YESAYA 5:24 - Alkitab Singog In Mongondow Masa In Tanaa

²⁴ Moiko in nondoídon kon totundú i Tuhan Inta Totok in mokawasa, bo noningkuḻe kon parenta i Allah inta mokudus in Israel. Tuamai, ná onda bo wawa bo bonok noingkag nodait nopokak kon bonu in tuḷú, natua doman in uakatmu mita mobongkogdon, bungangmu mita moingkag bo modait irupon in tompot.

YESAYA 5:24 Mawu Ofanana

DATU MITA 2 19:22

Kinotaauanmu degá mongo ki ine in sinibáanmu bo pinopoompámumai tatua? Akuoi, Allah in Israel, Allah inta motusi! Mokaḷakuang totok in dodiamu kon i-Nakó.

NEHEMIA 9:26

Táe umat-Mu in nomarontak bo diá motoindudui kon ini-Mu, nonaḷámai kon hukum bo atorang-Mu, noḻimod kon nabi mita inta nopotoingat kon i monia, bo inta nopotabá kon i monia mamangoi bui kon ini-Mu, ki Allahnea. Oo Tuhan, pomuḷoi doman mako Iko in singkuḻeon monia,

AYUB 18:16

Uakatnea mita in noingkag bo noḷaot; tanganea mita noingkag bo noḷaḷow.

AYUB 8:17

Uakatnea in moikeket kon batu mita kon butá; moikeket totok, diábí mogampang motundan.

MAZMUR 50:17

Sin iko in doí mokidongog kon toboḷow-Ku, bo mondoí kon parenta-Ku mita.

IḶUAIAN 15:7

Takin kawasa-Mu inta moḷoben iyompat-Mu in bayongan inta momusung kon ini-Mu. Torú-Mu nodokot ná tuḷú, bo nomokak kon i monia naonda bo pangkoi in payoi.

IḶUAIAN 5:12

Dá minayádon intau Israel noḻibu kon bayongan butá in Mesir sin mosipun kon wawa.

YESAYA 1:31

Naonda bo wawa nopokak tongá popisí in rosik in ḻigatu, natua doman in intau mita nongawasa in yopúon in oaid mita moraat monia tontaní, bo diábí in motaau mongampai kon korimumudan tatua.

YESAYA 1:4

Moboditodon in moiko bangusa inta binaradosa, intau mita inta moromú bo moraat! Moiko nion in noitampuḻisi popisí in dosamu mita. Moiko in nondoídon kon i Tuhan bo nonoḻikudon kon i Allah Inta Totok in motusi inta musti sumbáan monimu.

YESAYA 24:6

Tuamai in ki Tuhan ain nongutuk kon butá bo nohukum kon intaunea popisí in aid monia. Mosia in pinokak bo tongá topiḻik in nongkon i monia in nosaḷamat.

YESAYA 26:11

Tuhan, Iko in nogoḷatdon mohukum kon musung-Mu mita, táe diábí kinotaauan monia. Pomayádon mako mosia in mooyá in mokoontong kon tabi-Mu kon umat-Mu. Pomayádon mako modait in mosia moyopú pongin hukuman inta ain pinopooḷat-Mu mako kon i monia.

YESAYA 30:12

Tuamai Allah mokudus in Israel moguman nanaa, “Moiko in doí motarima kon tosingogon-Ku bo mopongata in aid mondorot bo mouboḷ.

YESAYA 30:9

Sin, mosia tua in bangusa inta moibog momaḷawang kon i Allah, moibog monguboḷ bo diá kon dodai in onda in moibog mokidongog kon totundú i Tuhan.

YESAYA 47:14

Indoiai, mosia in naonda bo wawa inta kinaan in tuḷú; diábí in mosia mokoposaḷamat kon awak monia tontaní! Dokot in tuḷú tatua totuubí mopatú kon i monia, deemanbí tuḷú mointok inta mopia ponayangan.

YESAYA 7:9

Israel in diábí morop-ropot nongkon Samaria, ibukotánea, bo Samaria in diábí moropo-ropot nongkon i Datu Pekah. Aka moiko diá totu-totuu mopirisaya kon i-Nakó,, notantú bidon kon moiko in diábí mokotongod.”

YESAYA 8:6

Guman-Nea, “Bangusa tanaa nondoí kon tubig inta moḷonong nongkon Tapá in Syiloah, bo nosanang takin ki Datu Rezin bo ki Datu Pekah.

YESAYA 9:18

Ki Tuhan Inta Totok in mokawasa sinumorú totok, bo hukuman-Nea in naonda bo tuḷú inta moborambang bo bangusa tatua in kayu inta pinondudub inta nodaitnea kinaan. Diábí tobatúmai in intau in motabi kon i utatnea.

YESAYA 9:19

Kon sinangkub in butá tatua mosia mogagow bo mokaan kon onukabí in motaau kaanon, táe diábí in mosia mokorasa kon mobotug. Nodapotbí in mosia mokaan kon topotakin mita monia tontaní!

YEREMIA 6:19

Taridiai, ei butá! Umat-Ku in doíbí motarima kon totundú-Ku bo diá motoindudui kon i-Nakó. Mobaḻí bungai in tomayá monia in popoangoi-Ku in inta mokororiga kon i monia.

YEREMIA 8:9

Intau mita mongopandoi kon yua-yuakmu in pokopooyáanbímai. Mosia in koinggamáan bidon in akaḷ bo moibaaḷ. Mosia in doíbí mokidongog kon tonggina-Ku; tanaa, kobobijak onupa inta oyúonpa kon i monia?

