YESAYA 5:26 - Alkitab Singog In Mongondow Masa In Tanaa

²⁶ Ki Tuhan in mogoiníbí kon bangusa inta moyayú bo mosia in ḻimikatbí in mamangoi!

YESAYA 5:26 Mawu Ofanana

MAZMUR 60:4

Iko in nodandú kon butá dá noḷau; tompiadon in inta nongobotak, popisí in butá nodandú.

MAZMUR 72:8

Dodatuannea in modugang nongkon dagat mopobayá in dagat, moibandang nongkon pomukaan dapot in toyopan.

YESAYA 10:3

Onu in pomiaan monimu kon singgai ki Allah mohukum kon i monimu? Onu in aidanmu kon dodai in Sia mopoangoi in anib nongkon ḻipú inta moyayú? Ki ine in pokituḷungan monimu? Kon onda in pobunian monimu kon kaoyúonanmu tatua?

YESAYA 11:12

Ki Tuhan in mopoponikbí in bandera kon bangusa mita. Tuata in nobaḻí tomponuot kon Sia in mosipun bui kon bangusa in Israel bo Yohuda inta noirarit kon bayongan dunia bo modia kon i monia mobui.

YESAYA 13:2

Pokerabdon in bandera mita in parang kon tudu in buḷud inta noḷogat! Pokuanidon kon tontara mita, bo tonggódon in kokaḷmu sinbá mosia in monubu kon bonawang mita in kotá inta moḷoḷatú tua.

YESAYA 13:3

Ki Tuhan ain nogoiní kon intau mita inta ain sinokopiḻí-Nea. Mosia in motorindog, mopirisaya kon ropot monia bo motaau pongata. Ki Tuhan in nopotabá kon i monia mohukum kon intau mita inta kinotugatan in torú-Nea.

YESAYA 13:4

Indongogaika in dowawá kon buḷud, ná singog in pinosipunan in intau inta totok in mobarong. Indongogaika in dowawá in dodatuan mita bo bangusa mita inta noyosipun. Ki Tuhan Inta Totok in mokawasa in nonaridi kon tontara mita in parang.

YESAYA 13:5

Mosia in namangoi nongkon ḻipú mita inta noyayú kon popod mita in dunia. Kon bonu in torú-Nea ki Tuhan in nomaké kon i monia sin moyopú kon sinangkub in dunia.

YESAYA 18:3

Ei, moiko komintan inta nogutun kon dunia! Tondudut aka bandera mita pinopoponikdon kon tudu in buḷud mita! Indongogaidon aka torompet inirupdon!

YESAYA 30:16

Nodapotbí in moiko nomiabí kon tomayá sin moḷagui nongkon musung tumakoi kon kabaḷo inta moḻikat. Mopia! Totuu moiko in mustibí moḷagui! Kai monimu kamai dá kabaḷomu tua in tugatbí in koḻikatnea, bokaka mogogaḷumubí in moḻika-ḻikat nongkon i monimu.

YESAYA 31:9

Datu monia in moḷagui takin ondok, bo itoi in tontaranea mita in totokdon in moitaḻikokog, dá taḷaandon monia in bandera mita in parang.” Ki Tuhan ain nosingog, ki Tuhan inta sinumba bo ihoromat pinongin nobogoi in kuruban payongon kon Yerusalem.

YESAYA 39:3

Onda intua ki Nabi Yesaya minayá nokipodungkuḷ kon i Datu Hizkia bo noḻibó, “Nongkon onda in intau mita tatua? Onu in pinoguman monia?” Ki Hizkia in notubag, “Mosia in nongkon Babel, butá moyayú.”

YESAYA 7:18

Kon tungkuḷ intua ki Tuhan in mogoiníbí kon intau in Mesir bo intau in Asyur, bo bangusa doyowa tatua mamangoi naonda bo paanan in ḷangow bo pasukan inta noḻibut kon oyuk mita noirib bo sigad mita in batu karang. Mosia in momumbunbí kon batúan in bo bonganga bo bayongan in tampat inta ḻimbuyun.

YEREMIA 4:13

Indoiai, musung in moitukat ná goḷom. Kereta mita in parangnea in naonda bo deḷang, kabaḷonea mita in moḻika-ḻikat nongkon ḷagapan boniá. Ado, mobodito in kita! Moputú in kita!

YEREMIA 5:15

Ei umat in Israel, ki Tuhan in tayo-tayowdon in mopoangoi in bangusa tobatú nongkon ḻipú moyayú sin monubu kon i monimu. Bangusa tatua in oyúondon nongkon dungkuḷpabímai, singognea in diábí komangaḻean monimu. Mosia in moropot totok,

YEREMIA 51:27

“Ei datu nongkon utuan! Ogoiaidon in tomponuot monubu! Irup in torompet sinbá bangusa mita in mokodongog! Potabá in bangusa mita moparang monayow kon Babel! Potabá in dodatuan Ararat, Mini bo Askenas monubu. Duí in panglima tobatú sin mobaḻí itoi kon ponubuan tatua. Oinídon in kabaḷo ná kobayong in paanan in pangkoḷá.

OMBAḶ 4:19

Mogogaḷow kon inami in totokbí in moḻikat koḻikatnea in noiḻiu kon ḷagapan boniá. Mosia in nondudur kon inami kon buḷud, bo noḷabot kon inami kon padang gurun.

YEHEZKIEL 38:17

Kinotaauan bidon kon soaḷ iko dungkuḷmai in muna bidon pinotaau-Ku pinongin mogogundoi-Ku mita nabi mita in Israel? Sinoḷanow bidon monia kon singgai moiduduimai Akuoi in mopotabábí kon intau tobatú sin monubu kon Israel. Akuoi ki Tuhan Inta Totok in moḷantud ain nosingog.”

YOËL 2:7

Naonda bo pahlawan, mosia in nonubu, bo noponik kon dinding naonda bo pojuang. Mosia in nopipid notuḻid ná muna, bo diábí momurow andeka tumabat kon bayáan.

HABAKUK 1:8

Kabaḷonea in moḻika-ḻikat in macan tutul, bo moromu-romú nongkon serigala inta gogoyon. Tontaranea mita inta tumakoi kon kabaḷo in mamangoi nongkon butá mita moyayú; mosia in mamangoi naonda bo boniá inta mondagit kon kokaanonnea.

ZAKHARIA 10:8

Umat-Ku in oiníon-Ku bo sipunon-Ku tobatúon. Mosia in poḷuaton-Ku bo baḻíon-Ku mobayong ná dungkuḷmai.

MALEAKHI 1:11

Akuoi in ihoromat in bangusa mita kon sinangkub in dunia. Kon ondaka tubáan monia in kamania sin mohoromat kon tangoi-Ku bo moposumba in kuruban inta patus, sin bayongan in bangusa in mohoromatbí kon i-Nakó!

ULANGAN 28:49

Bangusa tobatú inta diá komangaḻean monimu in tosingogon monia popoangoi i Tuhan nongkon toḷosimai sin moḷawang kon i monimu. Ná ḷagapan boniá in mosia monampí kon i monimu.