YESAYA 56:3 - Alkitab Singog In Mongondow Masa In Tanaa

³ Intau ango-angoi inta dinumugang kon umat i Tuhan in diábí motaau in moguman, “ki Tuhan in diá nobogoi kon inakó mosumba kon i-Nia noyotakin in umat-Nea.” Intau inta kinabiri in diábí motaau morai “Akuoi in diábí motaau mobaḻí indugang in umat i Tuhan, sin Akuoi in diá mokouḻí kon buí.”

YESAYA 56:3 Mawu Ofanana

TAWARIKH 2 6:32

Aka intau ango-angoi nongkon butá inta moyayú mokodongog kon kamuliaan bo kawasa-Mu, bo Iko in umuranbí moibog motuḷung, bo mamangoi in sia kon Baḷoi-Mu sin mosambayang kon ini-Mu,

ESTER 9:27

nokopopisídon kon mosia in nogaid kon atorang tobatú kon i monia tontaní, kon buí monia bo kon bayongan in intau inta dumugang agat in intau in Yahudi. Podudui in atorang tatua pomuḷoi in taong mosia in mustibí momia kon rame in doyowa nosinggai inta ain sinantú i Mordekhai.

YESAYA 14:1

Ki Tuhan in monotabibí kon Israel umat-Nea, bo momiḻí bui mobaḻí kapunyaan-Nea. Diaan-Nea bui in mosia pobayá kon butá monia tontaní. Intau ango-angoi in mamangoibí bo dumugang kon i monia.

YESAYA 39:7

Nongkon i adí bo ompumu oyúon in gamáan bo baḻíon pogawai in komaḻig sin mobantung kon i datu in Babel.’ ”

YESAYA 56:5

dá tangoimu in toropon kon bonu in Baḷoi-Ku bo kon yuak in bangusa-Ku. Tua in mopia-pia in kogadí ḷoḷaki bo bobay. Moiko in ogoian-Ku in tangoi mononoi inta diábí ḻiongon.”

YESAYA 56:6

Ki Tuhan in noguman kon intau mita ango-angoi inta ain noituot kon bonu in umat i Tuhan, inta motabi kon i Tuhan bo inta noibada kon i-Nia, inta nohoromat kon singgai in Sabat bo nosatia kon dodandian-Nea,

YEREMIA 50:5

Mosia in moḻibóbí kon daḷan mopobayá in Sion, bodongka mayá ná tua. Mosia in mogaidbí kon dodandian mononoi takin-Ku, bo umuranbí kumadai.

IMAMAT 21:20

inta nobungkut ande inta nosingkian, ande inta pinanyaki in matanea ande pinanyaki kuḻit ande inta kinabiri.

IMAMAT 25:45

Moiko in motaau doman motaḷui kon mongoadí mita nongkon bangusa ango-angoi inta nogutun kon sigad monimu. Adí mita in intau ango-angoi inta pinononggadí kon butámu motaaubí in mobaḻí kapunyaan monimu

ZEPANYA 2:11

Baḻíonbí i Tuhan moondok in mosia. Sia in morimumudbí kon dewa mita kon butá. Bo bayongan in bangusa in moibadabí kon i Tuhan, kon batúannea kon butá monia tontaní.

PINOGIAPAN 18:4

Mosia musti mogaid moyotakin monimu bo momia kon oaidan inta noyotogot in bayongan oaidan kon bonu in Ḷoḷaigan-Ku, táe inta diá inogoian in hak mogaid kon oaidan tatua, tua in diábí motaau tumakin mogaid moyotakin monimu.

PINOGIAPAN 18:7

Táe tongábí iko bo adímu mita in motaau mopobayá in oaidan in imang, kon bayongan oaidan inta noyotogot in mezbah bo onu inta kon Yuang Motusi. Tuata in kon bonu in totaaumu, sin Akuoi ain nomaḻí kon inimu imang. Bayongan intau inta diá inogoian in hak tatua yo hukumon matoi aka dimiug kon barang mita inta motusi tatua.”

OUMAN IN RASUL MITA 10:34

Bo ki Petrus in noguman, “Bain naa bo kinotaauanku kon naanta pinoyotongkaibí i Allah in bayongan intau.

OUMAN IN RASUL MITA 17:4

Dá tongonumai intau kon tua nobaḻí nopirisaya kon i Yesus bo poḷat dinumudui mita kon i Paulus bo kon i Silas; natua doman in bayongan intau in Yunani inta moondok kon i Allah bo bobay mita inta duduianmai monia kon tua, nodait doman nopirisaya kon i Yesus.

OUMAN IN RASUL MITA 18:7

Bo sinaḷáanmaidon i Paulus in mosia bo minayádon nogutun kon baḷoi inta kon diug in baḷoi pososambayangan tatua. Baḷoi tatua in baḷoi intau inta deeman Yahudi táe mopirisaya kon i Allah. Ki Titius Yustus in tangoi intau tatua.

SURAT I PAULUS KON JAMAAT RUM 15:16

Binaḻí-Neadon in akuoi mogogaid kon oaidan i Kristus sin pinotabá minayá kon intau mita inta deeman Yahudi. Bo akuoi in nogaidon naonda bo imang, inta nopoyaput in Habar Mopia nongkon i Allah, sinbá intau mita inta deeman Yahudi in mobaḻí tobatú sosumba kon i Allah inta motaau tarimaan-Nea. Poigumondon mako bá baḻíondon in Roho i Allah in mosia tobatú sosumba kon i Allah tontaní.

KORINTUS 1 6:17

Táe intau inta moibog motobatú i Tuhan, tantú rohonea in notobatúbí doman in Roho i Tuhan.

EPESUS 2:12

Kon wakutu intua moiko in diápa notobatú i Kristus, yo moiko nion intaubí mita mokokiangoi inta diá noitakin kon umat inta piniḻí i Allah. Bo moiko in diábí doman noibonu kon dodandian inta inaidan i Allah takin umat-Nea. Moiko in nobiag kon dunia naa takin diá koharapan bo diá doman in Allah.

EPESUS 2:22

Popisí in nobiag notobatú i Kristus, dá moiko doman in koyogot posindogon moyotakin in intau mita ibanea, mobaḻí tobatú baḷoi kon i Allah; inta pogutunan in Roho-Nea.

ULANGAN 23:9

“Kon tungkuḷ in moiko koyogot moparang, moiko in mustibí yumayú kon bayongan yagi-yagi inta mokopopisí kon i monimu monajis.

PETRUS 1 1:1

Utatku mita umat inta piniḻí i Allah, inta noibaya-bayá mako kon butá in Pontus, Galatia, Kapadokia, Asia bo Bitinia! Akuoi, ki Petrus, rasul i Yesus Kristus in mopoigum mako sinbá ki Allah mobogoi in barakat bo kobiagan motompia kon i monimu. Moiko in piniḻí nobaḻí umat i Allah podudui in tomayá i Allah, Amá naton. Roho i Allah nopobaḻídon kon i monimu umat inta mokudus, inta mobiag bo tongá mosumba kon i Allah, sinbá moiko in tongá motoindudui kon i Yesus Kristus bo potusion in dugú-Nea.