YESAYA 51:13 - Alkitab Singog In Mongondow Masa In Tanaa

¹³ Umpaka dá kinoḻionganmu in ki Tuhan inta nomaḻí kon inimu inta nosongká kon ḷangit bo inta nopoukat in dodoyonan in butá? Nongonu sin kinoouput in singgai mourot in iko kon torú in monondorot inta nosadiadon momutú? Totuubí kon torú monia tua diábí kumaan kon inimu.

YESAYA 51:13 Mawu Ofanana

ESTER 5:14

Nokodongogmai kon tua ki buḷoinea bo bayongan in totakinnea noguman, “Pokiaidaidon in oigi pobambéan inta koḷantudnea in doyowa nopuḷú bodoyowá nometer. Bo mopoikoḷomai, doḷo-doḷom poigumdon kon i datu mobambé kon i Mordekhai kon oigi tatua. Dá motaaudon in iko mayá kon bobutungan tatua takin pia in gina.” Aka kon i Haman yo mopiabí totok in tosingogon tatua, tuamai in ḷagidon sia nokiaid in oigi pogantongan tatua.

ESTER 7:10

Natuata in nobaḻí ki Haman pinobambé kon oigi inta ain pinosindognea kon i Mordekhai. Nopaḷut mako kon tua noinggamádon in torú i datu.

AYUB 37:18

Motaau degá in iko mobaḻí ná ki Allah mobuká kon toḷungayá bo mopotogat naonda bo logam andeka posilag?

AYUB 9:8

Binuká-Nea in toḷungayá bo diábí in notuḷung; iritakan-Nea in ḻikud in naga in dagat.

MAZMUR 104:2

bo kinoḷubungan in sindar. Iko in nomukat kon ḷangit naonda bo ḷoḷaigan,

MAZMUR 106:13

Táe ḷagibí kinoḻiongan monia in aid i Tuhan bo mogaid takin diádon mopoigum in tonggina-Nea.

MAZMUR 76:10

Kon tungkuḷ in Iko simindog sin monisigdon sin moposaḷamat kon intau inta dinorot kon dunia.

YESAYA 10:24

Ki Tuhan Inta Totok in mokawasa noguman kon umat-Nea inta nogutun kon Sion, “Dika moondok kon intau in Asyur, umpaka mosia mondorot bo mopogutú kon i monimu ná inta pinomia in intau in Mesir koḻipod.

YESAYA 14:4

Aka ki Tuhan mopoaidon in tua yo mosia in mopoḷoḻekebí kon datu in Babel nanaa, “Datu inta moromú ain noḷabú! Sia in diá bidon motaau mondorot.

YESAYA 16:4

Ogoipa in kami mogutun kon butámu. Ḷukadaipa in kami nongkon intau mita inta moibog moḻimod kon inami.” (Pondorotan bo poḻimodan in mopaḷutdon, bo intau mita inta morimumud bo mondorot kon butá in Israel in moinggamádon.

YESAYA 17:10

Israel, iko in nokoḻiongdon kon i Allah inta noposaḷamat bo noḷukad kon inimu naonda bo buḷud batu inta moroton. Noyoḻiu kon tua, iko in nomuḷadon kon gobá mita sin ogoi kon dewa mita.

YESAYA 40:21

Umpaka yo diá kinotaauanmu bo diá nokodongog, bo diá pinopotaau kon inimu nongkon dungkuḷmai? Umpaka yo iko in diá momangaḻe nongkon pinomangkoianmai naonda in pinomangkoian in dunia?

YESAYA 40:22

Inta nomaḻí in nomarenta kon tudu in butá noḻimbatu, intau mita inta nogutun kon dunia naa in ontongon mongointok naonda bo pangkoḷá. Sia in nosongká kon ḷangit naonda bo daing, bo nopoatop naonda bo ḷoḷaigan sin pogutunan.

