YESAYA 53:12 - Alkitab Singog In Mongondow Masa In Tanaa

¹² Nobayagbí in ginanea in nobogoi in kobiagannea bo pinoyoiap intau moraat. Sia in nomotaan kon dosa in intau mobayong bo nosambayang sinbá mosia in ampungan. Dá inogoian-Ku in sia in intau mobayong nobaḻí tombuinag, bo sia in nokouḻí kon tonsilai noyotakin in intau mita mobanar.”

YESAYA 53:12 Mawu Ofanana

KINOBAḺIAN 3:15

Iko bo bobay tatua in mobaḻí mososaturuan, buínea bo buímu umuran mososaturuan. Buínea in moritak kon uḷumu, bo tobakonmu in singkod monia.”

AYUB 30:16

Tanaa in motoyongdon in akuoi matoi; diádon in singgaan in rorigaku.

MAZMUR 2:8

Igumdon, dá bayongan in bangusa ogoi-Kubí kon inimu, bo sinangkub in dunia baḻíon-Kudon kapunyaanmu.

MAZMUR 22:14

Mosia in sinumayow kon inakó takin bibig monia noibukádon mako, naonda bo singa inta noganggor bo modomok.

IḶUAIAN 15:9

Musung noguman, ‘Mosia in aḷowanku bo domokon, rabutonku in pitow, bo rataanku in mosia. Bo bayongan kaoyúonan monia agowonku, sila-silaionku bo pakéonku modapot in moorop.’

YESAYA 49:4

Táe akuoi in noguman, “Ḷopíku in diábí in baragunanea, kinodaitku in ropotku takin diá in mangaḻenea!” Tongá noyakinbí in akuoi kon ki Tuhan in mobelabí kon hakku, ki Allah in motuḻíbí kon inakó podudui in aidku.

YESAYA 52:13

Ki Tuhan in noguman, “Totuubí, mogogundoi-Ku in mokodapotbí kon aidannea; sia in horomatonbí bo poḷantudon.

YESAYA 52:15

Táe tanaa nobayong in bangusa in binaḻínea nongoherang, datu mita nongobió popisí in noitongau. Mosia in mokoontong bo momangaḻe, inta dungkuḷmai diá kinotaauan monia.”

YESAYA 53:6

Kita komintan in noiḷangkam naonda bo domba, kon batúannea notayak kon daḷannea-daḷannea. Ki Tuhan ain nopouma kon inia in bayongan aid naton inta moraat.

YESAYA 53:8

Sia in dinomok bo pinotayow kon pongadilan, bodongka dinia ihukum minatoi. Diábí in noindoimai kon ukurnea; sia in minatoi popisí in dosa in bangusa naton.

DANIEL 2:45

Ki Tuangku in nokoontongdon tontaní kon diábí iḻiai in intau in batu tobatú bo noḷabú nongkon irib bo noigonag bo nomutuk kon patong nongkon uatoi, bitú, butá ḷamentong, saḷaka bo buḷawan tatua? Ki Allah inta moḷoben in noponiata kon i Tuangku onu inta mobaḻí kon singgai moiduduimai. Togoindop tatua in motaaubí pirisayaan bo onu in ininsilangan in bobantung naa in totuubí.”

MATIUS 26:42

Bo kon induaneadon in Sia minayá nosambayang, kai-Nia, “Amá-Ku, aka roriga tanaa musti kobayáan-Ku, sin diá motaau poyayúon kon i-Nakó, yo aidaidon ná inta koibog-Mu.”

MARKUS 15:27

Dodai intua doyowa doman intau mogogagow in pinopopakú kon kayu pinoyotaḻempang noyotakin i Yesus. Tobatú kon dotá in koḷanan, tobatú kon dotá in koḷoigi Yesus. [

MARKUS 15:28

Tua in moponiata kon nobaḻídon onu inta ain pinais kon bonu in Buk Motusi, nanaa: “Sia in pinoyoiap in intau mita moraat.”]

LUKAS 22:37

Sin pirisayadon in tontagá kon Buk Motusi inta noguman nanaa, ‘Sia in inanggap naonda bo intau moraat,’ mustibí mobaḻí kon i-Nakó. Sin onu inta pinais kon Buk Motusi soaḷ Akuoi, koyogot bidon mobaḻí in tanaa mako.”

LUKAS 23:25

bo pinobebasneadon in intau inta inigum monia. Tobatú intau inta pinonjara popisí in pinomarontakan bo pinoḻimodan. Onda intua ki Yesus in pinosarakanneadon kon i monia sin aidanmai podudui in ibog intau mita tatua.

