YESAYA 50:6 - Alkitab Singog In Mongondow Masa In Tanaa

⁶ Inogoiku in ḻikudku kon intau inta nomongkug kon inakó; bo putongiku kon intau inta norabut kon kumiku. Akuoi in diábí nopoḷagui in pogotku kon tungkuḷ in akuoi siningkuḻe bo dinuyáan.

YESAYA 50:6 Mawu Ofanana

MATIUS 26:67

Bo dinuyáan poḷat kinoyungkuman monia in pogot-Nea; intau mita ibanea nomongkug doman kon i-Nia,

MARKUS 14:65

Bo tongonumai intau nomangkoidon nonduyá kon i Yesus. Pinomponan monia i mata-Nea bo binongkug, nopaḷut mako bo moḻibó, “Pogumanka, ki ine in nomongkug kon ini-Mu?” Tontara mita moḷoḷukad nonokap doman kon i-Nia.

MARKUS 15:19

Onda intua binobakan monia in tungkud kon uḷu in ki Yesus bo poḷat dinuyáan. Onda intua tumungkud in mosia mosumba kon tayowon-Nea.

MATIUS 27:30

Mosia in nonduyá doman kon i-Nia, bo nogamá kon aog bo pinomobak kon uḷu-Nea.

YESAYA 53:5

Táe sia in pinaḻían popisí in dosa mita naton, bo binongkug popisí in aid naton inta moraat. Sia in ihukum sinbá kita in posaḷamaton, popisí in awaknea inta nobuog tua dá kita in inundaman.

YOHANES 18:22

Naonda in ki Yesus nosingog natua, tobatú pongawal kon diug-Neamai nonokap kon i Yesus bo poḷat noguman, “Mobaranibí totok in Iko in mosingog natua kon i imang moḷoben!”

OMBAḶ 3:30

Umpakabí sinokap bo ginosil, yo tua komintan in tarimaandon naton.

IBRANI 12:2

Mogaid in kita kon tua takin umuran mopirisaya kon i Yesus, sin Sia tuata inta nopobangon kon pirisaya naton bo umuran noḷukad kon pirisaya naton nongkon pinomangkoianpamai dapot in pangabisannea. Nonahangbí in ki Yesus in iyoyiga kon kayu pinoyotaḻempang! Diábí pinandung-Neamai in matoi kon kayu pinoyotaḻempang tua kon totokbí in mokooyá. Tongábí ḷunganga inta korasaan-Nea kon singgai moiduduimai in umuran pinonorop-Nea mako. Bo tanaa mako, Sia in iḻimitúdon kon dotá in koḷanan i Allah bo nomarenta noyotakin-Nea.

MATIUS 5:39

Táe Akuoi in moguman kon inimu: Donaai moiko motuḻí kon intau inta nopoaid in moraat kon inimu. Táe nanaabí in aidai, aka ki ine in monokap kon putongimu koḷanan, yo ogoi doman in putongimu koḷoigi.

NEHEMIA 13:25

Sinoboḷowku bo inodi-odianku in mosia. Oyúon in binongkugku bo oyúon in irabutku in buok monia. Onda intua pinoki pongibotanku in mosia pinodoyon kon tangoi i Allah kon mosia takin ki adí mita monia in diá bidon motonibuḷoi takin bobay ibanea.

MATIUS 27:26

Bo ki Barabas in pinoḷuaineadon bo inogoi kon i monia, táe ki Yesus in sinambokneapa muna; bodongka pinosarakannea sin pokipopakúdon kon kayu pinoyotaḻempang.

MIKHA 5:1

Ki Tuhan in noguman, “Ei Betlehem Eprata, iko in kotá tobatú inta nointok kon Yohuda! Táe nongkon inimu posindogon-Kubí mangoi in pongawasa kon Israel inta kinobaḻiannea in nongkon dungkuḷpabímai.”

PINOGIAPAN 12:14

Ki Tuhan notubag, “Aka pogotnea bo dinuyáan i amánea, yo sia tua in mustibí mobaba kon oyá kon bonu in pitu nosinggai? Posídon in sia nongkon pinononḷoḷaigan pitu nosinggai in koonggotnea, bain tua bo motaau in sia tumuot bui.”

AYUB 16:10

Bukáan in intau mita koḷobenon in bibig monia sin moningkuḻe kon inakó; akuoi iḻibutan bo putongiku in sinokap.

AYUB 30:10

Akuoi in inanggapdon monia mokooyá bo mokorongó, nodapot in pogotku dinuyáan monia.

MAZMUR 69:7

Dikabí pomayá mako in akuoi mokopooyámai kon intau mita inta mongamang kon ini-Mu, o Tuhan, Allah Inta Totok in mokawasa. Dikabí pomayá mako in akuoi mokopoangoi in kotor kon intau mita inta nosumba kon ini-Mu, o Allah in Israel!

MAZMUR 69:8

Sin popisíbí in Iko dá siningkuḻe in akuoi, popisí in Iko akuoi in irebeg.

MAZMUR 129:3

mosia in nonongkekeb kon ḻikudku, naonda bo momomajeko nonongkaḻembong kinoḷanggó kon gobá.

YESAYA 53:7

Iromu-romúmai in pinogogaid kon inia, táe binabanea intua takin gina nosabar. Diábí in sia noposingo-singog naonda bo ki adí in domba inta dinia kon tampat pororataan andeka ki iná in domba inta kinarugan in bubuḷnea.