YESAYA 51:2 - Alkitab Singog In Mongondow Masa In Tanaa

² Toropdon in mogoguyangmu ki Abraham bo ki Sara inta nopononggadí kon i monimu; kon tungkuḷ in Akuoi nogoiní kon i Abraham, Sia in diá kogadí; bo binarakatan-Ku in sia bo inogoian-Ku in buí inta mobayong.

YESAYA 51:2 Mawu Ofanana

KINOBAḺIAN 22:17

Akuoi mobogoi in barakat kobarongon totok kon inimu bo baḻíon-Ku in buímu moantó naonda bo tundi kon ḷangit bo ná kobayong in bungayon kon bingkí in dagat. Ki adí bo ki ompumu in monaḷowdon kon musung mita monia.

KINOBAḺIAN 24:1

Ki Abraham nogoguyangdon totok, bo totok doman binarakatan i Tuhan in sia onukadon in inaidannea.

KINOBAḺIAN 24:35

Ki Tuhan in nomarakat totok kon i tuangku tua bo binaḻí-Nea nooyúon totok. Ki Tuhan ain nobogoi kon inia in paanan in domba, bembé, sapi, unta, keledai, bo saḷaka doman, buḷawan, takin doman bobantung ḷoḷaki bo bobay.

YESAYA 29:22

Tuamai ki Tuhan, ki Allah Israel inta nopoḷuat kon i Abraham, tanaa in noguman, “Bangusa-Ku, moiko in diá bidon singkuḻeon bui bo pogotmu in diá bidon mobilai bui popisí in mooyá.

YESAYA 41:8

Táe iko, Israel, mogogundoi-Ku, umat inta piniḻí-Ku, iko in buí i Abraham, yobayat-Ku.

YESAYA 43:27

Mogoguyangmu inta muna aindon binaradosa, itoimu mita in nomarontakdon kon i-Nakó,

YESAYA 48:1

Indongogai, ei buí i Yakub, buí in Yohuda inta nomaké in tangoi in Israel, kainimu in inakumu in Allah in Israel, bo nongibot pinodoyon kon tangoi Tuhan. Táe tosingogonmu mita tua in diábí totuu.

YESAYA 60:22

Nodapot in motoḷuadí inta mointok bo moyangkó in mobaḻíbí bangusa inta moḷoben bo moropot. Akuoi ki Tuhan in ḷagi bidon mopoaid, kon wakutu inta moitongkaná.”

YESAYA 63:16

Iko nion in ki Amá nami? Ki Abraham bo ki Yakub in diábí nonotaau kon inami. Táe Iko o Tuhan, in ki Amábí nami, Mopoposaḷamat nami nongkon dungkuḷpabímai.

YEHEZKIEL 33:24

“Ei intau ilo-ilow, intau mita inta nogutun kon apug in kotá mita kon butá in Israel tatua in noguman, ‘Ki Abraham in nokouḻí kon nobayong in butá, bokaka sia in tongábí sia-sia mita. Kita naa in nobayong, dá butá tanaa in nobaḻídon kapunyaan naton.’ ”

ULANGAN 1:10

ki Tuhan Allahmu nopobaḻídon kon i monimu nobarong totok naonda bo tundi mita kon ḷangit.

ULANGAN 26:5

Onda intua kon tayowon i Tuhan Allahmu, musti in iko mopoyaput in tosingogon mita tanaa: ‘O Tuhan, mogoguyangku naa intau in Aram inta nodondaḷoi. Sia nodia kon koluarganea minayá in Mesir bo nogutun kon tua nobaḻí mokokiangoi. Kon tungkuḷ in minayá intua mosia tongá topiḻik, táe mosia in nobaḻí bangusa inta moḷoben bo moropot.

YOSUA 24:3

Bo Akuoi nogoiní kon i Abraham, mogoguyangmu tua, nongkon butá kon ḷoḷan in Ongkag in Eprat tatua, bo nopotabá kon inia noḻibu kon butá in Kanaan. Akuoi in nobogoi kon inia in buí mobayong. Dungkuḷ totok ki Ishak in inogoi-Ku kon inia,