YESAYA 6:8 - Alkitab Singog In Mongondow Masa In Tanaa

⁸ Bo akuoi in nokodongog kon singog i Tuhan noguman, “Ki ine in potabá-Ku? Ki ine in mobaḻí mododia kon habar naton?” Akuoi in notubag, “Naa in akuoi. Potabádon in akuoi!”

YESAYA 6:8 Mawu Ofanana

KINOBAḺIAN 1:26

Onda intua ki Allah in noguman, “Tanaa kita in momia kon intau potombatangan in gambar bo pogot naton. Mosia in mongawasa kon toyá mita, ḷagapan mita bo bayongan mahaḷuk pinomayá moyonok ande kaḻig, pinomayá moḷoben ande mointok.”

KINOBAḺIAN 11:7

Maníka kita in momangoi bo mopotombauk in bahasa monia sinbá diádon mosia mosimangaḻean kon singog in tobatú bo tobatú.”

KINOBAḺIAN 22:1

Diá noonggot kon tua, kotoindudui Abraham sinungkuḷan i Allah. Ki Allah in nogoiní, “Abraham!” Bo ki Abraham sinumubag, “Ya Tuhan.”

KINOBAḺIAN 22:11

Táe malaekat i Tuhan in nokuuk kon inia nongkon ḷangit, “Abraham, Abraham!” Tubag i Abraham, “Ya, Tuhan!”

KINOBAḺIAN 3:22

Ki Tuhan Allah in noguman, “Tanaa intau aindon nobaḻí ná Kita bo oyúondon in pongotahuan soaḷ inta mopia bo inta moraat. Dá musti in sia popoyayú sinbá diá bui in sia mogamá bo mokaan bui kon bungai inta mobogoi in kobiagan, sinbá diá in sia mobiag mononoi.”

SAMUEL 2 1:7

Ki Saul in nobobui ná tumi, bo nokoontong kon inakó, bo inoinínea in akuoi, bo akuoi sinumubag, ‘Onu, Tuangku.’

DATU MITA IMITÁNEA 22:20

Ki Tuhan in noḻibó, ‘Ki ine in modondouḷug kon i Ahab sinbá moibog in sia mayá moparang bo matoi kon parang kon Ramot kon Gilead?’ Tubag in malaekat mita tatua noyo-noyoposi.

YESAYA 65:1

Ki Tuhan in noguman, “Akuoi in nosadiadon motubag kon umat-Ku, táe mosia in diábí nosambayang kon i-Nakó. Akuoi in moibogbí angoian monia, táe mosia in diábí notayak kon i-Nakó. Bangusa tatua in diábí nogoiní kon i-Nakó, umpaka Akuoi nosadiadon motubag: Naadon in Akuoi!

YEHEZKIEL 1:24

Aka ḷumayug in mosia, yo kodongoganku in singog in ḷayugannea; singognea in naonda bo singog in tubig moitampurang, ná goḷopak in bayáan in tontara inta mobarong, naonda bo singog i Allah Inta Totok in mokawasa. Aka mogogai in mosia ḷumayug, kopíon monia in koḻikipnea mita,

YEHEZKIEL 10:5

Singog in pongaḻikokaban in kerub mita tatua in kinodongogan nodapot kon palas kon ḷuai, naonda bo singog i Allah inta Totok in mokawasa.

YEHEZKIEL 9:1

Onda intua dinongogku in ki Allah nomaḷú, “Angoidon in naa ei intau mita inta mopobayá in hukuman-Ku kon kotá tanaa. Diadon in pakakat mita in parangmu.”

OUMAN IN RASUL MITA 20:24

Táe tua in diábí hirauonkumai matoi kabí asaḷ bo oaidan inta pinoki aid i Tuhan Yesus kon i nakó in moḷapatku aidan bo ginaku in umuran motantú modapot in kopaḷutan kobiaganku naa kon akuoi in mustibí mopoyaput in Habar Mopia inta ain pinonotabi i Allah kon i naton.

OUMAN IN RASUL MITA 22:21

Táe ki Tuhan in noguman kon inakó, ‘bayádon sin Akuoi in mopotabá kon inimu mayá in tampat moyayú kon ḻipú in intau mita inta deeman Yahudi.’ ”

OUMAN IN RASUL MITA 26:19

“Tuamai uḻe, Datu Agripa, totok in motoindudui in akuoi kon onu inta ain inontongku bo inta ain sinarimaku nongkon i Allah tua.

OUMAN IN RASUL MITA 9:4

Dá noumpag in sia kon butá bo dinongognea in singog noguman nanaa kon inia, “Saulus, Saulus! Nongonu sin momogutúbí in iko kon i-Nakó?”

EPESUS 3:8

Kon sigad in bayongan umat i Allah, yo akuoibí naa in totok in mokooyá. Táe ki Allah ain noponotabi in oaidan tanaa kon inakó; oaidan mopoyaput in Habar Mopia soaḷ kaoyúonan i Kristus inta diá modai-dait;

SAMUEL 1 3:4

ki Tuhan nogoiní kon i Samuel, bo ki Samuel notubag, “Ya, Amá!”