YESAYA 54:4 - Alkitab Singog In Mongondow Masa In Tanaa

⁴ Dika moondok, iko in diábí pokopooyáanmai: diábí singkuḻeon bo oyáon. Iko in mokoḻiong bidon kon aidmu inta diá motoindudui kon tungkuḷ noguodpa; diá bidon mokotorop bui kon kaadaanmu saḷaku boba-bobay.

YESAYA 54:4 Mawu Ofanana

AYUB 11:16

modapot in rorigamu diá bidon kotoropanmu; naonda bo ḷunud inta nomiot, kinoḻiongandon in intau.

YESAYA 25:8

Ki Tuhan Inta Totok in mokawasa in monginggamábí kon popatoi modapot in mononoi! Sia in momopatbí kon ḷuá nongkon bayongan in pogot, bo mopoyayú in kohohina inta binaba in umat-Nea kon sinangkub in butá. Ki Tuhan ain nosingog, bo tua in notantúbí kon mobaḻí.

YESAYA 29:22

Tuamai ki Tuhan, ki Allah Israel inta nopoḷuat kon i Abraham, tanaa in noguman, “Bangusa-Ku, moiko in diá bidon singkuḻeon bui bo pogotmu in diá bidon mobilai bui popisí in mooyá.

YESAYA 4:1

Kon dodai intua pitu in bobay in kumadai kon ḷoḷaki tobatú bo moguman, “Ogoidon in kami ḷumabit kon iko in ki buḷoi nami, sinbá kami in diá mobaba kon oyá popisí in diá notonibuḷoi. Kaanon bo ḷambung kopooyúonanbí nami tontaní.”

YESAYA 41:10

Dika moondok, sin takinan-Kubí in iko, dika moḻia-ḻiaw in gina, sin Akuoi in ki Allahmu. Iko in irigonan-Ku bo tuḷungan-Ku, Ḻima-Ku inta moroton in pokapit-Ku.

YESAYA 41:14

Guman i Tuhan, “Dika moondok, Israel, umpaka in iko mointok bo moyangkó. Akuoibí in ki Tuhan inta motuḷung kon inimu, Inta Totok in mokudus, Allah in Israel in mopoposaḷamatmu.

YESAYA 50:7

Sin ki Tuhan Allah in notuḷung kon inakó, dá akuoi in diá pinokopo oyámai. Akuoi in noginrigon kon ginaku sinbá mokoigon; kinotaauanku kon akuoi in diábí pokopooyáanmai.

YESAYA 51:7

Indongogaidon in Akuoi ei bangusa-Ku, kinotaauanbí monimu onu in totuu; totundú-Ku in noitagú kon bonu in ginamu. Dika moondok aka moiko singkuḻeon in intau, dika moḻia-ḻiaw in gina aka moiko singkuḻeon monia.

YESAYA 54:14

Iko in pinosindog pinodoyon kon koadilan, pinoyayú nongkon inta mokoondok bo pinondorotan.

YESAYA 61:7

Popisí in moiko ain pinokopo oyámai totok, bo tamak takin inta nohina ain nobaḻí silaimu, dá moiko in mokouḻí kon warisan kodua in kobayongnea kon butámu bo mokouḻí kon ḷunganga in gina mononoi.

YESAYA 65:16

Pomuḷoi in intau kon butá tatua inta mopoigum in barakat, in mopoigumbí sinbá barakatan i Allah inta mosatia. Pomuḷoi in intau inta moibog mongibot, in mongibotbí podoyon kon tangoi i Allah inta mosatia. Sin roriga inta koḻipod ain noinggamá bo iḻiongdon.”

YEREMIA 31:19

Iko ain sinoḻikudan nami, táe nomanasaḷ in kami kon aid tatua. Naonda in ihukum-Mu in kami, kinumuyung in kami sin norobonoḷ in gina. Nooyá in kami bo nobaḻí mokooyá popisí in binaradosadon kon dodai in noguodpa.’

OMBAḶ 1:1

Totuubí kaasí kon moingongow in Yerusalem in tanaa mako, kotá inta dungkuḷmai totok in morame. Dungkuḷmai in noiḷontú kon sigad in bangusa mita, tanaa in nobaḻídon naonda bo boba-bobay. Dungkuḷmai in kotá inta totok in dinuí-duímai, tanaa in nobaḻídon ata.

YEHEZKIEL 16:22

Kon kobiaganmu inta mokorongó tua saḷaku sundaḷ, yo topiḻikmai diá bidon kinotoropanmu in kobiaganmu kon tungkuḷ in nointokpa koḻipod, kon dodai in iko diá koḷambu-ḷambung bo moḻiaimai kon bonu in dugúmu tontaní.”

YEHEZKIEL 16:43

Akuoi in nohukum kon inimu popisí in kinoḻionganmudon naonda in pinomomiag-Ku kon inimu kon tungkuḷ in iko noguodpa. Pinomukámu in torú-Ku pinodoyon kon aidmu inta moraat tua. Nongonu sin bayongan in aidmu inta mokorongó tua dinuganganmupa doman in totuaḻingan? Akuoi ki Tuhan Inta Totok in moḷantud ain nosingog.”

YEHEZKIEL 36:15

Diá bidon paraḷu in butá tanaa in mokodongog kon singkuḻe in bangusa mita andeka mobaba kon singkuḻe in intau. Butá tanaa in diá bidon moyompat bui kon bangusa inta nogutun kon tua. Akuoi, ki Tuhan Inta Totok in moḷantud ain nosingog.’ ”

YOËL 2:21

Dika moondok, ei gobá, posanangdon in ginamu; toropdon in inta moḷoben inta pinomia i Tuhan kon inimu!

ZEPANYA 3:11

Kon dodai intua, ei umat-Ku, moiko in diá bidon musti mooyá bui popisí in nomarontakdon kon i-Nakó. Akuoi in mopoguntunbí in pomuḷoi in intau inta moḷoḷatú bo mododia, bo moiko in diá bidon momarontak bui kon i-Nakó kon tombuḷud-Ku inta motusi.

ZAKHARIA 10:6

“Intau in Yohuda in iropotan-Kubí, umat in Israel in posaḷamaton-Ku. Diaan-Ku in mosia mobui mangoi kon butánea popisí in Akuoi motabi kon i monia. Popoaid-Kubí kon i monia naonda bo bangusa inta diá kon dodai in onda in iḻiong-Ku. Akuoibí in ki Tuhan Allah monia, bayongan in sambayangnea in indongogan-Kubí bui.

PETRUS 1 2:6

Sin kon bonu in Buk Motusi ain pinais nanaa, “Akuoi ain nomiḻí kon tobatú batu inta totok koboḻi, inta sinampat-Ku kon Sion bo binaḻí-Kudon batu inta totok in moponting; bo intau inta mopirisaya kon i-Nia, diábí pokopooyáanmai.”