YESAYA 59:4 - Alkitab Singog In Mongondow Masa In Tanaa

⁴ Moiko in nopongadu in pelekara takin diá in dodoyonan bo nohakim takin diá moadil. Moiko in nonguboḷ bo mopongata kon inta diá in mangaḻenea, moiko in momia kon tomayá sin mopobodito kon intau ibanea bo mogaid kon inta moraat.

YESAYA 59:4 Mawu Ofanana

AYUB 15:31

Aka mopirisaya in sia kon inta diá baraguna, koakaḷan in sia; bo tontuḻí inta bain tarimaannea, diá doman in baragunanea.

AYUB 15:35

Tuata in mosia inta nonomayá kon inta moraat bo mopoaid intua; uboḷ in umuranbí oyúon kon bonu in ginanea.”

MAZMUR 12:3

Mosia komintan mosiuboḷandon, mosiakaḷan pongin tosingogon inta mopia in kodongogan.

MAZMUR 62:10

Intau in tongábí gabut in poginaan, moḷoben mointok tumpaḷa diá koboḻi. Aka simbangon, noniata magí nogaanbí in mosia, mogaa-gaanbí kon tompot poginaan.

MAZMUR 62:4

Modapot in toonu in moiko komintan in moibog monubu kon intau inta nádon onda bo dinding noendeg bo dinding inta ain moumpag?

MAZMUR 7:15

Indoiaika, intau moraat monomayá kon inta moraat; sia in monomayá kon inta moraat bo monguboḷ.

AMSAL 4:16

Intau moraat in diábí mokosiug aka diápa mogaid kon inta diá mopia. Mosia in diábí tomposiug aka diápa mokopobodito kon intau ibanea.

YESAYA 10:1

Moboditodon in moiko inta nogaid kon hukum mita inta diá moadil sin pondorot kon bangusa-Ku.

YESAYA 26:18

Kami in sidia bo monahang kon monakit, táe diábí nopononggadí in onu bo onu; kami in diábí nobogoi in kasaḷamatan kon dunia, diábí doman nodugang kon kobayong in intaunea.

YESAYA 28:15

Moiko in noguman kon moiko ain nomia kon dodandian takin popatoi bo ain nomia kon yopakat takin dunia in intau minatoi. Notantúdon kon i monimu kon bodito inta moiduduimai in diábí moiantug kon inimu, sin moiko in momaké in akaḷ monimu pogoḻingoi kon awakmu.

YESAYA 29:20

Tuata in imbuit in intau mita inta mondorot kon intau ibanea bo inta moningkuḻe kon i Allah. Ki Allah in moyopúdon kon bayongan in intau baradosa,

YESAYA 30:12

Tuamai Allah mokudus in Israel moguman nanaa, “Moiko in doí motarima kon tosingogon-Ku bo mopongata in aid mondorot bo mouboḷ.

YESAYA 30:9

Sin, mosia tua in bangusa inta moibog momaḷawang kon i Allah, moibog monguboḷ bo diá kon dodai in onda in moibog mokidongog kon totundú i Tuhan.

YESAYA 33:11

Tomayámu diá in mangaḻenea, bo bayongan inta pomiaanmu diá in baragunanea. Torúmu in naonda bo tuḷú inta momokak kon inimu tontaní.

YESAYA 44:20

Aid natua in notongkaibí in nokaan kon ḷobud. Intau tatua in pinoḷaḻe in raiannea inta bodok, nodapot in sia in diádon kinotuḷungan bui. Sia in diábí mokopongaku kon patong inta kinadaiannea tatua in tongábí pongakaḷ.

YESAYA 47:10

Kainimu iko in moaman aka mogaid kon inta moraat, kainimu kamai dá aidmu tatua in diábí sinontongan mako. Iko in pinoḷaḻe in kabijaksanaan bo sinotaaumu, kainimu kamai diábí in ná iko.

YESAYA 5:18

Moboditodon in moiko inta tantú mogaid kon dosa!

YESAYA 5:7

Sin gobá in anggur i Tuhan Inta Totok in Mokawasa in umat in Israel, bo intau mita in Yohuda in pangkoi in anggur inta pinomuḷa-Nea. Kon i monia iharap-Nea mako in aid inta moadil, táe tongábí aid moraat. Kon bonu in kamang-Nea mosia in moposindogbí in inta mobanar, táe tongábí oyúon in karak moigum kon koadilan.

YESAYA 59:15

Diádon in intau inta mojujur, bo ki ine in yumayú kon inta moraat siadon tontaní in mobaḻí kuruban in aid moraat.” Ki Tuhan in nokoontongdon bo diábí nopia in gina-Nea kon diádon in koadilan.

YESAYA 59:16

Noherang in Sia kon diádon in mamangoi bo diá in moduḷu. Dá nomaké in Sia in kawasa-Nea tontaní sin moposaḷamat bo mobogoi kon i monia in kountungan.

YESAYA 59:3

Moiko in kotaḷá popisí in nonguboḷ bo nonombogá, sin ain nogaid kon inta moraat bo noḻimod.

YESAYA 64:7

Diá in nosambayang kon ini-Mu, andeka nopoigum in totuḷung-Mu, sin Iko in nogadop kon inami, bo nopomayá mako kon inami in iyopú in dosa nami.

YESAYA 9:15

Itoi mita in bangusa tatua ain nopoḷaḻe bo nopodoḻiok kon rayat.

YEREMIA 48:7

Moab! Iko in mopongata in kodoḻikot bo kaoyúonanmu. Táe tanaa iko tontaní in taḷowonbí. Kamos, dewamu, takin imang mita bo pojabatnea mita in akutonbí pobayá in poḷumbúan.

YEREMIA 5:1

Ei intau in Yerusalem, tutuiaidon in daḷan mita kon kotamu mita! Tayakdon kon bayongan tampat, bo sakusiaidon tontaní. Pirikisadon kon rawang mita in kotá mongo oyúonpa in intau motuḻid inta moḷongasi mokopotoindudui kon i Allah. Aka oyúon, dá ki Tuhan in mongampungbí kon Yerusalem.

YEREMIA 7:4

Dikabí mopirisaya kon intau mouboḷ inta moguman, ‘Kita in noaman, sin naa in Baḷoi Tuhan. Totuu kon naa in Baḷoi Tuhan!’

YEREMIA 7:8

Táe, totuu kon diábí in mangaḻenea in moiko in mopirisaya kon singog mita uboḷ.

HOSEA 4:1

Oyúon in pelekara i Tuhan kon intau inta nogutun kon butá tanaa. Ei Israel, indongogai onu in pinoguman-Nea, “Kon butá tanaa diádon in motoindudui andeka motabi, bo Akuoi in diá bidon ḷabiton monia saḷaku ki Allah monia.

MIKHA 2:1

Moboditodon in intau mita inta monomayá kon inta moraat kon dodai in mosiug mako kon tosiugan kon tungkuḷ in doḷom, bo mogaid kon tua kon dodai in doḷo-doḷom popisí in oyúon in ropot monia mogaid kon tua.

OUMAN IN RASUL MITA 24:9

Intau mita in Yahudi inta kon tua in nopototuu doman kon onu in pinonapud tua kon inia. Mosia in noguman doman, totuubí in singog i Tertulus tua.

YAKOBUS 1:15

Moiduduimai kon tua, aka ibog inta moraat tatua bo duduian, dá mobaḻídon in oaid inta diá mopia; bo aka aid diá mopia tatua bo moguyangdon, dá popatoi in bungainea.