN RASUL MITA 10:45

Dá intau mita in Yahudi nongkon Yope inta nopirisayadon kon i Yesus inta dinumudui kon i Petrus, komintan nongoherang in nokoontong kon ki Allah in nobogoibí doman in Roho-Nea kon intau mita inta deeman Yahudi.

OUMAN IN RASUL MITA 11:17

Dá tantú notarang bidon kon ki Allah in mobogoibí doman in totabi-Nea kon intau inta deeman Yahudi, ná totabi inta inogoi-Nea kon inaton wakutu in kita bagu nopirisaya kon i Tuhan Yesus Kristus. Tuamai, diábí doman inta ampaganku in ki Allah!”

OUMAN IN RASUL MITA 24:17

Bo naonda in tongonumaidon notaong in nonaḷámai kon Yerusalem, akuoi in nobui mangoi kon tua sin modia kon doit inta pinotuḷung kon bangusaku bo mayá doman mobogoi in sosumba kon i Allah.

SURAT I PAULUS KON JAMAAT RUM 11:25

Utat mita! Haraponku mako moiko in diá monganggap kon ain nonotaau kon bayongan in yagi-yagi. Sin oyúon in soaḷ inta kinoibog i Allah, táe diápa kinotaauan in intau. Bo ibogonku in kotaauan monimu intua; nanaa: tongobotak intau in Yahudi mokopotogat kon gina, táe cara monia tua in tongábí modapot in motompodon in kobayong in intau inta deeman Yahudi in mamangoi kon i Allah.

SURAT I PAULUS KON JAMAAT RUM 15:26

Sin jamaat mita kon Makedonia bo kon Akhaya ain notobatú kon gina bo nobogoi in totuḷung kon utat mita inta nobiag nobogá kon sigad in umat i Allah kon Yerusalem.

KORINTUS 2 10:15

Kami in diábí dumuí tontaní sin oaidan in intau ibanea inta ain noiḻimpat kon sigad inta ain sinantú i Allah kon i nami. Táe kami in tantú mogaid kon bonu in sigad inta ain sinantú i Allah kon i nami, bo kami tantú moharap mako kon bá umuran modugang in pirisaya monimu kon i Kristus. Sinbá kami in motaau mogaid kon oaidan inta moiḻiu kon oaidan mita tatua kon sigad monimu.

ULANGAN 33:19

Mosia in nogoiní kon bangusa mita minayá in buḷud monia bo moposumba in kuruban inta mobanar kon tua. Mosia in mokouḻí kon kaoyúonan nongkon dagat, bo nongkon bungaion kinoouputbí in pintad.”

WAHYU 21:24

Bangusa mita kon dunia naa in mayábí mongin bayagnea tatua, bo datupa mita in modiabí kon kapunyaan mita monia pobayá in kotá tatua.

WAHYU 21:26

Kaoyúonan bo kahoromatan in bangusa mita in diaanbí kon bonu in kotá tatua.

SAMUEL 1 2:1

Bo nosambayang in ki Hana, kainia, “Ki Tuhan in nopoḷungangadon kon ginaku; oaidan-Nea in nokosanangdon kon ginaku. Takin pia in gina singkuḻeonku in musungku, sin totu-totuudon kon ki Allah in notuḷungdon kon inakó.