YESAYA 50:2 - Alkitab Singog In Mongondow Masa In Tanaa

² Nongonu sin nongkon umat-Ku diábí tobatúmai in intau in notubag, kon tungkuḷ in Akuoi namangoi nogoiní kon i monia? Degá mosia in tongá kibio-biómai sin kai monia kamai Akuoi in diá mokopoḷuat bo moposaḷamat kon i monia? Totuubí, podudui in parenta-Ku dagat nobaḻí noingkag, ongkag mita binaḻí-Ku padang gurun, nodapot in toyá mita minatoi bo nobódon in ḷandig.

YESAYA 50:2 Mawu Ofanana

KINOBAḺIAN 18:14

Eta oyúon in diá komampuan i Tuhan aidan? Ná inta pinoguman-Ku koina, siowpa nobuḷan Akuoi in mobui mangoi kon naa. Bo kon dodai intua ki Sara in mopononggadídon in adí ḷoḷaki.”

TAWARIKH 2 32:15

Dikabí pomayá mako in datumu tatua mongakaḷ bo monguboḷ kon i monimu! Dika mopirisaya kon inia! Sin diábí kon dodai onda in dewa in bangusa taondaka in mokomampu mopoḷuat in bangusanea nongkon kawasa in datu in Asyur. Notantú bidon kon dewamu tua in diábí doman mokopoḷuat kon i monimu!”

MAZMUR 106:9

Podudui kon parenta-Nea Dagat in Gelagah noingkag, Sia in nodia kon umat-Nea minayá nongin dagat, naonda bo minaya-mayá nongin padang gurun.

MAZMUR 107:33

Ongkag mita binaḻí-Nea padang gurun bokaká binaḻí-Nea butá noingkag.

IḶUAIAN 14:21

Bo ki Musa in notundúdon kon dagat, bo binaḻídon i Tuhan tompot in pomukaan nogirup noropot totok nodapot in tubig in dagat noondir. Tonggobii tua tompot tatua umuran nogirup, bo nomaḷui kon dagat nobaḻí butá inta noingkag.

IḶUAIAN 14:29

Táe naonda intau Israel iḷumoḷan kon dagat, mosia in minayá kon apad in dagat inta noingkag, bo tubig nobaḻí dinding kon dotá in koḷoigi bo koḷanan.

IḶUAIAN 7:18

Toyá mita kon bonunea in matoi, bo ongkag tanaa in mobongkogdon, dá bangusa in Mesir diá motaau monginum nongkon tubig tanaa.’ ”

IḶUAIAN 7:21

Toyá mita kon bonu in tubig tatua minatoi, bo totokdon in nobongkog, nodapot in intau mita in Mesir diá motaau monginum nongkon tubig tatua. Kon butá in Mesir komintandon oyúon in dugú.

AMSAL 1:24

Moiko in inoiníkudon, táe doí mokidongog in moiko bo diá mopandungmai.

YESAYA 11:15

Ki Tuhan in monggiotbí kon Ḷuok in Suez. Baḻíon-Nea in tompot mopatú mogirup dá Ongkag in Eprat mobaḻí pitu notanga in tubig inta mobabow, bo batúan in intau mokoḷoḷanbí kon tua takin momaké in aip in sioḷ.

YESAYA 19:5

Tubig in Ongkag in Nil in gimiotbí bo koonggotannea moingkag.

YESAYA 23:11

Ki Tuhan ain nopoyopa in ḻima-Nea kon ḻimonikan in dagat bo mopoḷabúdon kon dodatuan mita. Sia in nomarenta sinbá poḷoḷukadan mita kon Penisia in yompatondon.

YESAYA 36:20

Dewa degá táonda in nokoimontan nopoḷuat kon ḻipúnea nongkon kawasaku? Umpaka dá ki Tuhan in mokoposaḷamat kon Yerusalem!’ ”

YESAYA 41:28

Kon tungkuḷ in sinayak-Ku kon sigad in dewa mita, diá tobatúmai in motaau mobogoi in topotundú, diá in mokotubag.

YESAYA 42:15

Buḷud bo tombuḷudnea in baḻíon-Ku moḷogat, bayongan in pinomuḷanea iḷaḷowan-Ku. Ḷopá mita in ongkag binaḷuian-Ku nobaḻí padang gurun, Bayongan in danow iningkagan-Ku.

YESAYA 43:16

Ki Tuhan in nomiadon kon daḷan tobatú nongin dagat, nongin tubig inta nobokoḷ.

