YESAYA 55:1 - Alkitab Singog In Mongondow Masa In Tanaa

¹ KI Tuhan in noguman, “Igaidon in moiko komintan inta morogang, ponginumdon, tubig in sinadiadon. Angoidon in moiko inta diá kodoit, tarimadon in gandum inta diábí uboḻian, bo kaandon! Anggur bo susu in sinadiadon, tarimadon mako diábí uboḻian.

YESAYA 55:1 Mawu Ofanana

MAZMUR 143:6

Akuoi in nosambayang kon ini-Mu takin ḻima noiyopa; naonda bo butá inta noingkag, jiwaku in mokotanob kon ini-Mu.

MAZMUR 63:1

Mazmur i Daud, kon tungkuḷ in sia kon padang gurun Yohuda.

AMSAL 8:4

“Ei, umat intau, akuoi in momaḷú kon inimu; bayongan in intau kon dunia, taridiai onu in pogumanku!

AMSAL 9:1

Hikmat ain noposindog in baḷoi, bo noposindogdon in oiginea pitu.

AMSAL 9:5

“Koḻigai mokaan kon kaanonku bo monginum kon anggur inta ain pinomiaku.

DONDONG MOḶANTUD 1:2

Ayokaidon in akuoi; tabimu in mopia-pia in anggur!

DONDONG MOḶANTUD 1:4

Mokopoḷamemet in kita, o datuku, diádon in akuoi tumuot in gopotmu. Sin popisí in iko dá moḷunganga totok in gina nami, bo modayow kon totabimu in moiḻiu kon anggur; patusdon in mongodeaga mita moibog kon inimu!

DONDONG MOḶANTUD 5:1

Akuoi in namangoi in gobáku, batoḷ in dodobku, buḷoiku, sinipunku in taḷong mobondu bo toyokayuku mita; kinaanku in ḻipú in pasukan bo bilukku, ininumku in susu bo tubig in anggurku. Pongaan bo ponginumdon yobayat mita, ponginumdon modapot in moḷoḷangu in totabian.

YESAYA 1:19

Aka moiko moibog motoindudui kon i-Nakó, moiko in motarimabí kon bayongan inta mopia inta ogoi in butámu.

YESAYA 44:3

Sin Akuoi in mopobutakbí in tubig kon butá inta noingkag, bo mopoiḻig in ongkag mita kon butá inta nongoguang. Akuoi in mobogoibí in kawasa-Ku kon buímu, bo momarakat kon adí bo ompumu.

YESAYA 52:3

Ki Tuhan in noguman kon umat-Nea, “Moiko in pinotaḷui mako natua, dá tanaa in poḷuaton doman mako natua.

OMBAḶ 5:4

Tubig inumon bo kayu pondungú musti taḷuion nami.

YEHEZKIEL 47:1

Ḷoḷaki tatua in nodia kon inakó nobui kon ngara tumuot kon Baḷoi Tuhan. Inontongku in tubig noiḻig nongkon ḻimonag in ngara tatua nopobayá ná pomukaan, ná doman Baḷoi Tuhan inta noitayow kon dotá in pomukaan. Tubig tatua in noiḻig nongkon ḻimonag in ngara in Baḷoi Tuhan kon dotá in toḷatan nongin sí dotá in toḷatan nongkon mezbah.

YEHEZKIEL 47:9

Kon ondaka in koiḻigan in ongkag tanaa, kon tua doman in noyagi-yagimai in toyá bo mahaḷuk mita ibanea. Tubig in Laut Mati baḻíonnea moḻiau, bo kon ondakabí in koiḻigan in tubig tatua, yo kon tua oyúon in kobiagan.

HOSEA 14:4

Asyur in diábí mokoposaḷamat kon inami, bo kabaḷo in parang diábí mokotuḷung kon inami. Kami in diá bidon moguman kon patong mita inta pinomia nami tontaní kon mosia in ki Allah nami. O Tuhan, Iko in notabi kon intau mita inta diá in ibanea mako inta motaau pongata monia.”

YOËL 3:18

Kon singgai tatua buḷud mita in mopuḻingbidon in gobá in anggur. Bobiagon mita in mokaan bidon kon bonok kon tombuḷud mita inta moḷumbá. Ongkag mita kon Yohuda diábí kon dodai in onda in modait in tubignea. Ongkag tobatú in moiḻigbí nongkon Baḷoi Tuhan, bo mopomuntad in tubig moonow kon Ḷopá in Akasia.

ZAKHARIA 10:7

Umat in Israel in naonda bo pahlawan inta moropot, naonda bo intau inta nonginum kon anggur, mopiabí in gina monia. Buí monia nongkon zaman mopobayá in zaman diábí koḻiongan in kauntungan tanaa inta inogoi-Ku. Mosia in moḷungangabí popisí in aid-Ku kon i monia.

