YESAYA 6:9 - Alkitab Singog In Mongondow Masa In Tanaa

⁹ Bo Sia in nopotabá kon inakó mayá modia kon koyow tanaa potaau kon umat: “Moiko in umuranbí mokodongog, táe diábí momangaḻe. Moiko in umuranbí monondudut, táe diábí monotaau mongo onu in mobaḻí.”

YESAYA 6:9 Mawu Ofanana

AMSAL 28:5

Inta moadil in diábí kotaauan in intau binaradosa, táe intau inta mosumba kon i Tuhan, totu-totuubí kon nonotaau.

YESAYA 28:13

Tuamai in ki Tuhan notundú kon i monimu pinangkoi kon hurup mita, tosingogon bo onu in singogon. Bo kon tungkuḷ in minayá moiko noḷabú noiboḻingkayang nodapot in kinekeban, noibaaḷ bo kinodomokan.

YESAYA 29:10

Binaḻí i Tuhan in moiko sinomposiug bo noḷoḷot totok. Binilogan-Nea in mata in nabi mita bo nongoḷob kon pogot in intau mita mononanow.

YESAYA 29:13

Ki Tuhan in noguman, “Intau mita tatua in tongábí mosumba kon i-Nakó pongin tosingogon, táe gina monia in moyayúbí kon i-Nakó. Agama monia in tongábí atorang in intau inta ihapal.

YESAYA 29:14

Tuamai in taḻikokogan-Ku in mosia in sambok inta moyo-moyodudui. Intau inta mobijaksana in mobaḻí mobodok, bo bayongan in pandoi monia diábí in mangaḻenea.”

YESAYA 42:20

Israel, nobayong in inontongmu, táe diá sinaridianmumai, bongoḷanmu in nobuká, táe iko in diá nokidongog.”

YESAYA 43:8

Ki Allah in noguman, “Potabádon in mosia mamangoi in muna bangusa-Ku inta bilog, umpaka komata; inta bongoḷ, umpaka kobongoḷan.

YEREMIA 5:21

“Indongogai, ei moiko intau bodok bo dondunguḷ! Moiko in komata táe diá moindoi, kobongoḷan táe diá mokidongog!

YEHEZKIEL 12:2

“Ei intau inta ilo-ilow, iko in nogutun kon yua-yuak in intau momomarontak. Mosia tua in komata, táe diá moindoi; kobongoḷan, táe diá mokidongog, popisí in moibog in mosia momarontak.

HOSEA 1:9

Ki Tuhan in noguman kon inakó, “Tangoiai in adímu tatua ‘Deeman Umat-Ku’, sin intau in Israel in deeman umat-Ku, bo Akuoi in deemanbí ki Allah monia.”

MARKUS 4:12

sinbá ‘Umpaka umuran mosia monarukira táe diá kotaauan monia onu in mobaḻí, mosia umuran mokidongog, táe diá momangaḻe, naa mobaḻí sinbá mosia diá mokoontong bo momangaḻe bo dika in mosia mamangoi kon i Allah bo ampungan i Allah in mosia.’ ”

LUKAS 8:10

Dá ki Yesus in notubag, “Moiko aindon inogoian in totabi monotaau kon inta noibuni kon naonda in ki Allah momarenta saḷaku Datu. Táe intau mita ibanea pinopoyaputan táe tongá nomaké in poumpamaan, sinbá umpakabí in mosia monarukiramai, táe diá kotaauan monia onu in mobaḻí; bo umpakabí mosia mokidongog, táe diá komangaḻean monia.”

YOHANES 12:40

“Ki Allah in noguman, ‘Binilogan-Kudon in mata monia, binaḻí-Kudon in mosia motogat in gina; sinbá mosia in diá mokoontong, bo raian monia in diá momangaḻe. Simbá mosia in diá mamangoi bui kon i-Nakó, bodongka undaman-Ku in mosia.’ ”

SURAT I PAULUS KON JAMAAT RUM 11:8

Sin kon bonu in Buk Motusi ain pinais nanaa, “Binaḻídon i Allah in mosia naonda bo nosiug; bo dapot kon singgai naa mata monia in diá mokoontong bo bongoḷan monia in diá mokodongog.”

ULANGAN 29:4

Táe dapot in tanaa mako diápa inogoi-Nea in moiko momangaḻe kon bayongan inta kinorasaan monimu tatua.