YESAYA 5:7 - Alkitab Singog In Mongondow Masa In Tanaa

⁷ Sin gobá in anggur i Tuhan Inta Totok in Mokawasa in umat in Israel, bo intau mita in Yohuda in pangkoi in anggur inta pinomuḷa-Nea. Kon i monia iharap-Nea mako in aid inta moadil, táe tongábí aid moraat. Kon bonu in kamang-Nea mosia in moposindogbí in inta mobanar, táe tongábí oyúon in karak moigum kon koadilan.

YESAYA 5:7 Mawu Ofanana

KINOBAḺIAN 4:10

Bo ki Tuhan in noguman, “Nongonu sin iko in nogaidbí kon soaḷ inta mokoondok natua? Dugú i ai-aimu in nokuani kon Inakó nongkon butá, naonda bo singog inta nomaḷú mokituḻí.

SAMUEL 2 7:10

Apa doman, kon umat-Ku Israel aindon pinosadiaan-Ku kon tampat bo pinoki utunan-Kudon motantú in mosia kon tua, sinbá mosia in mokorasadon kon kobiagan inta mopia, diádon tuyayowon bui. Nongkon kinoangoian monia kon butá tanaa koḻipod, bo dinuí-Kudon in itoi mita kon i monia, mosia tantú tubuon in intau mita inta mongoromú, táe tua in diá bidon mobaḻí bui. Akuoi in modandi kon iko in moiḷuat bidon nongkon bayongan musung, bo Akuoi in mobogoidon in buí kon inimu.

AYUB 34:28

Mosia in nokopopisí kon inta nobogá morogamui ombaḷ monia inindogogan i Allah.

MAZMUR 147:11

Mopia in gina i Tuhan kon intau inta motoguondok, kon intau inta umuran mongamang mako kon tabi-Nea.

MAZMUR 149:4

Ki Tuhan in moibog kon umat-Nea; pinountung-Nea in intau inta moompá in dodia.

MAZMUR 80:15

O Allah Inta Totok in mokawasa, angoidon bui, bobuidon nongkon soroga bo taridiaidon in umat-Mu.

IḶUAIAN 3:7

Bo ki Tuhan noguman, “Inontong-Kudon in roriga in umat-Ku kon Mesir, bo dinongog-Ku domandon in mosia mopoigum sin poḷúat nongkon pinononggataan kon i monia. Ain bidon kinotaauan-Ku in roriga monia.

AMSAL 21:13

Ki ine in doí mokidongog kon amui in intau inta kinodaitan diábí doman pandungonmai aka sia in mopoigum in totuḷung.

MOHOHUTUBA 4:1

Onda intua sinaridianku bui in bayongan aid diá moadil inta nobaḻí kon dunia naa. Intau mita inta iroriga nongombaḷ bo diá in moibog motuḷung, popisí in intau mita inta mopororiga tua in kokawasa moḷoben.

DONDONG MOḶANTUD 7:6

Totuu moḷunat in iko uḻeku, inta kinotabi kon sigad inta kinosanang.

YESAYA 1:21

Kotá inta koḻipod motoindudui, tanaa mako in nádon onda bo sundaḷ tobatú! Dungkuḷmai bayongan in intaunea in moadil bo mojujur, táe tanaa in pinogutunandon in moḷoḻimod mita.

YESAYA 1:6

Nongkon uḷu nodapot kon paḷad in sioḷ diádon in nopia in kon awakmu. Moiko in nopuḻingdon in bobagá mita, inumuḷo-uḷow bo paḻí mita. Paḻímu mita tatua in diápa dinaritan andeka binakut, diá doman inundaman in ḷana.

YESAYA 27:2

Kon dodai intua ki Tuhan in moguman, “Podondongdon soaḷ gobá in anggur-Ku inta mogaga.

YESAYA 3:14

Ki Tuhan in mobaḻí hakim kon itoi mita in umat-Nea. Naa in ponapud i Tuhan kon i monia: “Moiko inta nogagow kon bungai in anggur kon gobá mita; baḷoimu nopuḻing in pakakat inta inagow monimu kon intau bogá.

YESAYA 3:15

Nongonu sin moiko in mondorotbí kon umat-ku bo momakisa mogamá kon kapunyaan in intau bogá? Akuoi, ki Tuhan Inta Totok in moḷantud bo Totok in mokawasa ain noguman.”

YESAYA 3:17

Táe Akuoi in mohukumbí kon i monia; uḷu monia in mopuḻingbí in paḻí bo ḷogatan.”

YESAYA 30:12

Tuamai Allah mokudus in Israel moguman nanaa, “Moiko in doí motarima kon tosingogon-Ku bo mopongata in aid mondorot bo mouboḷ.

YESAYA 46:12

Indongogaidon in Akuoi, ei intau mita moḷoḷatú, moiko inta noguman kon kauntungan in noyayúpabí.

YESAYA 5:2

Sia in nomasoḷ kon butánea bo moḷumbú kon batunea mita. Pinomuḷanea in anggur inta notompiḻí pinosindognea in ḷangkeang poḷoḷukadan. Pinongaḻiannea kon bubú tobatú pomomugutan kon anggurnea, bo nogoḷat in sia kon bungainea moḷutú, táe nomungai in sia in bungai in anggur inta noirat.

