YESAYA 6:2 - Alkitab Singog In Mongondow Masa In Tanaa

² Koḻibu-Neamai sinimindog in mahaḷuk mita inta noyongkit naonda bo tuḷú, kon batúannea onom in koḻikipnea. Koḻikip doyowa nongoḷob kon pogot, doyowa doman in nongoḷob kon awaknea, bo koḻikip inta doyowa in pinaké iḷumayug.

YESAYA 6:2 Mawu Ofanana

KINOBAḺIAN 17:3

Bo dinumokódon in ki Abram, bo ki Allah in noguman kon inia,

DATU MITA IMITÁNEA 19:13

Naonda in kinodongogan i Elia in singog tatua, inoḻingoiannea in jubah in pogotnea, bo iḻumuai bo sinimindog kon bibig in angob tatua. Dá kinodongogandon in tosingogon noguman, “Elia, onu in aidanmu kon naa?”

DATU MITA IMITÁNEA 22:19

Ki Mikha in noguman bui, “Tanaa in indongogai in onu inta pinoguman i Tuhan! Akuoi in nokoontong kon ki Tuhan in iḻimitú kon ḷoḻitúan-Nea kon soroga, bo bayongan in malaekat-Nea sinimindog kon diug-Nea.

DATU MITA IMITÁNEA 6:24

ukuran bo batangannea in notongkaibí. Tumpaḷa tododoyowa in koḻikipnea, batúan in koḻikip tatua 2,2 nometer in kobanatnea. Sigad in popod in koḻikip doyowa tatua nongkon batúan in patong in 4,4 nometer.

DATU MITA IMITÁNEA 6:27

Patong doyowa tatua in inukat pinoyodiug kon bonu in Yuang Totok Motusi dá koḻikip tumongo batu in patong tatua noiḻiai kon dinding, bo koḻikipnea ibanea in noyoḻiai kon yua-yuak in yuang tatua.

DATU MITA IMITÁNEA 8:7

Koḻikip in patong mita tatua nobuká noioḻiung kon poti tatua takin kayu mita pononombuḻigan.

NEHEMIA 9:6

Onda intua rayat in Israel nosambayang nanaa, “Ikobí in Tuhan, Ikobí inta Totobatú tua; Inaidan-Mu in tundi bo toḷungayá, dagat bo butá takin bayongan in tombonunea, bo inogoian-Mu in kobiagan bo iḷukadan-Mu. Kon ini-Mu bayongan in kawasa kon ḷangit tumungkud mosumba; mosia in tumonsiup kon ini-Mu bo tumungkud.

AYUB 1:6

Kon singgai tobatú mahaḷuk mita in soroga namangoi kon tayowon i Tuhan, bo Ibilis in kon sigad doman monia.

AYUB 15:15

Nodapot in malaekat diábí doman pirisayaan i Allah; mosia in diábí motusi kon mata-Nea.

AYUB 4:18

Nodapotbí in mogogundoi mita i Allah kon soroga, diábí motaau pirisayaan-Nea. Nodapotbí in malaekat-Nea mita kinouḻían-nea kon taḷá bo inta diá mopia.

MAZMUR 103:20

Dayowdon in ki Tuhan, ei malaekat-Nea mita inta mongotorindog, inta nokidongog bo nopoaid in onu inta pinoki aid-Nea.

MAZMUR 104:4

Tompot in binaḻí totabá-Mu, bo kilat in mobobantung-Mu.

MAZMUR 18:10

Ḷangit binotak-Nea, bo noponag in Sia bo goḷom mosindip in kon ḻimonag in sioḷ-Nea.

MAZMUR 89:7

Kon ḷangit diábí in ná Iko, o Tuhan, diábí in mahaḷuk in soroga in mokotongkai kon ini-Mu.

IḶUAIAN 25:20

bo poyogintayowon takin koḻikip inta mosongká kon ḻimonik in poti tatua.

IḶUAIAN 3:6

Akuoi naa ki Allah in mogoguyangmu, ki Allah i Abraham, i Ishak bo i Yakub.” Dá ki Musa in nogoḻingoi kon pogotnea, sin moondok in sia moindoi kon i Allah.

IḶUAIAN 37:9

bo pinomia pinoyogintayow, takin koḻikip inta sinongká noioḻingoi kon taḷob in poti tatua.

YESAYA 6:6

Onda intua tobatú kon sigad in mahaḷuk tatua iḷumayug namangoi kon inakó nodia kon baga inta sinupitnea nongkon mezbah.

