YESAYA 54:1 - Alkitab Singog In Mongondow Masa In Tanaa

¹ Yerusalem, dungkuḷmai iko in naonda bo bobay bantó inta diá monononggadí. Táe tanaa in porogiowdon, bo podondongdon takin ḷunganga in gina! Sin ki adímu mita in nobayong totok, noiḻiu kon adí bobay inta diá sinaḷáan in buḷoi.

YESAYA 54:1 Mawu Ofanana

KINOBAḺIAN 21:6

Ki Sara in nosingog, “Binaḻídon i Allah in akuoi kinumosing sin moḷunganga in gina. Pomuḷoi intau inta mokodongog kon soaḷ tanaa in kumosing sin moḷunganga in gina ná koḷunganga in ginaku.”

MAZMUR 113:9

Sia in noponotabi in adí mita kon buḷoi bobay inta bantó nomaḻí kon inia iná inta noḷunganga in gina bo ihoromat kon baḷoinea. Dayowdon in ki Tuhan!

DONDONG MOḶANTUD 8:8

Oyúon in ki ai-ai nami bobay inta nointokpa in teténea. Onu in pomiaan nami kon inia aka oyúon in mamangoi moigum mongantang kon inia?

YESAYA 12:6

Ponggoḷokapdon ei intau mita in Sion, podondongdon takin sanang in gina. Ki Allah mokudus in israel totuu kon momulia, Sia in nogutun kon yua-yuak monimu.”

YESAYA 24:14

Intau mita inta mosaḷamat in modondong takin pia in gina. Intau kon toyopan in mopotaaubí in koagung i Tuhan

YESAYA 44:23

Porogiowdon moḷunganga, ei ḷangit, porogiowdon, ei bonu in butá! Porogiowdon takin ḷunganga in gina, ei buḷud mita! Natua doman in kayuon bo bayongan in pangkoi in kayu kon bonunea! Sin ki Tuhan in nopoontongdon in kamuliaan-Nea pinongin notobut kon Israel umat-Nea.

YESAYA 49:13

Podondongdon ei ḷangit, porogiowdon ei butá, ei buḷud mita. Porogiowdon takin pia in gina! Sin ki Tuhan in mamangoi moḻipoi kon umat-Nea, Sia in monotabi kon umat-Nea inta dinorot.

YESAYA 49:19

Butámu inta noḷogat bo noingongow, tanaa in noiḻiudon sisí kon intau mita inta moibog mogutun kon tua. Bo intau mita inta moibog moyopú kon inimu, ain minayá iyumayú kon inimu.

YESAYA 49:20

Adí mita inta pinononggadí kon pinoḷumbúan in mogumanbí kon inimu, ‘Butá tanaa in mosisídon totok kon inakó, ogoiaidon in tampat sinbá akuoi motaaudon mogutun kon naa.’

YESAYA 62:4

Tangoimu in deeman bidon ‘Inta Sinaḷáan’, butámu deeman bidon ‘Inta Noingongow’. Iko in tangoion bidon, ‘Inta Kinotabi i Allah’, bo butámu in sinangoian, ‘Inta Ain Nonika,’ sin ki Tuhan in noibogdon kon inimu, Sia in nádon buḷoi ḷoḷaki kon butámu.

YESAYA 66:7

Kotá motusi-Ku in naonda bo iná tobatú inta nononggadí kon dodai in diápa monahang kon monakit; inta nopononggadí in adí ḷoḷaki kon dodai in diápa pomangiton.

ZEPANYA 3:14

Ei Israel, porogiow bo podondongdon! Ei Yerusalem, koḷungangadon koḻimbatúon in gina!

ZAKHARIA 9:9

Ei intau in Sion, pokoḷungangadon! Ei intau in Yerusalem, ponggoḷokapdon! Indoiaika! Datumu in mamangoi takin nountung! Sia in datu moadil inta nodia kon kasaḷamatan. Táe moompá totok in dodia sia in noiyaput sinumakoi kon keledai, keledai batánea.

GALATIA 4:27

Sin kon Buk Motusi in pinaisdon nanaa, “Koḷungangadon in ginamu bobay bantó, inta diá kon dodai in onda in nononggadí! Kosanangdon bo kopia-piadon in ginamu uḻe iko inta diá kon dodai in onda nokorasa kon roriga in monononggadí! Sin bobay inta sinaḷáan i buḷoinea in mokouḻíbí kon mobayo-bayong in adí nongkon bobay inta nobiag takin i buḷoinea.”

SAMUEL 1 2:5

Intau inta koḻipod nobotug sin nobarong in kaanon, tanaa in nobaḻídon intau totondanan mogaid tongá bá mokouḻí kon kaanon. Intau inta koḻipod ginogoi, tanaa in noguḻídon, tugatdon in kaanon. Buḷoi inta bantó, mopiadon in ginanea in tanaa, pitu in adí pinononggadíneadon! Táe ki iná inta mobayong in ki adínea, sinaḷáandon, biniódon mako natua.