YESAYA 6:12 - Alkitab Singog In Mongondow Masa In Tanaa

¹² Intau mita in kotá mita tatua in poguntunon-Ku mayá in kotá inta moyayú, modapot in sinangkub in butá mobaḻídon moingongow totok.

YESAYA 6:12 Mawu Ofanana

DATU MITA 2 25:11

Onda intua bayongan in rayat inta kon kotá, intau mita inta mongopandoi mogaid inta kon tuapa, intau mita inta nobiag nobogá bo intau mita inta ain noḷagui namangoi kon intau in Babel, tua komintan in diniadon i Nebuzaradan.

DATU MITA 2 25:21

kon butá in Hamat. Mosia iroriga kon tua bodongka iḻimod. Natuata in intau mita in Yohuda dinia pinobayá in pinoḷumbúan.

YESAYA 13:12

Intau inta posaḷamaton tongá topiḻik, mosia in moyaka-yakagbí nongkon buḷawan taakan.

YESAYA 26:15

Binaḻí-Mudon kami umat-Mu nobayong totok, o Tuhan, bo pinooḷad-Mudon in butá nami, tuamai Iko umuran inuntu.

YESAYA 5:9

Dinongog-Ku in ki Tuhan Inta Totok in mokawasa in nongibot, “Baḷoi mita inta moḷoben bo inta mongogaga tanaa komintanbí taḷaanmai bo diá utunan.

YEREMIA 12:7

Ki Tuhan in noguman, “Pogogutunan-Ku in diá bidon pandungon-Kumai, butá inta nobaḻí kapunyaan-Ku in sinaḷáan-Kudon, bo umat-Ku inta kinotabi-Ku aindon inogoi-Ku kon bonu in kawasa in musungnea mita.

YEREMIA 15:4

Baḻíon-Ku in bayongan bangusa kon dunia mokoningkim in mokoontong kon i monia. Tua komintan aidan-Ku popisí in aid in Manasye ki adí ḷoḷaki i Hizkia kon Yerusalem kon tungkuḷ in sia nobaḻí datu in Yohuda.”

YEREMIA 4:29

Kinodongogan in dowawá in tontara inta sinumakoi kon kabaḷo bo momomiot, nokopopisí kon bayongan in intau noḷagui mopogoa-goa. Kayuon mita sinuotan monia, buḷud batu sinakod monia. Bayongan in kotá noingongowdon, diádon in moibog mogutun kon tua.

YEREMIA 52:27

Kon wilayah in Hamat. Kon tua iroriga in mosia bodongka iḻimod. Natuata in intau mita in Yohuda inakut nongkon butá monia bo pinobayá in tampat pinoḷumbúan;

OMBAḶ 5:20

Umpaka dá taḷaan-Mu in kami modapot in námai tua in koonggotnea? Degá koḻiongan-Mudon in kami modapot in dunia naa modait?

ZEPANYA 1:3

bayongan in intau bo bobiagon, moitakin doman in ḷagapan bo toyá. Intau moraat in yompaton-Kubí. Bayongan umat intau in yompaton-Kubí, diábí tobatúmai in intau in pomayá-Ku mako in mobiag. Akuoi, ki Tuhan, ain nosingog.

SURAT I PAULUS KON JAMAAT RUM 11:15

Sin mosia ain sinolak i Allah, dá hubungan in intau kon dunia naa takin i Allah in motompiadon bui; apadoman aka mosia in tarimaan i Allah! Tantú tua in notongkaibí in naonda bo intau minatoi inta nobiagdon bui!

ULANGAN 28:64

Ki Tuhan in moporangkapbí kon i monimu kon sigad in bangusa mita kon bayongan dunia naa. Kon tua moiko in mosumba kon ilah mita inta pinomia nongkon kayu bo batu, ilah mita inta diá kinotaauan monimu bo diá doman kinotaauan in mogoguyangmu.