YESAYA 59:9 - Alkitab Singog In Mongondow Masa In Tanaa

⁹ Bangusa tatua in moguman kon i Allah, “Tanaa in kinotaauandon nami kon nongonu sin Iko in diábí noposaḷamat kon inami nongkon intau mita inta nondorot kon inami. Kami in mogoḷat mako kon bayag, táe tongábí oyúon in sindip.

YESAYA 59:9 Mawu Ofanana

AYUB 19:8

Iḷamboian i Allah in daḷanku, diá motaau tumaḻib in akuoi, lorongku mita binaḻí-Nea nosindip totok.

AYUB 30:26

Akuoi in mogoḷat mako kon pia bo bayag, táe roriga bo sindipbí in namangoi.

MAZMUR 82:5

Moiko in diábí nonotaau in onu bo onu, bodok bo noiḷaḻe, popisí in moiko, diá notampuimai in atorang kon intau mobayong.

YESAYA 5:30

Kon singgai tatua kon sinangkub in Israel kinodongogandon in kokow pinoparangan naonda bo koropot in boḷontung in bokoḷ. Indoiaika, sinangkub in ḻipú tatua nosindip bo nosisídon totok. Bayag in nobaḻídon sindip totok.

YESAYA 59:11

Kami in inangoian in ondok bo morobonoḷ in dodob; kami in motayak kon inta moadil, táe diá onda; kami in moharap kon kasaḷamatan táe diá in mangaḻenea.

YESAYA 59:14

Hukum inta moadil in pinosídon, bo inta moadil in pinoyayúdon. Aid motuḻid in diádon pinandungmai kon tampat mita poyoyodungkuḷan, bo gina motuḻid in diádon pinandungmai.

YESAYA 59:8

Moiko in diábí moramuji kon kobiagan mopopiaan, bo bayongan in aidmu diá moadil. Daḷanmu in mobelu-belung, bo intau inta dumudui kon daḷan tatua in diábí mosanang.

YESAYA 8:21

Intau mita inta noiḷangkam bo ginogoi in nobaya-bayáanbí mako in kon butá tatua. Popisí in malarat in kaanon, mosia in umuran tumorú nodapot in mopogodi-godimai kon datu bo kon Allah monia. Kon ondaka in pobobuian monia, moidamonik

YESAYA 8:22

andeka moiḻimonag, mosia in diábí mokoontong kon onu bo onu koḻikudbí in roriga bo goḷom mobunod inta mokokoningkim. Mosia in pogambatbí kon tampat inta sindip tatua.

YEREMIA 13:16

Ki Tuhan Allahmu musti poḷantudonmu kon dodai in diápa in Sia mopoangoi in sindip, bo sioḷmu in moipintud kon buḷud, kon dodai in bayag inta inoḷatmu mako baḷuiannea mobaḻí sindip.

YEREMIA 14:19

Tuhan, degá Yohuda in kinodoí-Mudon totok bo intau in Sion kinorongó-Mu? Nongonu sin totokdon in noropot in pinososambok-Mu kon inami nodapot in diádon mopia bui in kami? Diá bidon in mangaḻenea kami in motayak kon dodamean, diádon baragunanea kami in mogoḷat mako kon mopia, sin oyúon in dongka bidon aid inta motogat.

YEREMIA 8:15

Diá in mangaḻenea in kita mogoḷat mako kon dodamean bo wakutu ponompiaan, sin inta oyúon in tongábí aid inta motogat.

OMBAḶ 3:2

Koyayú-koyayúdon in popogambatan-Nea kon inakó kon bonu in tampat inta totok in mosindip.

OMBAḶ 4:14

Naonda bo intau bilog nodondaḷoi kon daḷan mita natuata in itoi mita in kotá in Yerusalem. Pakeang monia in notamak in dugú dá diádon in moibog moḻiai kon i monia.

AMOS 8:9

Moiangoibí in wakutunea baḻíon-Ku in mata in singgai tumoyop moutupa in singgai bo dunia in simindipdon kon dodai in singgaipa. Akuoi, ki Tuhan, Inta Totok in moḷantud, ain nosingog.

MIKHA 1:12

Anib nongkon i Tuhan in noidapotdon kon tayowon in bonawang in Yerusalem! Tuamai, diábí doman intau in Marot mogoḷatpa mako kon totuḷung.

HABAKUK 1:13

Táe naondabí sin Iko in mokotahangbí in moindoi mako kon intau mita moraat bo moḻingá tatua? Kinotaauanku kon Iko in noiḻiubí kon motusi in moindoi kon aid moraat! Kinotaauanku kon mototukabí in Iko in mokoontong kon aid diá moadil! Dá, nongonu sin Iko in tongábí kibio-biómai kon tungkuḷ in intau motoḷutui irimumud in intau moraat?

TESALONIKA 1 5:3

Aka intau bo moguman nanaa: “Komintanpabí noaman, diábí in onu bo onu,” dá kon dodai doman tuata kotubuan in onu inta mokoputú kon i monia bo diá tobatúmai in mokoḷagui in mosia. Tua mita in daḻíbí moiangoi naonda bo nakit in mononggadí inta moiuma bobay tobatú inta mononggadí.