YESAYA 42:5

Ki Tuhan Allah in nomaḻí bo nosongká kon ḷangit; Sia in nomia kon butá bo bayongan inta nobiag kon tudunea. Sia in nobogoi kon intau in poginaan kobiagan bo nyawa. Sia in nopotaau in koyow tanaa kon mogogundoi-Nea mita,

YESAYA 43:1

Israel, nanaa in guman i Tuhan, “Akuoibí in inta nomaḻí bo inta nomia kon inimu, dika moondok, iko in notantú bidon kon posaḷamaton-Ku! Akuoi in nogoinídon kon inimu pinongin tangoimu, iko in Akuoi in kitogi.

YESAYA 44:24

Nanaa in guman i Tuhan mopoposaḷamatmu inta nomia kon inimu pinangkoi kon bonupa in sian, “Akuoibí in ki Tuhan inta nomia kon bayongan yagi-yagi, inta tongá aku-akuoi mita in nosongká kon ḷangit, bo diábí in noduḷu nomaḻí kon butá.

YESAYA 45:12

Akuoibí in ki Tuhan inta nomia kon butá, bo inta nomaḻí kon intau sin mogutun kon tua. Pinodoyon kon kawasa-Ku Akuoi in nosongká kon ḷangit, bo nomarenta kon mata in singgai, buḷan bo tundi mita.

YESAYA 45:18

Ki Tuhanbí in inta nomaḻí kon ḷangit, Siabí in ki Allah! Siabí inta nomia bo nogaid kon butá, binaḻí noroton bo tantú noisindog mako. Diábí binaḻí-Nea tampat inta noingongow, táe tampatbí inta pogutunan. Siabí inta noguman, “Akuoibí in Tuhan bo diábí in ibanea mako.

YESAYA 48:13

Ḻima-Ku nopoukat in dodoyonan butá bo nosongká kon toḷungayá. Aka oiníon-Ku in tangoinea, mosia in ḷagibí mamangoi.

YESAYA 49:26

Baḻíon-Kubí in musungmu moḷoḷangu in dugú, dá mosia in mosiḻimodandon. Dá bayongan in intau in monotaaudon, kon Akuoi, ki Tuhan, Mopoposaḷamatmu; Inta Totok in moropot, ki Allah i Yakub, in Mototobutmu.”

YESAYA 54:14

Iko in pinosindog pinodoyon kon koadilan, pinoyayú nongkon inta mokoondok bo pinondorotan.

YESAYA 57:11

Ki Tuhan in noguman, “Ki ine in dewa mita tatua inta nopobaḻí kon i monimu moondok, dá moiko in monguboḷ bo diádon mokotorop kon i-Nakó? Eta degá moiko in diádon mosumba kon i-Nakó popisí in Akuoi noonggot totok in kibio-biómai?

YESAYA 7:4

Pogumandon kon i datu kon sia in musti tantú mosadia bo umuran mokopoonow. Dikabí in sia moondok andeka motoboḻingo. Torú i Datu Pekah bo i Datu Rezin takin tontaranea intau mita in Siria tatua in diábí noiḻiu kon doyowa in oḷuton inta nonompoyok.

YESAYA 9:4

Singog in sapatu in tontara inta kodongogan bo ḷambungnea inta nopuḻing in dugú, modait kaanon in tuḷú.

YEREMIA 2:32

Oyúon degá in mongodeaga inta mokoḻiong kon ḷambánea, andeka nonikaan bobay inta mokoḻiong kon ḷambung nonikaannea? Táe moiko in noonggotdon totok in nokoḻiong kon i-Nakó – nongkon tungkuḷpabí inta diádon koiapan in koonggotnea.

YEREMIA 38:19

Ki Datu in notubag, “Moondok in akuoi kon intau mita bangusa naton inta ain noḷagui bo dinumotá kon intau in Babel. Dika-dika akuoi ogoi kon i monia bo sikisaan.”

