YESAYA 6:7 - Alkitab Singog In Mongondow Masa In Tanaa

⁷ Iḻiainea in bibigku in baga tatua poḷat nosingog, “Baga tanaa ain noḻiai kon bibigmu. Tanaa in taḷámu ain pinopatan bo dosamu in inampungandon i Tuhan.”

YESAYA 6:7 Mawu Ofanana

YESAYA 40:2

Poonowdon in gina in intau in Yerusalem, pogumandon kon pononggataan kon i monia in nopaḷutdon. Taḷá monia in inampungan-Kudon, dosa mita monia in ihukum-Kudon kodua noguntuḷ.”

YESAYA 43:25

Táe Akuoi in ki Allah inta nomopat kon dosamu, Inampungan-Ku in iko sin natuabí in sipat-Ku; Akuoi in diá bidon tantú monorop kon dosamu mita.

YESAYA 53:10

Ibogbí i Tuhan sia in kotugatan in roriga, bo moposarakan in kobiagan nobaḻí kuruban potobut kon dosa. Dá moumur in kobiagannea bo mokoontong kon buínea pongin inia ibog i Tuhan in koaidan.

YESAYA 53:5

Táe sia in pinaḻían popisí in dosa mita naton, bo binongkug popisí in aid naton inta moraat. Sia in ihukum sinbá kita in posaḷamaton, popisí in awaknea inta nobuog tua dá kita in inundaman.

YESAYA 53:6

Kita komintan in noiḷangkam naonda bo domba, kon batúannea notayak kon daḷannea-daḷannea. Ki Tuhan ain nopouma kon inia in bayongan aid naton inta moraat.

YESAYA 57:19

Akuoi in mobogoibí in kobiagan moaman kon bayongan in intau, pinomayá inta nodiug andeka inta noyayú. Akuoi in monompiabí kon umat-Ku.

YEREMIA 1:9

Onda intua ki Tuhan nopotuntun in ḻima-Nea, bo noḻiai kon bibigku bo noguman, “Indongogai bo potaaudon in singog mita inta potaau-Ku naa.

DANIEL 10:16

Onda intua malaekat inta naonda bo intau tatua nopotonggó in ḻimanea bo noḻiai kon bibigku. Akuoi in noguman kon inia, “Tuang, oontongon tanaa in nokororiga totok kon ginaku nodapot in akuoi totokdon in diá nokopongonu.

ZEPANYA 3:9

Táe onda intua baḷuian-Ku in gina in bangusa mita tatua, dá mosia in dongkadon mosambayang kon i-Nakó, bo diá bidon kon ilah mita ibanea. Bangusa mita tatua in komintanbí dumudui kon i-Nakó.

ZAKHARIA 3:4

Dá nogumandon in malaekat tatua kon mobobantung mita kon soroga, “Ḷumbúdon in ḷambung nokotor inta pinaké in intau tanaa.” Bo sia in noguman kon i Yosua, “Dosamu in iḷumbúkudon, iko in ogoiankudon in ḷambung mobagu.”

PINOGIAPAN 16:46

bo ki Musa noguman kon i Harun, “Gamápa in tampat in tuḷúmu, bonuaidon in baga in tuḷú nongkon mezbah bo tududon in dupa tatua. Ḷagidon diá intua kon umat bo pomiadon kon upacara pongampungan kon dosa kon i monia. Koḻikat! Torú i Tuhan moḷobendon totok bo yampoi momangkoidon.”

MATIUS 9:2

Bo intau nodia mangoi kon i-Nia in intau tobatú inta ḻempeng bo noitosiug mako kon tosiugannea. Naonda inontong i Yesus in pirisaya monia, Sia in noguman kon intau inta diá mokobayá tatua, “Popirisayadon, adí-Ku! Taḷámu aindon inampungan.”

YOHANES 1 1:7

Táe aka kita in mobiag kon bonu in bayag ná ki Allah inta kon bonu doman in bayag, dá kita in mustibí mobiag modagin, motompia bo mositabian tobatú bo tobatú. Bo dugú i Yesus, ki Adí-Nea tua, mondarit kon i naton nongkon bayongan dosa.