YESAYA 52:7 - Alkitab Singog In Mongondow Masa In Tanaa

⁷ Totuu mosanang in mokoontong kon koangoian in totabá, Sia in mayá mongin buḷud bo modia kon habar mopia habar kobiagan mopia, habar kasaḷamatan kon Sion, kainia, “Allahmu in Datu!”

YESAYA 52:7 Mawu Ofanana

NAHUM 1:15

Indoiaika, in totabá tobatú mamangoi mongin buḷud mita, modia kon habar mopia, habar kountungan. Ei bangusa in Yohuda, ramedon in singgai moḷobenmu bo uboḻiaidon in dandimu kon i Allah. Butámu in diá bidon tonggataan in intau moraat. Mosia in irimumudon komintan.

MARKUS 16:15

Guman i Yesus kon i monia, “Bayádon in bayongan dunia naa bo potaaudon in Habar Mopia nongkon i Allah kon bayongan intau.

EPESUS 6:15

Bo ginamu inta mobayag in mopoyaput in Habar Mopia inta mokopoangoi kon kobiagan motompia, tua in baḻídon sapatumu.

YESAYA 40:9

Potakodon kon tudu in buḷud inta moḷantud, bo pobaḷúdon in habar mopia kon Yerusalem! Pomaḷúdon koropot, bo pobaḷúdon in habar mopia kon Sion! Pogumandon kon kotá mita in Yohuda kon ki Allah monia in mamangoi!

MAZMUR 93:1

Ki Tuhan in Datu; Sia in nogiḷambung in kamuliaan bo ropot. Dunia in sinimindog notorindog diábí modandú.

MATIUS 28:18

Dá ki Yesus in dinimiug kon i monia bo noguman, “Akuoi in inogoiandon in bayongan kawasa kon soroga bo kon dunia.

YESAYA 24:23

Buḷan in simindip bo mata in singgai in diá bidon monindar, sin ki Tuhan Inta Totok in mokawasa in momarentabí mobaḻí datu. Sia in momarentabí kon Yerusalem, kon tudu in Buḷud in Sion, bo mopoontong in koagung-Nea kon itoi mita in umat-Nea.

MAZMUR 68:11

Bo umat-Mu in nogutun kon tua; kon bonu in kopopia-Mu, o Allah, Iko in noḷukad kon intau nobogá.

LUKAS 2:10

Táe malaekat tatua in noguman, “Dika moondok! Sin akuoi in mamangoi moguman kon habar mopia kon i monimu, habar inta totok in mokosanang kon gina in bayongan intau.

MARKUS 13:10

Habar Mopia nongkon i Allah tua, musti muna potaau magí-mako kon bayongan in bangusa.

WAHYU 14:6

Noiduduimai kon tua akuoi in nokoontong kon tobatú malaekat ibanea inta iḷumayug noḷantud kon ḷangit. Malaekat tatua in nodia kon Habar Mopia inta mononoi sin poyaputon kon intau kon dunia naa bo kon bayongan bangusa, suku bahasa bo negara.

ZAKHARIA 9:9

Ei intau in Sion, pokoḷungangadon! Ei intau in Yerusalem, ponggoḷokapdon! Indoiaika! Datumu in mamangoi takin nountung! Sia in datu moadil inta nodia kon kasaḷamatan. Táe moompá totok in dodia sia in noiyaput sinumakoi kon keledai, keledai batánea.

LUKAS 24:47

Bo podoyon doman kon tangoi i Datu Mopoposaḷamat tatua mustibí popotaau kon bayongan in bangusa, kon intau in mustibí mogogai in mogaid kon inta diá mopia bo potaau doman kon ki Allah in mongampungbí kon bayongan dosa mita monia. Bo habar tatua in musti popotaau pangkoion kon Yerusalem.

DONDONG MOḶANTUD 2:8

Indongogai! Batoḷ in dodobku namangoi! Sia in naonda bo ki adí in rusa andeka kijang. Mosimbanan kon buḷud mita moḷantud, mosimbanan kon buḷud mita moompá. Indoiai, sinimindog in sia kon ḻikud in dinding, matanea motayak magí-mako; motarap nongkon bubú in jandela.

MAZMUR 99:1

Ki Tuhan in Datu; bangusa mita in mourotbí. Sia in nomarenta kon tudu in kerub, butá in nodandú.

WAHYU 11:15

Bo malaekat impitunea in nogirup kon torompetnea, dá kinodongogandon in singog mita inta mongoḷangon totok nongkon soroga noguman, “Kawasa momarenta kon dunia naa, masai naa kinadaiandon i Tuhan naton, bo i Datu mopoposaḷamat inta pinodandi-Nea. Sia bidon in momarenta modapot in mononoi!”

MIKHA 4:7

Mosia in pinotungkudon bo noyayúdon nongkon ḻipúnea tontaní. Táe, nongkon intau mita inta kiagatnea tatua baḻíon-Kudon in buí inta mobagu. Mosia in mobaḻídon bangusa inta moḷoben bo moropot. Akuoi in momarentabí kon i monia kon Tombuḷud in Sion modapot in mononoi.”

YESAYA 33:22

Bayongan in touḷut kon kapaḷ monia diá in mangaḻenea; ḻeagnea mita diá motaau songkaan! Bayongan in kaoyúonan in musung in agowon naton, bo mobayong totok, modapot in intau ḻempeng in mokouḻíbí doman kon tonsilai. Ki Tuhan tontaní in mobaḻí datu naton; Sia in momarenta, moposindog in hukum bo moposaḷamat kon i naton nongkon musung.

MAZMUR 96:10

Potaa-taaudon mako kon bangusa mita, “Ki Tuhan tua in Datu! Butá morigon diábí kodandúan; Sia in mohakimbí kon bangusa mita takin moadil.”

MATIUS 25:34

Bo Datu tatua in moguman kon i monia inta kon dotá in koḷanan-Nea, ‘Igai, in moiko inta binarakatan i Amá-Ku, tuotdon kon dodatuan inta aindon sinadia kon i monimu kon wakutupa in dunia naa bagupa binaḻí.

MAZMUR 59:13

Sin mosia in binaradosa pinongin tosingogon monia; biódon mako in mosia moibaaḷ kon bonu in ḷoḷatúnea, sin mosia in moibog mogodi-godi bo monguboḷ.

MAZMUR 97:1

Ki Tuhan in Datu! Biódon mako in butá mokoposanang, bo ḻibuton mita in moḷunganga.

YESAYA 41:27

Akuoi, ki Tuhan, inta muna-munamai nopotaau kon Sion; Akuoi in nopotabá kon mododia kon habar mopia minayá in Yerusalem.

YESAYA 42:11

Pomayádon mako in padang gurun bo kotánea mita in modayow kon i Tuhan, bo intau in Kedar modayow kon i-Nia! Porogiowdon in intau mita kon kotá in Sela, bo morobaḷú nongkon tudu totok in buḷud!

MAZMUR 98:2

Ki Tuhan in nopotaau in kinountungan-Nea; Sia in noponiata kon kooadil-Nea kon bangusa mita.

MAZMUR 98:3

Kinotoropan-Nea in tabi bo kososatia-Nea kon Israel, umat-Nea. Bayongan in bangusa kon sinangkub in butá ain nokoontong kon kinountungan i Allah naton.

NAHUM 2:1

Ei Niniwe, Indongogaidon! Inta momoguyaat kon inimu noiangoidon! Ḷukadaidon in benteng mita poḷoḷukadan! Umuran tarap mako in daḷan! Posadiadon moparang. (