YEHEZKIEL 1:11

Tongogapang in koḻikip nongkon batúan in mahaḷuk tatua in sinongká namonik dá noiḻiai kon ubung in koḻikip in mahaḷuk kon diugnea, bo tongogapang doman in koḻikipnea noikopí nogoḻingoi kon awaknea.

YEHEZKIEL 1:24

Aka ḷumayug in mosia, yo kodongoganku in singog in ḷayugannea; singognea in naonda bo singog in tubig moitampurang, ná goḷopak in bayáan in tontara inta mobarong, naonda bo singog i Allah Inta Totok in mokawasa. Aka mogogai in mosia ḷumayug, kopíon monia in koḻikipnea mita,

YEHEZKIEL 1:4

Akuoi in iḷumangag bo nokoontong kon deḷang nogirup nongkon utuan. Gotup moyotampí nongkon kapunan in goḷom inta moḷoben totok, bo ḷangit kon diugneamai in nobayag totok. Kon bonu in kilat inta moninda-nindar tatua kinoontongan in inta mopouḻi-uḻinag naonda bo porunggu.

YEHEZKIEL 1:6

Táe kon batúannea pogotnea opat bo doyowa nogapang in koḻikip.

YEHEZKIEL 1:9

Tongogapang in koḻikip in batúan in mahaḷuk tatua in nobuká bo ubungnea mita in noyogamá in koḻikip in mahaḷuk ibanea, dá mahaḷuk opat tatua in notonggopat. Aka ḻimiai, yo mosia kon batúannea ḻimiai tumuḻid mayá ná muna bo diábí momurow kon awaknea.

YEHEZKIEL 10:21

Kerub mita tatua kon batúannea opat in pogotnea, doyowa nogapang in koḻikip, bo oyúon doman in inta ná ḻima in intau kon ḻimonag in koḻikip mita tatua.

DANIEL 7:10

bo tuḷú ḷumekep nongkon pomomarentaan tatua. Ribuan in intau nogundoi kon i-Nia bo jutaan in intau sinimindog kon tayowon-nea. Onda intua pinangkoidon in sidang pongadilan, bo buk mita in binukádon.

DANIEL 9:21

Koyogot in akuoi nosambayang, ki Gabriel inta ain inontongku inta kon ontongonku inta muna, iḷumayug mangoi kon inakó. Tungkuḷ intua wakutudon in intau moposumba in kuruban muḷoi in ḷoḷabungnea.

ZAKHARIA 3:4

Dá nogumandon in malaekat tatua kon mobobantung mita kon soroga, “Ḷumbúdon in ḷambung nokotor inta pinaké in intau tanaa.” Bo sia in noguman kon i Yosua, “Dosamu in iḷumbúkudon, iko in ogoiankudon in ḷambung mobagu.”

LUKAS 1:10

Kon dodai in pinotubaan kon kamania, bayongan in intau nosipun kon ḷuai bo nosambayang.

IBRANI 1:7

Aka soaḷ malaekat mita, nanaa in guman i Allah, “Binaḻí i Allah in malaekat-Nea mita tompot, bo bobantung-Nea mita binaḻí-Nea dokot in tuḷu.”

WAHYU 14:6

Noiduduimai kon tua akuoi in nokoontong kon tobatú malaekat ibanea inta iḷumayug noḷantud kon ḷangit. Malaekat tatua in nodia kon Habar Mopia inta mononoi sin poyaputon kon intau kon dunia naa bo kon bayongan bangusa, suku bahasa bo negara.

WAHYU 4:8

Mahaḷuk opat tatua komintan onom in koḻikipnea, kon ḻibunea bo kon dotá in bonunea nopuḻing in mata. Doḷom singgai mahaḷuk mita tatua diá mogoga-gogai in modondong nanaa: “Kudus, kudus, mokudusdon in ki Tuhan, Allah Inta Totok Mokawasa; inta oyúon, inta koyongandon oyúon, bo inta umuranbí oyúon.”

WAHYU 7:11

Bayongan in malaekat sinimindog iḻimibu kon tampat pomomarentaan tatua bo kon itoi mita takin mahaḷuk opat tatua. Malaekat mita tatua in sinumungkud kon tampat pomomarentaan tatua bo nosumba kon i Allah.

WAHYU 8:13

Bo akuoi in nokoontong bo nokodongog kon ḷagapan boniá tobatú inta iḷumayug noḷantud nomaḷú nanaa: “Mobodito! Mobodito! Moboditodon in bayongan intau kon dunia naa aka mokodongogdon kon malaekat taya toḷu ibanea in mogirup kon torompetnea!”