YESAYA 55:3 - Alkitab Singog In Mongondow Masa In Tanaa

³ Indongogaidon, ei bangusa-Ku, angoidon kon i-Nakó, moiko in ogoian-Ku in kobiagan inta mononoi. Pinodoyon kon tabi bo kososatia inta pinodandi-Ku kon i Daud, Akuoi in notogot kon dandi mononoi takin i monimu.

YESAYA 55:3 Mawu Ofanana

KINOBAḺIAN 17:7

Akuoi in mogintompodbí kon dandi-Ku kon inimu bo kon buímu dapot in kon singgai moiduduimai, bo dodandian tatua in mononoibí. Akuoi in mobaḻí ki Allahmu bo ki Allah in buí-Mu.

KINOBAḺIAN 49:10

Ki Yohuda in mokadai kon tungkud in dodatuan, Buínea in momarenta dapot in mononoi. Bangusa mita in modia mangoi kon pajak, bo tumungkud takin moondok kon tayowonnea.

SAMUEL 2 23:5

Natua doman in buíku binarakatan i Allah, dodandian-Nea kon inakó, diá mobaḷui, dandi-Nea tatua in mononoi bo motompod, notoinut kon bayongan in yagi-yagi. Ki Allah in moḷukad kon kountunganku bo mobogoi kon bayongan inta kinoibogku.

SAMUEL 2 7:29

Tuamai, poigumonku, moibogdon momarakat kon buíku sinbá kinoouputbí in dunia naa mosia in umuran mokouma kon tabi-mu. O Tuhan Inta Totok in Moḷantud, bayongan intua aindon pinodandi-Mu, dá buíku in umuranbí barakatan-Mu kino ouput in dunia naa.”

TAWARIKH 2 6:42

Tuhan Allah, dikapa indoíon-Mu in datu inta ain piniḻí-Mu tanaa. Toropdon in tabi-Mu kon i Daud mogogundoi-Mu.”

MAZMUR 119:112

Totokbí in kon ginaku in dumudui kon atorang-Mu, modapot in mopaḷut in kobiaganku.

MAZMUR 119:175

Biódon mako akuoi in mobiag, sinbá akuoi in modayow kon ini-Mu, igumon mako atorang-Mu mita motuḷung kon inakó.

MAZMUR 78:1

Dondong topotundú i Asap. Indongogaidon in totundúku, ei bangusaku, taridiaidon in tosingogonku mita.

MAZMUR 89:28

Baḻíon-Kubí in sia ki adí-Ku ḷoḷaki guya-guyang, inta moiḻiu in ḷantud nongkon bayongan in datu.

MAZMUR 89:29

Sia in tantúbí kotabi-Ku modapot in mononoi, dodandian-Ku takinnea in umuranbí morigon.

IḶUAIAN 15:26

Guman i Tuhan, “Totu-totuudon dudui kon i-Nakó, bo aidaidon in onu inta ontongon-Ku mopia; duduiaidon in bayongan parenta-Ku. Aka aidan monimu intua, yo moiko in diábí hukumon-Ku poumáan in takit ná inta pinouma-Ku kon intau mita in Mesir. Akuoibí in ki Tuhan inta nonompia kon i monimu.”

AMSAL 4:20

Taridiaidon totok in tosingogonku mita adíku! Indongogai in tongginaku mita.

AMSAL 7:2

Duduiaidon in tongginaku mita sinbá mobiag mopia in iko. Duduiaidon in totundúku mita kopiaan ná poḷoḷukadmu kon batoḷ in matamu tontaní.

YESAYA 51:4

Taridiaidon in singog-Ku, ei bangusa-Ku, indongogaidon in tosingogon-Ku mita, ei umat-Ku. Inogoi-Ku in totundú-Ku kon bangusa mita, hukum-Ku mita in monimbayag kon i monia.

YESAYA 54:10

Umpaka buḷud mita bo tombuḷud mita modandú, Akuoi in diábí mogogai in monotabi kon inimu. Dodandian dodamean-Ku in umuran-Kubí kadaian,” Guman i Tuhan inta notabi kon inimu.

YESAYA 54:8

Tongábí notoyong in Akuoi nonaḷámai kon inimu popisí in torú-Ku inta tumaga-tagab. Táe pinongin tabi mononoi Akuoi in notabi kon inimu.” Natuata in guman i Allah Mopoposaḷamatmu.

YESAYA 61:8

Ki Tuhan in noguman, “Akuoi in moibog kon inta moadil bo mondoí kon pondorotan bo aid moraat. Akuoi in mobogoibí in tondan pinogaidanmu takin satia, bo motogot kon dodandian mononoi takin i monimu.

YEREMIA 30:9

Moiko in mogundoi bidon kon i-Nakó, Tuhan Allahmu, bo kon intau tobatú buí i Daud inta duíon-Ku mobaḻí datu.

YEREMIA 32:40

Akuoi in momiabí kon dodandian inta mononoi takin i monia. Akuoi in diábí mogogai in mogaid kon inta mopia kon i monia. Baḻíon-Kubí in mosia moondok bo mohoromat kon i-Nakó takin ḻimbatú in gina sinbá mosia diá yumayú kon i-Nakó.

YEREMIA 33:26

natua doman in Akuoi in tantú mokadai kon dodandian-Ku takin buí i Yakub bo takin in mogogundoi-Ku ki Daud. Intau tobatú nongkon buí i Daud in piḻíon-Ku momarenta kon buí i Abraham, i Ishak, bo i Yakub. Akuoi in monotabibí kon umat-Ku, bo mopobaḻí kon i monia mooyúon bui.”