YEHEZKIEL 15:6

Tuamai ki Tuhan Inta Totok in moḷantud noguman, “Naonda bo pangkoi in anggur inta ginamá nongkon kayuon bo sinubá natua doman in pogogaid-Ku kon intau in Yerusalem!

HOSEA 11:9

Iko in diábí hukumon-Ku kon bonu in torú-Ku; iko in diá bidon rimumudon-Ku bui. Sin Akuoi in ki Allah, deemanbí intau. Akuoi, Inta mokudus, kotaki-takinmu, bo doí bidon tumorú kon inimu.”

HOSEA 5:12

Tuamai in Akuoi in morimumudbí kon bangusa in Israel, bo moyopú kon intau in Yohuda.

HOSEA 9:16

Intau in Israel in hukumon-Kubí. Mosia in mobaḻíbí naonda bo pinomuḷa inta diá nomungai, bo inta uakatnea mita ain noingkag. Mosia in diábí mokouḻí kon adí; táe umpaka mosia kogadí, yo ḻimodon-Kubí in adí mita inta kinotabi monia tua.”

YOËL 2:5

Mosia in ḷumandu-ḷanduk kon tudu in buḷud, singognea in naonda bo koḷangká mako in kereta in parang bo naonda bo rosik in tuḷú inta nokaan kon wawa;. Mosia in nopipid naonda bo tontara inta motorindog, inta nosadiadon mayá moparang

AMOS 2:4

Ki Tuhan in noguman, “Intau in Yohuda ain nopobui-buimai binaradosa, tuamai in notantú bidon kon hukumon-Ku in mosia. Mosia in iḻimimpatdon kon parenta-Ku mita bo doí nopandungmai kon totundú-Ku mita. Mosia in pinoḷangkam in ilah mita ibanea inta sinumba in mogoguyang monia.

AMOS 2:9

Umpaka natua, ei umat-Ku, kon i monimubí Akuoi in noyompat kon intau in Amori inta moḷantud ná pangkoi in ḷokuyú bo moropot naonda bo pangkoi in terpentin.

NAHUM 1:10

Iko in tubáanbí naonda bo wawa inta noingkag naonda bo bonganga inta moyo-moyoguntuḷ.

MALEAKHI 4:1

Guman i Tuhan Inta Totok in mokawasa, “Moiangoibí in wakutunea bayongan in intau inta moḷoḷatú bo inta moraat in tubáan naonda bo wawa. Kon singgai tatua mosia in tubáan modait, bo diá in tonggagatan in kon i monia.

MATIUS 3:12

Digu ain kokada-kadai-Nea mako. Tampat posipunan kon gandum toko daritan-Neadon, gandum sipunon-Nea bo uaban, inta mopia tagúonnea kon tampatnea, táe bayongan pangkoinea in tubáan-Nea kon tuḷu inta diá mopio-piong.”

LUKAS 10:16

Bo ki Yesus in noguman kon murí-Nea mita, “Ki ine in moibog mokidongog kon i monimu, yo mosia tua i mokidongog doman kon i-Nakó. Táe ki ine in doí motarima kon i monimu, yo sia in doí doman motarima kon i-Nakó. Bo ki ine in doí motarima kon i-Nakó, yo sia in doí doman motarima kon i-Nia inta nopotabá kon i-Nakó.”

LUKAS 3:17

Digu kokada-kadai-Neadon sin poguaban kon gandum dapot in modarit. Gandum inta nodaritdon tontaníon-Nea bo tagúon kon tampatnea, táe bayongan pangkoinea in tubáan-Nea kon bonu in tuḷu inta diá mopio-piong!”

LUKAS 7:30

Táe intau mita in Parisi bo mototundú kon agama in doíbí notarima kon tomayá i Allah kon i monia. Mosia tua in doíbí binaptis i Yohanes.

YOHANES 12:48

Intau inta doí motarima kon i-Nakó, bo doí mokidongog kon singog-Ku, oyúonbí in mohakim kon inia. Singogbí inta ain pinoyaput-Ku tua in mohakim kon inia kon Singgai Ponantúan.

OUMAN IN RASUL MITA 13:41

‘Tarukira totok kopira, ei moiko intau mita inta mosingkuḻe! Moherangbí in moiko, bodongka matoi! Sin kon masa in tanaa Akuoi in mogaid kon oaidan inta diábí pirisayaan monimu, umpakabí oyúon intau in mopomangaḻe kon inimu.’ ”

ULANGAN 28:24

Ki Tuhan in diá bidon mopouyan in tubig, táe uyan bidon in ḷobud bo bungaion modapot in moiko modaitdon moyopú.

TESALONIKA 1 4:8

Tuamai ki ine in doí motarima kon singogku, yo deemanbí intau in bayowannea, táe ki Allahbí inta ain nobogoi in Roho-Nea mokudus kon i monimu in bayowannea.

SAMUEL 1 15:23

Sin moḷawang kon parenta i Tuhan notongkaibí in mosihir in koraatnea, bo gina inta mododia notongkaibí in koraatnea ná nosumba kon ilah ibanea, Popisí in ki Tuang Datu ain noḷawang kon parenta i Tuhan, dá diádon akúon i Tuhan kon ki Tuang in datu.”

SAMUEL 1 15:26

Táe ki Samuel in notubag, “Akuoi in doí bidon mobui mangoi moyotakin i Tuang Datu. Ki Tuang ain noḷawang kon parenta i Tuhan, bo tanaa mako in diá bidon akúon-Nea in ki Tuang saḷaku datu in Israel.”