ZAKHARIA 2:6

Ki Tuhan in noguman kon umat-Nea, “Akuoi in noporaritdon magí-mako kon i monimu kon bayongan in tampat. Táe tanaa intau mita inta sinokoḷumbú in poḷaguidon nongkon Babel bo pobuidon mangoi kon Yerusalem.

ZAKHARIA 9:15

Umat-Nea in notantú bidon kon ḷukadan-Nea, dá bayongan in musung modait taḷowon monia. Naonda bo kokow in intau inta noḷoḷangu in oinumon, natuata in kokow monia kon in parang. Naonda bo dugú in kuruban inta pinoburé kon tudu in mezbah, natuata in dugú in musung moibutak.

MATIUS 10:8

Undamaidon in intau notakit; biagdon bui in intau minatoi; undamai doman in intau inta pinanyaki kusta, bo untun in dimukud mita moraat. Naa komintan in inogoi pinonotabi kon i monimu. Manangka intua yo ponotabi domandon.

MATIUS 13:44

“Aka ki Allah momarenta, yo naonda: Bo kapunyaan inta noiḷobong kon gobá inta nouḻí in intau, bodongka iḷobongnea bui. Popisí in pia in ginanea, dá minayádon in sia bo nopotaḷui in bayongan kapunyaannea bo sinaḷuineadon in gobá tatua.”

MATIUS 26:29

Táe poguman-Ku kon i monimu: Mulai tanaa mako Akuoi in diá bidon monginum bui kon bungai in anggur tanaa modapot kon singgai Akuoi monginum kon anggur mobagu moyotakin monimu kon bonu in dunia mobagu i Amá-Ku.”

MATIUS 5:6

Pia in kamang in intau inta moibog totok mogaid kon inta mobanar; sin bayongan tua in ogoibí i Allah.

OUMAN IN RASUL MITA 8:20

Táe ki Petrus in notubag, “Koboditodon iko bo doitmu tanion! Kainimu kamai totabi Allah in motaaubí taḷuionmu?

SURAT I PAULUS KON JAMAAT RUM 3:24

Tongábí popisí in totabi i Allah inta pinomorosen-Nea, dá hubungan in intau bo i Allah in motompiadon bui; caranea kon tua intau pinobebasdon i Kristus Yesus.

KORINTUS 1 3:2

Koḻipod in moiko tongápabí pinokaankumai in kaanon adí mointok, deemanpabí kaanon intau inta noguyangdon sin diápa in moiko mokomampu in mokaan kon natua. Táe umaaipa doman masa in tanaa natuapa doman in moiko,

PETRUS 1 2:2

Moiko in musti mobaḻídon naonda bo adí mointok inta bagu pinononggadí inta umuran moyogang in susu inta nongkon soroga. Aka natua yo mobiagbí bo posaḷamatonbí in moiko.

WAHYU 21:6

Bo Sia in noguman, “Komintandon nobaḻí! Akuoi naa in ki Alpa bo ki Omega, ki Inta muna-munamai bo ki Inta tumi-tumimai, Akuoibí naa in ki Tuhan nongkon pinomangkoian nodapot in pangabisan. Intau inta moyogang in poinumon-Ku, bo tongábí ogoi pomorosen nongkon bokaká inta mobogoi in kobiagan.

WAHYU 22:1

Bo malaekat tatua in nopoontong doman kon inakó in ongkag inta mobogoi in kobiagan. Ongkag tatua in nosilang totok naonda bo kristal inta moiḻig nongkon tampat pomomarentaan i Allah bo i Adí in Domba tatua,

WAHYU 22:17

Roho i Allah bo Nonikaan Bobay in noguman, “Koḻigai!” Ki ine in nokodongog kon naa musti moguman doman, “Koḻigaidon!” Ki ine in moyogang, pogamádon in sia kon tubig inta mobogoi in kobiagan tatua, bo diábí uboḻian.

WAHYU 3:18

Tuamai naa in tonggina-Ku kon i monimu, potaḷui kon buḷawan kon i-Nakó, buḷawan taakan sinbá mobaḻídon mooyúon in moiko. Bo potaḷui doman kon ḷambung mobudó kon i-Nakó, sinbá mogiḷambungdon in moiko bo awak monimu inta nopilang bo mokooyá in kooḻingoiandon. Bo potaḷui domandon kon undam poḻepo kon mata sinbá mokoontongdon in moiko.

RUT 4:1

Ki Boas minayá in tampat pinoyodungkuḷan kon ngara moḷoben in kotá. Naonda in sia iḻimitú kon tua noitaḻibdon in ḷoḷaki tobatú inta kon raian i Boas sia tua in ginaḷum i Elimelekh inta totokpa in modagin. Bo inoiní i Boas in sia, “Utatku, koḻigai ḻimitúpa kon naa!” Intau tatua in namangoi, bo iḻimitú.