YEREMIA 38:20

“Diá,” tubagku, “Ki Tuang datu in diábí ogoi kon i monia. Poigumonku totok sinbá ki Tuang datu in dumudui kon koyow i Tuhan; dá tua komintan in moḷapatbí, bo ki Tuang datu in diábí ḻimodon.

YEREMIA 50:5

Mosia in moḻibóbí kon daḷan mopobayá in Sion, bodongka mayá ná tua. Mosia in mogaidbí kon dodandian mononoi takin-Ku, bo umuranbí kumadai.

YEHEZKIEL 16:60

Táe toropon-Kubí in dodandian inta ain pinomia-Ku takinmu kon dodai in noguodpa in iko bo nomia kon dodandian takinmu inta pakéon modapot in mononoi.

YEHEZKIEL 34:24

Akuoi, ki Tuhan, in mobaḻíbí ki Allah monia, bo datu inta ná mogogundoi-Ku ki Daud tua in mobaḻí mongongawasa monia. Akuoi ki Tuhan ain nosingog.

YEHEZKIEL 34:25

Akuoi in momiabí kon dodandian takin i monia, inta noḷukad kon kobiagan monia. Untunon-Kubí in bayongan mahaḷuk moraat nongkon sinangkub in butá, dá domba-Ku mita in mogutun moodom kon rawang mita bo mosiug kon kayuon mita.

YEHEZKIEL 37:26

Akuoi in momiabí kon tobatú dodandian takin i monia inta moḷukad kon kobiagan monia inta moodom modapot in mononoi. Barakatan-Kubí bo dugangan in kobayong monia. Kon butá monia tua posindogon-Kubí in Baḷoi-Ku inta mononoi kon tua.

IMAMAT 18:5

Duduiaidon in atorang mita bo hukum mita inta ogoi-Ku kon i monimu. Aka aidan monimu in natua, mosaḷamat in kobobiagmu. Akuoi naa in ki Tuhan.”

AMOS 5:4

Ki Tuhan in noguman kon intau in Israel, “Pobuidon mangoi kon i-Nakó, dá mobiagbí in moiko.

AMOS 5:6

Pobuidon mangoi kon i Tuhan, dá moiko in mobiagbí. Aka moiko mobui mangoi kon i-Nia, Sia in mamangoibí naonda bo tuḷú inta ḷumekep bo momagong kon bayongan intau in Israel. Kon Betel diábí tobatúmai in intau in mokopiong kon tuḷú tatua.

MATIUS 11:28

Angoidon kon i-Nakó, moiko komintan inta mongoḷopí, bo intau inta kopota-potaan in mosibuḷ, sinbá ḷuatan-Kudon intua kon i monimu.

MATIUS 13:16

“Táe mopia totok in matamu sin nokoontong bo bongoḷanmu sin nokodongog.”

MATIUS 17:5

Koyogotpa in ki Petrus nosingog kon tua, daḻi-daḻí noikoḷubung magí kon i monia in goḷom inta mobunod bo kinodongogan nongkon goḷom tatua in singog inta noguman, “Naadon in Adí-Ku inta kinotabi-Ku, Sia tanaa inta kinoibog-Ku, indongogaidon in Sia.”

YOHANES 10:27

Domba-Ku mita in mokidongogbí kon singog-Ku mita. Kinotaauan-Kubí in mosia, bo mosia in dumuduibí kon i-Nakó.

YOHANES 6:37

Bayongan in intau inta inogoi i Amá-Ku kon i-Nakó in mamangoibí kon i-Nakó. Ki inekabí in mamangoi kon i-Nakó diábí in diá tarimaan-Ku.

YOHANES 7:37

Kon singgai pangabisan nongkon porayaan tatua, tuata in singgai inta totok moponting kon porayaan tatua, ki Yesus in sinimindog kon bonu in Baḷoi Tuhan bo nosingog noropot; “Intau inta moyogang angoidon kon i-Nakó bo nonginum.

YOHANES 8:47

Intau inta nongkon i Allah in mokidongogbí kon singog i Allah. Táe moiko in deemanbí nongkon i Allah, tuamai moiko in doí mokidongog.”

OUMAN IN RASUL MITA 13:34

Aindon biniag i Allah in Sia nongkon sigad in intau minatoi. Táe tanaa mako in diá bidon mokorasa kon popatoi natua in Sia. Sin ki Allah in nogumandon nanaa, ‘Akuoi in mobogoi in dandi motusi kon ini-Mu bo pototuu-Kubí dandi inta aindon doman pinodandi-Ku kon i Daud.’

SURAT I PAULUS KON JAMAAT RUM 10:5

Ki Musa in nomais nanaa, Intau inta ain noyodame bui i Allah inta pinodoyon kon hukum in agama, in nobiag sin motoindudui kon hukum in agama tatua.

IBRANI 13:20

Ki Allah in nomiagdon bui kon i Yesus Kristus Tuhan naton nongkon kinopatoian-Nea. Popisíbí in popatoi-Nea tatua, dá masai naa Sia in nobaḻídon Gombala Momulia kon i naton inta domba-Nea mita. Kinopatoian-Nea tatua in noposah bidon kon dodandian mononoi inta inaidan i Allah takin inaton.