YESAYA 50:4 - Alkitab Singog In Mongondow Masa In Tanaa

⁴ Ki Tuhan Inta Totok in moḷantud in notundú kon inakó nosingog, sinbá tosingogonku in mokoropot kon intau inta noḷungkoyó. Pomuḷoi in doḷo-doḷom pomuká-Nea in ibog in ginaku sin mokidongog kon totundú-Nea kon inakó.

YESAYA 50:4 Mawu Ofanana

AYUB 4:4

Tosingogonmu mita inta mopoḷoben kon gina, nopobangondon kon intau inta noipintud, noḷungkoyó bo noḷopí.

MAZMUR 119:147

Doḷo-doḷom mobangon in akuoi bo mokuani mokituḷung; akuoi in mogoḷat mako kon dandi-Mu.

MAZMUR 143:8

Pomuḷoi in doḷo-doḷom ponoropdon kon inakó in tabi-Mu, sin kon ini-Mubí in andoḷanku. Tundúdon kon inakó in daḷan inta musti bayáanku, sin kon ini-Mubí in posambayanganku.

MAZMUR 40:7

Sosumba bo kuruban oḷudon kinodoí-Mubí, kuruban payongon bo kuruban potobut kon dosa diábí in inigum-Mu. Táe inogoian-Mudon in bongoḷan in akuoi inta pokidongog kon singog-Mu.

MAZMUR 45:2

Tosingogon mita mopia noiḷuai nongkon ginaku, posumbaku in dondongku kon i datu. Naonda bo pomomais in pujangga inta motoḻindat, diláku in nosadiadon mopoyaput in pantun.

MAZMUR 5:3

Indoiaipa kaasí in oigumku bo tuḷungaipa in akuoi, o Datuku, o Allahku.

MAZMUR 88:13

Oyúon degá in nonotaau kon inta mokoherang inaidan-Mu kon bonu in sindip, andeka kopopia-Mu kon butá inta intau mita iḻiong?

AMSAL 12:25

Ḻia-ḻiaw in gina mokoinggamá kon ibog mogaid, táe tosingogon mita mopia mokorigon kon gina.

AMSAL 15:23

Tosingogon mita inta siningog inta noitaná kon wakutunea, mokopoangoi kon sanang in gina.

AMSAL 25:11

Bonu in raian inta pinoposingog noitongkaná kon wakutunea in naonda bo bungai in buḷawan kon bonu in pindan saḷaka moḷoben.

YESAYA 28:19

Moiko in umuran koantugan in bodito bo musti mobaba kon tua pomuḷoi in singgai, doḷo-doḷom, moutu in singgai bo doḷom. Moiko in mourotbí popisí in ondok aka komangaḻean monimu in koyow i Allah.

YESAYA 28:9

Mosia in moguman nanaa kon inakó, kainia, “Kai niamai sia in motundúbí kon i ine? Ki inepabí doman in moparaḷu kon tosingogonnea? Kai niakamai kita naa in mongoadíbí mointok inta bagu inungkak kon teté?

YESAYA 35:5

Kon dodai intua intau bilog in mokoontongdon, bo intau bongoḷ in mokodongogdon.

YESAYA 40:29

Sia in moginropot kon intau inta moḷopí, moporigon kon gina monia inta diá kodaya.

YESAYA 50:10

Ei moiko inta mohoromat kon i Tuhan, bo inta nokidongog kon tosingogon in mogogundoi-Nea, daḷan inta binayáan monimu degá nosindip, bo diá in sindar inta nonindar kon inimu; táe popirisayadon kon i Tuhan; kadaidon kon i Allahmu.

YESAYA 54:13

Bayongan in intaumu mobaḻí murí-Ku, mosia in mobiag mooyúon bo motompia.

YESAYA 8:16

Moiko, murí-ku mita musti motagú bo moḷukad kon koyow mita inta inogoi i Allah kon inakó.

YEREMIA 1:9

Onda intua ki Tuhan nopotuntun in ḻima-Nea, bo noḻiai kon bibigku bo noguman, “Indongogai bo potaaudon in singog mita inta potaau-Ku naa.

YEREMIA 31:25

Mosia inta moḷopí in poguḻíon-Ku bui, bo inta moḷungkoyó popisí in ginogoi in pobotugon-Ku.

YEHEZKIEL 46:13

Ki Tuhan in noguman, “Pomuḷoi in singgai kon dodai in doḷo-doḷom, ki adí in domba inta umur totaong bo inta diá in bogitnea in mustibí posumba mobaḻí kuruban payongon kon i Tuhan.

MATIUS 11:28

Angoidon kon i-Nakó, moiko komintan inta mongoḷopí, bo intau inta kopota-potaan in mosibuḷ, sinbá ḷuatan-Kudon intua kon i monimu.

MATIUS 13:54

Noiyaputmai in ḻipú-Nea. Sia minayá notundú kon intau mita kon tua kon bonu in baḷoi pososambayangan monia, intau mita nongoherang in nokoontong kon inta pinomia-Nea. Sahingga mosia in noḻibó nanaa, “Degá nouḻí-Nea kon onda in hikmat ná tatua? Bo nouḻí-Nea kon onda in kawasa inta pinogaid-Nea kon mokoherang mita tatua?

MATIUS 22:46

Diá tobatúmai in nokotubag kon singog-Nea tatua. Bo mulai singgai tua, diádon in tobatúmai in mokobaḻí mopoḻibó-ḻibómai kon i-Nia.

LUKAS 21:15

Bá kotaauan monimu kon Akuoibí in moguman kon onu inta musti potubag monimu, sahingga saturu mita monimu tua, diá mokoḷawang ande mokobayow kon onu in singogon monimu.

LUKAS 4:22

Onu inta poguman-Nea, komintan mokosanang kon gina monia, sahingga kinoibog monia in Sia bo umuran monia indongogan in poguman-Nea. Bayongan in intau kon tua komintan in noḻibo-ḻibóan, “Degá Siabí naa inta ki adí i Yusup?”

YOHANES 7:46

Dá moḷoḷukad mita tatua in notubag, “Uḻe, diápa kon dodai onda in intau in mosingog ná pososingog-Nea tatua!”

ULANGAN 18:17

Tuamai in ki Tuhan noguman kon inakó, ‘Onu in inigum monia tua in mobijaksanabí.

ULANGAN 18:18

Nongkon bangusa monia tontaní Akuoi mopotabá mangoi kon i monia in nabi tobatú ná iko. Akuoi in mopotaaubí kon inia onu in musti singogonnea, bo sia in mopotaaubí kon bangusa tatua in bayongan inta pinarenta-Ku.