YESAYA 44:27

Akuoibí inta noguman kon apad in dagat: Kogiotdon! Moibog in Akuoi monggiot kon ongkagmu mita.

YESAYA 51:10

Iko doman inta nogingkag kon dagat, tubig in baḷangon inta modaḷom. Iko in nomia kon daḷan nongin tubig tatua, sinbá intau mita inta posaḷamaton motaau ḷumoḷan.

YESAYA 54:6

Israel, iko in naonda bo buḷoi bobay inta nobagupa inta nokuyang in gina popisí in sinaḷáan i buḷoinea. Táe ki Allah in nogoiní bui kon inimu bo noguman,

YESAYA 59:1

Dika morai kon ki Tuhan in moiḻiudon in yangkó in moposaḷamat kon i monimu, andeka bongoḷan totok in mokidongog kon kuanimu.

YESAYA 59:16

Noherang in Sia kon diádon in mamangoi bo diá in moduḷu. Dá nomaké in Sia in kawasa-Nea tontaní sin moposaḷamat bo mobogoi kon i monia in kountungan.

YESAYA 63:13

Kon onda in ki Tuhan inta nodia kon i monia minayá nongin tubig inta noḻinow? Naonda bo kabaḷo nongin padang gurun, mosia in diábí kon dodai in onda in noipintud.”

YESAYA 64:6

Kami komintan in intaubí mita inta nonajis, nodapot in aid nami inta mopiapa in diá nodarit bo nokotor. Kami in moputúdon popisí in aid nami moraat naonda bo daun noingkag pinoḷayug in tompot.

YESAYA 65:12

Moiko komintan in matoibí mita mobaḻí kuruban in aid moraat. Sin, kon dodai in Akuoi nogoiní, moiko in doíbí sinumubag, bo kon dodai in Akuoi nosingog, moiko in doíbí nokidongog. Moiko in moibo-ibogbí moḷawang kon i-Nakó bo mogaid kon inta moraat.

YESAYA 66:4

Tuamai Akuoi doman in mogaidbí kon onu in koibog-Ku bo mopouma kon i monia in bodito mita inta koondok monia. Sin kon tungkuḷ in Akuoi nogoiní, diá in notubag; kon tungkuḷ in Akuoi nosingog, diá in nokidongog. Mosia in moibo-ibogbí moḷawang kon i-Nakó bo mogaid kon inta moraat.”

YEREMIA 14:9

Nongonu sin Iko in naondabí bo intau inta notoboḻingo; naonda bo pahlawan inta diá mokotuḷung? Táe notantúbí kon Iko in naa kon yua-yuak nami, Tuhan! Kami in umat-Mu, dikabí taḷaan-Mu in kami!’ ”

YEREMIA 35:14

Ki Yonadab in nogimaḷow kon buínea in monginum kon anggur, bo mosia in motoindudui kon imaḷow tatua. Nodapot in singgai naa diá tobatúmai in intau nongkon i monia in nonginum kon anggur. Táe Akuoi in tantúbí mosingog kon i monimu, bo moiko in doí mokidongog.

YEREMIA 35:15

Tantúbí in Akuoi mopotabá kon i monimu in bayongan mogogundoi-Ku nabi mita, bo mosia in nonongginadon kon i monimu kon bá monombaḷui kon oaidmu bo mogogai in mogaid kon inta moraat. Mosia in mobogoi in toingat kon i monimu sinbá diá mosumba kon ilah mita ibanea bo diá doman mogundoi kon i monia, sinbá moiko in umuran motaau mogutun kon butá tanaa inta ain inogoi-Ku kon inimu bo kon mogoguyangmu. Táe moiko in doíbí moindoimai bo doí mokidongog kon i-Nakó.

YEREMIA 5:1

Ei intau in Yerusalem, tutuiaidon in daḷan mita kon kotamu mita! Tayakdon kon bayongan tampat, bo sakusiaidon tontaní. Pirikisadon kon rawang mita in kotá mongo oyúonpa in intau motuḻid inta moḷongasi mokopotoindudui kon i Allah. Aka oyúon, dá ki Tuhan in mongampungbí kon Yerusalem.

YEREMIA 7:13

Umpaka mopobui-buimai in Akuoi mosingog kon inimu, moiko in doíbí mokidongog. Moiko in mogaidbí kon bayongan in dosa tatua, bo doí tumubag aka oiníon-Ku.

YEREMIA 7:27

Onda intua ki Tuhan in noguman, “Tuamai, ei Yeremia, umpakabí iko mopotaau kon tua mita kon umat-Ku, yo mosia in diábí mokidongogmai kon singogmu mita. Umpaka iko mogoiní kon i monia, mosia in doíbí tumubag.

