YESAYA 52:2 - Alkitab Singog In Mongondow Masa In Tanaa

² Sindogdon nongkon ḷobud, ei Yerusalem, ponopirdon in ḷobud inta noikompit kon inimu. Ḷuatdon in rante inta pinotokig kon sigogowmu, ei intau in Sion inta dinakop!

YESAYA 52:2 Mawu Ofanana

YESAYA 10:27

Kon tungkuḷ intua Akuoi in mopoḷuatdon kon i monimu nongkon pinondorotan in Asyur, bo mosia in diá bidon mongawasa kon i monimu.”

YESAYA 14:25

Intau in Asyur kon Israel butá-Ku, in yopúon-Kubí, bo inta kon buḷud-Ku mita in tokoritakan-Kubí. Poḷuaton-Kubí in bangusa-Ku nongkon pinororigaan bo nongkon bobabaan inta pinakisa kon i monia in intau in Asyur.

YESAYA 29:4

Yerusalem in nádon onda bo dimbuḷó inta moḷongasi mopodongog in singognea nongkon bonu in butá, singog inta mokayow nongkon bonu in ḷobud.

YESAYA 3:26

Kon bonawang mita in kotá intau in mononogumatoi bo mogamui, bo kotá tatua tontaní in naonda bo bobay inta pinilangan inta iḻimitú kon butá.

YESAYA 49:21

Dá iko in mosingogdon kon bonu in gina, ‘Ki ine in nopononggadí in mongoadí mita tatua kon inakó? Akuoi naa in kinobuḻiandon in adíku mita, bo diádon motaau mononggadí bui? Akuoi in inakut pinobayá in pinoḷumbúan bo pinotondí bo sinaḷáan aku-akuoi mita. Dá nongkon onda in adí mita tatua, bo ki ine in nomiag kon i monia nodapot in noitoidon?’ ”

YESAYA 51:14

Intau mita inta dinakop in ḷagidon poḷuaton; mosia in diábí kodaitan in kaanon, bo diábí matoi bo ḷobongon.

YESAYA 51:23

Roriga tatua in ogoi-Ku kon inta nondorot kon inimu, inta nokoimontandon in nokiposiug kon i monimu kon butá, bo inta noritak kon i monimu, ná momia bo moiko nion in daḷan inta bayáan in intau.”

YESAYA 60:1

Sindogdon bo kobaḻídon bayag, ei Yerusalem, sin bayag in kasaḷamatanmu in noiangoidon; Ki Allah in monimbayagbí kon inimu takin kamuliaan-Nea.

YESAYA 61:1

Kawasa i Tuhan Inta Totok in Moḷantud oyúon kon inakó; Sia in nomiḻí bo nopotabá kon inakó sin modia kon habar mopia kon intau nobogá bo moḻipoi kon intau inta nokuyang in ginanea, sin mopotaau kon intau inta sinokodakop kon mosia in ḷagidon poḷuaton, bo kon intau mita kon bonu in ponjara kon mosia in ḷagidon poḷuaion.

YESAYA 9:4

Singog in sapatu in tontara inta kodongogan bo ḷambungnea inta nopuḻing in dugú, modait kaanon in tuḷú.

YEREMIA 51:45

Tuamai in poḷaguidon nongkon tua, ei umat in Israel! Posaḷamatdon in awakmu nongkon torú-Ku inta tumaga-tagab.

YEREMIA 51:50

Ki Tuhan in noguman kon intau in Israel kon Babel, “Moiko in noiḷaguidon kon poḻimodan! Dá bayádon in tanaa! Dika mogoḷat! Umpakabí noyayú in moiko nongkon baḷoi, toropdon in Akuoi, Tuhanmu, bo kon Yerusalem.

YEREMIA 51:6

Posaḷamatdon in awakmu! Poḷaguidon nongkon Babel, dika modapot in moiko moitakin koḻimodan popisí in dosanea! Sin naadon in wakutunea Akuoi motuḻí kon aid moraat in Babel, bo mohukum kon inia podudui in oaidnea.

YEHEZKIEL 34:27

Pangkoi mita in kayu in momungaidon, pinomuḷa mita kon gobá in mobogoidon in bungainea, bo bayongan in intau in mogutunbí moodom kon butánea tontaní. Aka rante pinotogot kon umat-Ku bo botowandon bo mosia in poḷuaton-Kudon nongkon intau mita inta nononggata kon i monia, dá kotaauandon monia kon Akuoibí in ki Tuhan.

ZAKHARIA 2:6

Ki Tuhan in noguman kon umat-Nea, “Akuoi in noporaritdon magí-mako kon i monimu kon bayongan in tampat. Táe tanaa intau mita inta sinokoḷumbú in poḷaguidon nongkon Babel bo pobuidon mangoi kon Yerusalem.

LUKAS 21:24

Oyúon in ḻimodon, oyúon doman in diaan saḷaku intau inta dinakop bo pobayá in ḻipu-ḻipúannea; bo intau inta diá mopirisaya momoguyaat kon Yerusalem modapot mopaḷut in wakutu inta sinantú i Tuhan kon i monia.”

LUKAS 4:18

“Roho i Tuhan oyúon kon i-Nakó, sin Akuoi in ain piniḻí-Nea mopoyaput in Habar Mopia kon intau mita bogá. Sia nopotabá kon i-Nakó mopotaau in popoḷuaian kon intau mita kon sinokodakop bo mongundam kon mata in intau mita bilog; bo mopoḷuat kon intau mita inta sinokodorot

WAHYU 18:4

Bo akuoi in nokodongog kon singog ibanea nongkon soroga noguman nanaa, “Ḷuaidon, umat-Ku! Ḷuaidon nongkon bonunea! Sinbá moiko in diádon dumudui mogaid kon dosanea mita, bo moitakin motanggung kon hukumannea!