YEREMIA 51:15

Ki Tuhan in nomaḻí kon butá pinongin kawasa-nea nomia kon dunia pinongin hikmat-Nea, bo nobukat kon ḷangit pinongin pandoi-Nea.

YEREMIA 51:19

Ki Allah i Yakub in diábí notongkai in berhala mita tatua; Sia in nomaḻí kon bayongan in yagi-yagi. Tangoi-Nea in ki Tuhan Inta totok in mokawasa; Sia in nomiḻídon kon Israel nobaḻí umat-Nea.

DANIEL 3:15

Yo, tanaa, moibog degá in moiko dumokó bo mosumba kon patong tatua kon dodai in musik posingogon? Aka moiko doí, yo moiko in baḷúdon pogonag kon bonu in tuḷú inta kodoko-dokot. Bo dewa degá táonda in mokoposaḷamat kon i monimu nongkon kawasaku?”

DANIEL 3:18

Táe aka kuma bo doí doman in Sia moposaḷamat, yo igumon mako ki Tuangku in monotaau kon kami in diábí mosumba kon dewa i Tuangku bo diábí doman mosumba kon patong buḷawan inta pinosindog i Tuangku tatua.”

DANIEL 3:19

Dá sinumagabdon in torú i Datu Nebukadnezar kon i Sadrakh, Mesakh bo kon i Abednego, dá inumuradon totok in pogotnea. Sia in nomarenta sinbá tuḷú dugangan kopitu in kopatúnea nongkon inta biasamai.

OUMAN IN RASUL MITA 12:23

Bo kon dodaipa doman intua sinokap in malaekat i Allah in sia sin totokdon mopoompámai kon i Allah. Pangabisannea minatoi in sia bo kinaan in oḷuasi mita.

KORINTUS 1 1:20

Dá aka natua yo diá bidon in baraguna monia? Intau mita inta mongopandoi bo intau mita inta nonotaau kon bayongan in yagi-yagi? Sin pinoniatadon i Allah kon kapandoian intau kon dunia naa diábí in baragunanea!

KORINTUS 1 15:55

“Ei popatoi, kon onda in kinountunganmu? Ei popatoi, kon onda in bisamu?”

ULANGAN 32:18

Mosia in nonoḻikudon kon Mopoposaḷamat monia inta motoyang, noḻiongdon kon i Allah monia inta nobogoi in kobiagan.

ULANGAN 6:12

yo ḷukadai kopiaan sinbá diá in moiko mokoḻiong kon i Tuhan inta ain nopoḷuai kon i monimu nongkon Mesir, tampat pinononggataan kon i monimu.

ULANGAN 8:11

“Ḷukadai kopia dika modapot in moiko mokoḻiong kon i Tuhan Allahmu; dika tobatúmai in taḻiban monimu in nongkon bayongan hukum-Nea inta inogoiku kon i monimu singgai in naa.

IBRANI 11:15

Deemanbí butá inta ain sinaḷaan in umuran raion monia. Sin aka tua in umuran raion monia, dá nobayong bidon in kasampatan monia in nobui kon butá tatua.

WAHYU 19:20

Mahaḷuk tatua in kinodomokan takin intau mita inta morongaku nabi táe deemanbí totuu nabi inta ain norogaid kon soaḷ mita inta mokoherang kon tayowon mahaḷuk tatua. (Takin aid mita monia inta mokoherang tatua, mosia nonguboḷ kon i monia inta ain notarima kon tanda in mahaḷuk tatua bo inta ain nosumba kon patongnea.) Bo mahaḷuk tatua takin intau mita inta deeman totuu nabi tumpaḷa pinogambat kon bonu in tuḷu moḷoben inta kodoko-dokot takin balerang.

WAHYU 20:9

Dá mosia irumangkap kon bayongan in dunia bodongka nongopung kon ḷoḷaigan in umat i Allah bo kon kotá inta kinotabi i Allah. Táe tuḷu in noponag nongkon ḷangit bo nomokak kon i monia.