YESAYA 59:3 - Alkitab Singog In Mongondow Masa In Tanaa

³ Moiko in kotaḷá popisí in nonguboḷ bo nonombogá, sin ain nogaid kon inta moraat bo noḻimod.

YESAYA 59:3 Mawu Ofanana

YESAYA 1:15

Aka moiko motonggó kon ḻimamu sin mosambayang, doíbí in Akuoi moindoimai. Diábí pandungon-Ku mongo kotongonu in moiko mosambayang, doíbí in Akuoi mokidongog, sin ḻimamu tatua in pinoḻimodmu kon nobayong in intau.

YESAYA 1:21

Kotá inta koḻipod motoindudui, tanaa mako in nádon onda bo sundaḷ tobatú! Dungkuḷmai bayongan in intaunea in moadil bo mojujur, táe tanaa in pinogutunandon in moḷoḻimod mita.

YESAYA 28:15

Moiko in noguman kon moiko ain nomia kon dodandian takin popatoi bo ain nomia kon yopakat takin dunia in intau minatoi. Notantúdon kon i monimu kon bodito inta moiduduimai in diábí moiantug kon inimu, sin moiko in momaké in akaḷ monimu pogoḻingoi kon awakmu.

YESAYA 3:8

Totuu, Yerusalem ain noḷabú! Yohuda ain noumpag! Popisí in bayongan tosingogon bo oaid monia moḷawang kon i Tuhan bo monontot kon kawasa-Nea.

YESAYA 30:9

Sin, mosia tua in bangusa inta moibog momaḷawang kon i Allah, moibog monguboḷ bo diá kon dodai in onda in moibog mokidongog kon totundú i Tuhan.

YESAYA 44:20

Aid natua in notongkaibí in nokaan kon ḷobud. Intau tatua in pinoḷaḻe in raiannea inta bodok, nodapot in sia in diádon kinotuḷungan bui. Sia in diábí mokopongaku kon patong inta kinadaiannea tatua in tongábí pongakaḷ.

YESAYA 59:13

Kami in nonguboḷdon bo nomarontak kon i Tuhan, bo doí dumudui kon i Allah nami. Kami in nondorotdon kon intau ibanea bo nobaḷui in raian; raian nami in noiḷaḻedon, bo tosingogon mita nami in uboḷ.

YESAYA 6:5

Bo akuoi in noguman, “Mobodito! Diádon in kamang kon inakó, sin bibigku in nokotor popisí in dosa, bo akuoi in nogutun kon sigad in bangusa inta natua doman. Umpaka natua, takin mataku tontaní akuoi ain nokoontong kon i Datu, ki Tuhan Inta Totok in mokawasa!”

YESAYA 9:15

Itoi mita in bangusa tatua ain nopoḷaḻe bo nopodoḻiok kon rayat.

YEREMIA 2:30

Diábí in mangaḻenea in pohukuman-Ku kon i monimu sin moiko in doíbí motarima kon toboḷow. Ná singa inta koyogot in tumorú, natuata in moiko moḻimod kon nabimu mita.

YEREMIA 2:34

Ḷambungmu in notamak in dugú in intau bogá bo in intau inta diá kotaḷá, deemanbí dugú in mononakow inta kinodomokan. Tongá umpaka natua,

YEREMIA 22:17

Táe iko, Yoyakim, in toposibí. Iko in tongábí motayak kon kauntungan tontaní. Iko in moḻimod kon intau inta diá kotaḷá, bo mondorot kon rayatmu takin aid moḻingá.

YEREMIA 7:8

Táe, totuu kon diábí in mangaḻenea in moiko in mopirisaya kon singog mita uboḷ.

YEREMIA 9:2

Aka kuma bo kon padang gurun bo kouḻíanku kon tampat pogogaian in intau inta kon binayáan! Dá taḷaankubí in bangusaku, bo moḷagui mayá intua sin yumayú kon i monia. Mosia in momomaḻidaw komintan pinosipunan in intau inta diá mosatia,

YEREMIA 9:7

Tuamai in ki Tuhan Inta Totok in mokawasa in noguman, “Naonda bo logam, umat-Ku in tungkuḷan-Ku sinbá mosia in mobaḻí momurni. Onupa in motaau-Ku aidan kon umat-Ku inta ain nogaid kon inta moraat?

YEHEZKIEL 22:2

“Ei intau ilo-ilow, nosadiadon degá in iko in monisig kon kotá inta nopuḻing in pinoḻimodan tatua. Poontongdon kon inia in bayongan in aidnea inta mokorongó.”

YEHEZKIEL 35:6

Tuamai, podoyon kon i tangoi-Ku, ki Allah inta nobiag, ki Tuhan Inta Totok in moḷantud, popatoi in ukurmubí, bo moiko in diábí mokoḷagui nongkon tua. Moiko in kotaḷádon popisí in noḻimod, dá ḷoḻimod in mogaḷow doman kon inimu.

YEHEZKIEL 7:23

Sinangkub in butá motombaukdon; kon bayongan in tampat oyúon in poḻimodan bo aid moromú.

YEHEZKIEL 9:9

Ki Allah in notubag, “Intau mita in Israel bo Yohuda in nogaidon kon dosa inta totok in moḷoben. Mosia in noḻimodon kon bayongan in tampat, bo Yerusalem in kinotorandon in aid moraat. Mosia in noguman kon Akuoi, ki Tuhan, in nonaḷámaidon kon butá tanaa dá diádon mokoontong kon aid monia.

HOSEA 4:2

Mosia in mongibot, táe diábí totuuon monia; mosia in monguboḷ, moḻimod, monakow bo monuaḻing. Aid moraat modugang, bo poḻimodan in moyo-moyodudui.

HOSEA 7:13

Mobodito in mosia, sin mosia in nonaḷámaidon kon i-Nakó. Mosia in morimumudbí sin nomaḷawangdon kon i-Nakó. Akuoi in moibogbí moposaḷamat kon i monia, táe ibada monia kon i-Nakó in tongábí ubo-uboḷ ibada.

HOSEA 7:3

Ki Tuhan in noguman, “Pinongin tompobaḻik bo aid mita inta moraat rayat moḷongasi moposanang in gina i datu bo in pojabat mita in pomarenta.

MIKHA 3:4

Moiangoibí in wakutunea moiko in momaḷú mokituḷung kon i Tuhan, táe Sia in doíbí motubag. Sia in doíbí mokidongog kon sambayangmu mita, popisí in moiko in nogaidon kon inta moraat.

MIKHA 6:12

Intau mita inta nooyúon kon kotámu in mondorot kon intau nobogá, bo moiko komintan in mongopopak.

MIKHA 7:2

Intau motuḻid diádon in kon butá, intau inta motoindudui kon i Allah diádon mouḻí. Batúan in intau komintandon mogoḷat kon kasampatan moḻimod. Kon batúannea motaan kon poyogaḷap kon tumpaḷa intau.

MATIUS 27:4

Bo noguman, “Binaradosadon in akuoi sin noposarakan in dugú in intau inta diá kotaḷá!” Táe mosia notubag, “Deemanbí urusan nami intua? Tua in urusanmubí tontaní!”

TIMOTIUS 1 4:2

totundú mita tatua inta pinotaau i intau mita inta mongo munapik bo mongouboḷ. Gina in intau mita tatua ain nosindip.