YESAYA 59:5 - Alkitab Singog In Mongondow Masa In Tanaa

^5-6 Tomayámu mita inta moraat modia kon popatoi naonda bo natu in uḷag mobisa. Aka natu tatua ḷosion, yo ḷumuaidon in uḷagnea. Tomayá tatua in totokbí in diá in mangaḻenea kon inimu, naonda bo pakeang inta ginaboḷ nongkon pugad in tontoḷawá

YESAYA 59:5 Mawu Ofanana

AYUB 8:14

Siningkoi tougat inta moḷukó tua in pongongatanea; baḷom-baḷoi in tontoḷawá in nobaḻí oandoḷannea.

AMSAL 23:32

Ikoḷom doḷo-doḷom iko in mokorasa kon naonda bo ain sinobak in uḷag mobisa.

YESAYA 14:29

Ei bangusa in Pilistin, popangkuḷ inta pinaké momongkug kon inimu ain noputoḷ. Táe dikabí mopia-pia in ginamu, sin aka uḷag tobatú matoi, yo uḷag inta moraat totok in mamangoibí momaḷui kon inia, bo natu in uḷag momotow kon naga inta kokoḻikip.

YESAYA 34:15

Kon tampat tatua uḷag mobisa in momia kon pugadnea, mononatu, mogoob bo moḷukad kon i adínea mita. Ḷagapan ḻiga-ḻigaga in moyosipun doman takin apangnea-apangnea.

MATIUS 12:34

Ei moiko buí inta moromú, naondabí in moiko motaau mosingog kon soaḷ mita inta mopia aka moiko tontaní in mogaid doman kon inta diá mopia? Sin onu siningog in bibig tuabí doman inta iḷumuai nongkon bonu in gina!

MATIUS 3:7

Tongá wakutu in sia nokoontong kon nobayong doman intau in Parisi bo Saduki in namangoi bo mokibaptis kon inia, siningognea nanaa in mosia: “Ei intau mita inta moraat. Ki ine in noguman kon moiko nion in kotaḻiban in hukuman i Allah inta kon singgai moiduduimai?