YESAYA 6:4 - Alkitab Singog In Mongondow Masa In Tanaa

⁴ Singog monia nokogugur kon taḷog in Baḷoi Tuhan, bo Baḷoi i Tuhan tatua nopuḻing in poyok.

YESAYA 6:4 Mawu Ofanana

MAZMUR 18:8

Bo nodandú in dunia bo noḷundan, apad mita in buḷud nodandú bo mogugur popisí in torú i Allah.

IḶUAIAN 40:34

Onda intua noikoḷubungdon monag in goḷom tatua kon Ḷoḷaigan i Tuhan, bo Ḷoḷaigan tatua nobayagdon totok sin ki Tuhan namangoi.

YEHEZKIEL 1:24

Aka ḷumayug in mosia, yo kodongoganku in singog in ḷayugannea; singognea in naonda bo singog in tubig moitampurang, ná goḷopak in bayáan in tontara inta mobarong, naonda bo singog i Allah Inta Totok in mokawasa. Aka mogogai in mosia ḷumayug, kopíon monia in koḻikipnea mita,

YEHEZKIEL 10:5

Singog in pongaḻikokaban in kerub mita tatua in kinodongogan nodapot kon palas kon ḷuai, naonda bo singog i Allah inta Totok in mokawasa.

YEHEZKIEL 41:16

binongkowan kayu, nongkon taḷog nodapot in dodimpayónea mita. Dodimpayó mita tatua in motaaubí oḻingoian in toipoi.

YEHEZKIEL 44:4

Onda intua ḷoḷaki tatua nodia kon inakó minayá in bonawang kon dotá in utuan inta noyogintayowan in Baḷoi Tuhan. Sinaridianku mako, bo inontongku in Baḷoi Tuhan tatua kinokoḷubungan in sindar mopouḻi-uḻinag inta nobaḻí tomponuot kon kinoangoian i Tuhan. Bo inumobat in akuoi bo nosundud,

AMOS 9:1

Akuoi in nokoontong kon ki Tuhan in sinimindog kon diug in mezbah. Sia in nomarenta nanaa, “Bongkugdon koropot totok in ubung mita in oigi in Baḷoi-Ku sinbá bayongan in dangkuḷonnea modandú. Popoumpagdon in oigi mita tatua kon intau mita. Mosia inta diá matoi in ḻimodon-Ku kon poparangan. Diábí tobatúmai in intau in mokoḷagui, diábí tobatúmai in moipaḷuput.

WAHYU 11:19

Dá nobukatdon in Baḷoi Allah kon soroga, bo kinoontongandon in Poti Dodandian kon bonunea. Bo nongilatdon moyo-moyodudui bo gonugur in gotup inta modowawá mako, takin doman ḻinug bo uyan eis inta totok morogot.

WAHYU 15:8

Dá Baḷoi i Allah tatua in nopuḻingdon in poyok kamuliaan bo kawasa i Allah. Bo kon dodai in roriga pitu inta dinia in malaekat tatua diápa mopaḷut, yo diábí in tobatúmai intau in motaau tumuot kon Baḷoi Allah tatua.