OUMAN IN RASUL MITA 26:18

mobuká kon mata monia, sinbá mobuká in mata monia bo mokoontong kon inta mobayag; bo diádon kopongaruan in Ibilis táe tongádon tantú kon bonu in kawasa i Allah. Sin aka mopirisaya kon i-Nakó, yo dosa mita monia in tokoampunganbí bo mobaḻíbí umat mita inta piniḻí i Allah in mosia.’ ”

SURAT I PAULUS KON JAMAAT RUM 8:34

Oyúon degá in intau moibog mopotaḷá kon i naton? Bain ki Kristus in mobela kon i naton! Siabí tua inta ain minatoi, táe Siabí doman tua inta ain biniag bui nongkon kinopatoian bo kon tampatdon i Allah inta mokawasa.

KORINTUS 2 5:21

Sin Sia inta nodarit kon bayongan in oaid inta diá mopia, pinaké domandon i Allah mobaba kon bayongan in dosa naton, sinbá kita in buidon mobiag motompia takin i Allah sin notobatúdon i Kristus.

PILIPI 2:17

Matoikabí in akuoi sin mobaḻí kuruban in sambayangmu kon i Allah inta pinirisayamu, yo diábí moyaat in ginaku kon i monimu.

KOLOSE 2:15

Kon kayu pinoyotaḻempang tatuata pinomia i Kristus in bayongan roho inta nomarenta bo inta nongawasa diádon nokopongonu bui. Mosia in pinomiadon tontonan in bayongan intau kon wakutu in diaan i Kristus in mosia saḷaku intau inta sinokodakop kon pinoramean in kinountungan-Nea.

TITUS 2:14

Sia tuata inta ain noposarakan in awak-Nea sin mopoḷuat kon i naton nongkon bayongan inta moraat, bo kita in baḻíon-Nea tobatú umat inta noiḷuatdon nongkon kawasa in dosa bo tongádon mobaḻí umat-Nea inta morajing mogaid kon inta mopia.

IBRANI 12:2

Mogaid in kita kon tua takin umuran mopirisaya kon i Yesus, sin Sia tuata inta nopobangon kon pirisaya naton bo umuran noḷukad kon pirisaya naton nongkon pinomangkoianpamai dapot in pangabisannea. Nonahangbí in ki Yesus in iyoyiga kon kayu pinoyotaḻempang! Diábí pinandung-Neamai in matoi kon kayu pinoyotaḻempang tua kon totokbí in mokooyá. Tongábí ḷunganga inta korasaan-Nea kon singgai moiduduimai in umuran pinonorop-Nea mako. Bo tanaa mako, Sia in iḻimitúdon kon dotá in koḷanan i Allah bo nomarenta noyotakin-Nea.

IBRANI 7:25

Manangka intua ki Yesus in umuranbí motaau moposaḷamat kon intau mita inta namangoi kon i Allah inta mongin i-Nia. Sin Sia in nobiag mononoi bo umuran mopoyaput in mintahang kon i Allah sin kopontingan intau mita tatua.

IBRANI 9:24

Sin ki Kristus in diábí sinumuot kon Yuang Motusi inta pinomia in intau, inta nobaḻí lambang in yuang Motusi inta totokea. Ki Kristusbí tontaní in sinumuot kon soroga; tanaa Sia in minayá kon tayowon i Allah sin lantaran kopontingan naton.

IBRANI 9:26

Sin aka natua dá tantú mopobui-buibí domanmai Sia in monahang kon roriga inta mulaipamai dunia naa pinomia. Táe noniata magí, tanaa kon singgai tumi naa, Sia in namangoi tongábí komintan bo noposarakan in awak-Nea tontaní sin potobut kon bayongan in dosa naton.

IBRANI 9:28

Natua doman in ki Kristus, tongábí komintan pinosumba saḷaku kuruban pinotobut kon dosa in intau mobayong. Sia in mamangoipabí bui, táe deeman bidon mamangoi mogimpaḷut kon persoalan dosa, táe dongka bidon moposaḷamat kon intau mita inta mogoḷat mako kon koangoian-Nea bui.

YOHANES 1 2:1

Adíku mita! Naa mita in pinaisku kon i monimu, sinbá moiko in diádon mogaid kon dosa. Tongá aka oyúon in mogaid kon dosa, dá oyúon in mototuḷung naton, Sia tua in ki Yesus Kristus inta moadil. Sia in mayá in tayowon i Allah bo mopoigum sinbá ampungandon in taḷá mita naton.

YOHANES 1 2:12

Naa in pinaisku kon i monimu, uḻe Adíku mita, sin taḷámu mita aindon inampungan lantaran tangoi i Kristus.