YESAYA 60:4 - Alkitab Singog In Mongondow Masa In Tanaa

⁴ Indoiaika onu in nobaḻí kon ḻibumumai; rayat noyosipun sin mobui kon inimu. Ki adímu mita ḷoḷaki in mamangoi nongkon moyayú, ki adímu mita bobay in koyotan.

YESAYA 60:4 Mawu Ofanana

YESAYA 11:12

Ki Tuhan in mopoponikbí in bandera kon bangusa mita. Tuata in nobaḻí tomponuot kon Sia in mosipun bui kon bangusa in Israel bo Yohuda inta noirarit kon bayongan dunia bo modia kon i monia mobui.

YESAYA 14:2

Mobayong in bangusa in motuḷung kon bangusa in Israel sin mobui kon butá inta inogoi i Tuhan kon i monia, bo kon tua bangusa mita tatua in mobantung kon Israel. Israel in modakopbí kon intau mita inta nokoimontandon nodakop kon inia bo momarenta kon intau mita inta nokoimontandon nondorot kon inia.

YESAYA 42:6

“Akuoi, ki Tuhan, in mogoiní bo mopotabá kon inimu sin mopobayá in inta moadil iko in kapiton-Ku bo ḷukadan-Ku sin mobaḻí dodandian kon umat intau, bo sindar kon bayongan in bangusa.

YESAYA 43:6

Pinarenta-Ku kon i utuan bo kon i toḷatan, sinbá mosia in ḷagidon buḻian. Bá ki adímu mita ḷoḷaki in mobuidon nongkon moyayú, bo ki adímu mita bobay in mobui nongkon popod mita in dunia.

YESAYA 49:12

Nongkon moyayú umat-Ku in moroangoi, nongkon dotá in utuan, toyopan bo Sinim kon toḷatan.”

YESAYA 49:17

Intau mita inta moposindog kon inimu in ḷagidon mamangoi, bo inta ain norimumud kon inimu in mayádon.

YESAYA 49:18

Indoiaidon bo bobuidon in kon ḻibumumai, rayatmu in nosipundon bo mamangoi kon inimu. Podoyon kon tangoi-Ku, Allah inta nobiag, Akuoi in moguman, Totuu, mopiabí in ginamu sin intau inta nogutun kon inimu, naonda bo nonikaan bobay mopia in ginanea popisí in ḷambánea.

YESAYA 66:20

Nongkon butá mita tatua mosia in modia bui kon i utatmu mita tongobangusa monag mobaḻí tombuinag kon i-Nakó. Mosia in modiabí kon intau mita tatua mayá in tombuḷud inta motusi kon Yerusalem takin tumakoi kon kabaḷo, keledai bo unta, bo takin kereta bo roda, ná biasamai intau in Israel modia mopobayá kon Baḷoi Tuhan sosumba gandum kon bonu in tampat inta modarit.

YEREMIA 30:10

Umat-Ku Israel, dikadon moondok! Mogogundoi-Ku Yakub, dika mourot! Moiko bo buímu in posaḷamaton-Kubí nongkon butá moyayú, tampat pinodakopan kon i monimu. Moiko in mobuibí bo mogutun kon butámu takin moaman. Moiko in mobiagbí motomoman; diá bidon in koondok monimu.

AMOS 9:14

Baḻíon-Kubí in umat-Ku Israel mobiag motomoman bui. Mosia in buibí moposindog in kotá mita monia inta ain noumpag, bo mogutundon in mosia kon tua. Mosia in buibí momuḷa kon gobá mita in anggur, bo monginum kon anggurnea. Mosia in monompinomuḷa, bo mokaan kon bungai in boyónea.

MIKHA 7:12

Intaumu mita in mobuibí mangoi kon inimu nongkon ondakabí – nongkon Asyur kon dotá in pomukaan, nongkon Mesir kon dotá in Toḷatan, nongkon butá kon Ongkag in Eprat, nongkon ḷoḷan in dagat bo nongkon buḷud mita inta moyayú.

HAGAI 2:7

Bayongan in bangusa in podoḻiokon-Kubí bo kapunyaan monia in diaandon mamangoi, dá Baḷoi-Ku in mopuḻing in kaoyúonan monia.

MATIUS 8:11

Poguman-Ku kon i monimu! Mobayong in intau inta mamangoi nongkon pomukaan bo toyopan bo ḻimitú mongaan moyotakin i Abraham, i Ishak, bo i Yakub kon bonu in Dunia Mobagu i Allah.

YOHANES 4:35

Kai monimu in ‘opatpa nobuḷan bo mokoyut.’ Táe Akuoi in moguman kon inimu: Indoiaika magí-mako in gobá inta ain nodarag bo noḷutúdon, motaaudon koyuton!

OUMAN IN RASUL MITA 13:44

Kon singgai in Sabat noiduduimai, gogió komintan intau kon kotá tatua namangoi mokidongog kon singog mita i Allah.