YEREMIA 8:6

Inindongogan-Kudon kinopia, táe moiko in diábí nosingog noitutui. Diábí tobatúmai in kon sigad monimu in nomanasaḷ sin nogaidon kon inta moraat. Diábí in moguman, ‘Onu in taḷáku?’ Moiko komintan in dinumudui kon daḷanmu tontaní naonda bo kabaḷo nonubu kon pinoparangan.

DANIEL 3:15

Yo, tanaa, moibog degá in moiko dumokó bo mosumba kon patong tatua kon dodai in musik posingogon? Aka moiko doí, yo moiko in baḷúdon pogonag kon bonu in tuḷú inta kodoko-dokot. Bo dewa degá táonda in mokoposaḷamat kon i monimu nongkon kawasaku?”

DANIEL 3:29

Tuamai in akuoi in momarenta kon bayongan in intau nongkon bangusa, inanakan andeka bahasa onuka, inta moningkuḻe kon i Allah inta sinumba i Sadrakh, i Mesakh bo i Abednego, yo pongko-pongkóonbí bo baḷoinea in umpagon bo baḻíon bonturungan in apug. Sin diábí in dewa in mokoaid kon onu inta inaidan i Allah tatua.”

DANIEL 6:20

Kon tungkuḷ in modiugpa mobayag nobangondon in ki datu bo iḻimikat minayá in angob in singa.

DANIEL 6:27

Pogumankudon kon bayongan in intau inta kon bonu in kawasa in dodatuanku sinbá motoguondok bo mohoromat kon i Allah inta sinumba i Daniel! Sia in ki Allah inta nobiag mononoi, modapot in singgai kopaḷutan in dunia Sia in momarenta. Dodatuan-Nea in diábí moyopú. Kawasa-Nea in diábí modai-dait.

HOSEA 11:2

Táe kokakit-kokakit in oiní-Ku kon i adí-Ku tatua koyayú-koyayú domandon in sia kon i-Nakó. Sia in nodia kon kuruban bo notubá kon kamania kon i Baal bo dewa mita ibanea.

HOSEA 11:7

bo tumontogat kon monaḷámai kon i-Nakó. Dá mosia in kodorotanbí, táe diábí in mopoḷuat kon i monia umpakabí mosia momaḷú mokituḷung.”

NAHUM 1:4

Sia in nongguak kon dagat bo nobaḻí nogiot, bayongan in ongkag iningkagan-Nea komintan. Buḷud in Karmel bo rawang mita kon Basan nobaḻídon noḷogat bo kon Libanon noḷaḷowdon in bayongan bungang.

HABAKUK 3:8

O Tuhan, popisí degá in dagat bo sinumorú in Iko? Ongkag mita degá in nokopopisí kon ini-Mu sinumorú? Sinakoian-Mu in goḷom naonda bo kabaḷo bo kereta in parang, kon dodai in umat-Mu pinountung-Mu.

PINOGIAPAN 11:23

Tubag i Tuhan, “Diábí in moiḻiu kon kawasa-Ku! Ḷagi bidon ontongonmu kon onu inta siningog-Ku tua in totu-totuubí kon mobaḻí andeka diá!”

MARKUS 4:39

Dá nobangondon in ki Yesus bo nongguak kon tompot tatua poḷat noguman kon danow tatua, “Kibio-biómaidon, kooyongdon!” Dá tompot nogogaidon, bo danow noḷonongdon totok.

YOHANES 1:11

Sia in namangoi in dunia inta pinomia-Nea tontaní táe intau mita kapunyaan-Nea tatua in doí motarima kon i-Nia.

YOHANES 3:19

Naa in mobaḻí dodoyonan ponuntutan kon inia: Bayag ain namangoi in dunia naa, táe sindipbí in koibo-ibog in intau, sin moraat in oaid monia.

YOSUA 3:16

dá kon dodaipa doman tuata torú in tubig tatua nobontow. Nongkon uḷuan in tubig noyayú in kinosipunan tubig, tubig nosipun kon Adam, kon kotá tobatú inta kon ḻimako in kotá in Sartan. Tubig inta kon sioḷan inta noiḻig ná Laut Mati nobontowdon, dá umat in Israel iḷumoḷandon kon butá noingkag noyogintayowan in kotá in Yerikho. Imang mita inta nomotaan kon Poti Dodandian tatua umuranpabí sinimindog mako kon yua-yuak in ongkag tatua nodapot in bayongan umat in Israel noiḷoḷandon komintan.