YESAYA 59:13

Kami in nonguboḷdon bo nomarontak kon i Tuhan, bo doí dumudui kon i Allah nami. Kami in nondorotdon kon intau ibanea bo nobaḷui in raian; raian nami in noiḷaḻedon, bo tosingogon mita nami in uboḷ.

YESAYA 59:14

Hukum inta moadil in pinosídon, bo inta moadil in pinoyayúdon. Aid motuḻid in diádon pinandungmai kon tampat mita poyoyodungkuḷan, bo gina motuḻid in diádon pinandungmai.

YESAYA 59:4

Moiko in nopongadu in pelekara takin diá in dodoyonan bo nohakim takin diá moadil. Moiko in nonguboḷ bo mopongata kon inta diá in mangaḻenea, moiko in momia kon tomayá sin mopobodito kon intau ibanea bo mogaid kon inta moraat.

YESAYA 62:5

Naonda bo tayow mobiag tobatú inta nongantang kon mongodeaga, natuata in momomaḻímu in mononibuḷoi kon inimu. Naonda bo nonikaan tobatú mopia in ginanea in nokoontong kon i buḷoinea bobay, natuata in ki Allah mopia in gina-Nea kon inimu.

YEREMIA 12:10

Nobayong in mongongawasa ango-angoi in nomoguyaatdon kon gobá in anggur-Ku bo noruntai kon gobá-Ku mita. Ḻipú-Ku inta mogaga binaḻí monia padang gurun inta moingongow.

YEREMIA 24:2

Karansi inta dungkuḷ in binonuan in bungai in ara inta mongopia, ná bungai in ara inta pinomungai dungkuḷ, bo karansi inta nogindua binonuan in bungai in ara inta nongoburuk, dá diá motaau kaanon.

YEREMIA 50:46

Aka Babel moḷabú, yo kodongogandon in dowawá inta motoyang totok dá sinangkub in dunia modandú; karak mita in intaunea in kodongogan in bangusa mita ibanea.”

YEHEZKIEL 22:29

Intau mita nooyúon monompobaḻik bo mogagow. Pomiaan monia ibo-ibog in intau bogá bo motayak kon kauntungan kon intau ango-angoi.

HOSEA 10:1

Israel in naonda bo pangkoi in anggur inta nomungai nodatog. Kodugang-kodugang in kaoyúonannea, kobayong-kobayong domandon in mezbah pomiaannea. Kotomoman-kotomoman in kobobiagnea, kogaga-kogaga doman in pomiaannea in tugu mita in berhala inta sinumbanea.

MIKHA 6:12

Intau mita inta nooyúon kon kotámu in mondorot kon intau nobogá, bo moiko komintan in mongopopak.

MIKHA 6:8

Diá! Ki Tuhan in noponiatadon kon i naton onu inta mopia. Igum-Nea kon i naton in tongábí mopoaid in inta moadil, umuran moponiata in totabian, bo takin ompá in gina mobiag motobatú takin i Allah naton.

HABAKUK 1:3

Nongonu sin tongábí pomayá-Mu mako in akuoi in mokoontong kon námai tua in kobayong in aid moraat? Yo umpaka dá mokotahang in Iko in mokoontong kon námai tua in aid diá moitutui? Kon bayongan in tampat oyúon in porimumudan bo aid motontogat, poropatoian bo yogenggengan.

ZEPANYA 3:17

Moiko in iḷukadan i Tuhan Allahmu inta motorindog. Moiko in mountung popisí in kawasa-Nea. Mopia bo moḷunganga in gina i Tuhan sin moiko, kon bonu in tabi-Nea moiko in mobiag mobagu.

MATIUS 23:23

Koboditodon ei moiko mototundú kon agama bo intau mita in Parisi! Ei moiko in intau mita inta mongomunapik. Pododungú in pogamaan monimu kon mopuḷú noporosen, tongá inta moponting totok kon bonu in hukum i Musa ḻiongon monimu.

LUKAS 18:7

Umpaka yo diá tuḷungan i Allah in intau inta ain piniḻí-Nea bo inta umuran doman mokuani kon i-Nia doḷom bo singgai? Umpaka yo onggo-onggotan-Neapa in wakutu-Nea motuḷung kon i monia?

YOHANES 15:2

Pomuḷoi in tanga kon i-Nakó inta diá momomungai, pongkóon-Nea, bo pomuḷoi in tanga inta momungai, gaatannea in daunnea bo daritan-Nea sinbá modugangdon modatog in bungainea.

ULANGAN 15:9

Dika in iko doí mopoḷuan kon inia poḷat moguman kon taong pomopatan kon boḻi motoyongdon. Dika pomayá mako in raian moraat natua mongawasa kon ginamu. Aka moiko doí mopoḷuan, intau tatua in mokuanibí kon i Tuhan sin mopongadu kon i monimu, dá moiko in poniatadon kon kotaḷá.

YAKOBUS 5:4

Diá inuboḻian monimu in gaji in intau mita inta nogaid kon gobámu. Tanaa indongogaidon in amui monia! Intau mita inta nosipun kon hasil in gobámu, kinumarak nokituḷung bo karak monia tua ain kinodongogan i Allah, Tuhan inta Totok in Mokawasa.