YESAYA 5:20 - Alkitab Singog In Mongondow Masa In Tanaa

²⁰ Moboditodon in moiko inta monuui kon inta mopia bo inta moraat, inta mosindip bo inta mobayag, inta mopait bo inta moromimit!

YESAYA 5:20 Mawu Ofanana

AYUB 17:12

Táe totakinku mita in moguman, ‘Doḷom tua in singgaibí bo bayag in motoyongdon moiangoi.’ Tongá kinotaauankubí kon bonu in ginaku kon umuranbí mosindip in kaadaanku.

IḶUAIAN 23:7

Poyayú mako in moponapud in uboḷ bo donaai mokopopisí kon intau inta diá kotaḷá hukumon matoi, sin kodoí-Kubí in intau inta momia kon moraat natua.

AMSAL 17:15

Ki Tuhan in doíbí kon intau inta mopobanar kon intau moraat, bo inta mopotaḷá kon intau inta diá kotaḷá.

AMSAL 4:17

Aid moraat bo inta moromú in naonda bo kaanon bo inumon kon i monia.

YESAYA 24:9

Diádon in monginum kon anggur sindaḷan modondong, diádon in mokonanam kon kopia in oinumon inta mokoḷoḷangu.

YESAYA 29:21

intau inta moibog moponapud in uboḷ, intau inta moḷamboi kon intau moraat in hukumon, bo intau inta mongonguman magí mako kon ouman uboḷ sinbá intau motuḻid diá mokouḻí kon inta moadil.

YESAYA 30:10

Mosia in moguman kon nabi mita, “Kintum in bibig! Dika mopoguman kon inami onu in totuu, táe onubí in koibog nami indongogan. Pomayádon mako in kami umuran morai podudui in koibog nami.

YESAYA 32:5

Intau bodok in diá bidon anggapon intau ihoromat, bo intau mouboḷ in diá bidon tangoion motuḻid.

YEHEZKIEL 13:19

Moiko in nopoompámaidon kon i-Nakó kon tayowon in umat-Ku tongá bá mokouḻí kon tongonumai noyangkom in makoya bo tongonumai noputoḷ in roti. Intau mita inta diá kotaḷá, ḻimodon monimu bo intau mita inta patus matoi pinomayá mako monimu mobiag. Bo moiko in monguboḷ kon umat-Ku bo mosia in mopirisaya kon inimu.’ ”

AMOS 5:7

Moboditodon in moiko, moiko inta mopoyotuuy kon inta moadil bo mogagow kon hak in intau!

MIKHA 3:2

táe nouḻí magí kinodoí bidon monimu onu inta mopia, bo mopia in gina monimu kon inta moraat. Bangusaku in iningkuḻitan monimu sibiag, bo iyambit monimu in tapúnea nongkon tuḷannea mita.

HABAKUK 1:4

Hukum in diá pinandungmai bo inta moadil in diábí pinosindog. Intau moraat in moiḻiu kon intau inta mojujur, dá inta moadil in poyotuuion.

MALEAKHI 2:17

Binaḻí monimu in ki Allah mobú in mokodongog kon oumanmu. Táe moiko in moḻibó, “Yo naondabí in pinopobú nami in ki Tuhan?” Takin tosingogon, “Bayongan in intau inta nogaid kon inta moraat in inanggap mopia i Tuhan, bo kinoibog-Nea in mosia.” Andeka moḻibó, “Kon onda in ki Allah inta inanggap moadil tatua?”

MALEAKHI 3:15

Inontong bidon naton tontaní kon intau mita inta moḷoḷatú in moḷungangabí. Intau moraat in deemanbí tongá modugang motomoman, táe mosia in monungkuḷbí doman kon kososabar i Allah pongin aid monia moraat, bo mosia in moisimparutbí doman.’ ”

LUKAS 16:15

Dá siningog i Yesus in mosia, “Moiko in ontongon ná intau mongobanar, táe kinotaauanbí i Allah in kon bonu in gina monimu. Sin onu inta kinoibog in intau, tuata inta kinodoí i Allah.

ULANGAN 25:1

Umpamanea intau in Israel doyowa minayá kon pongadilan sin mopongadu kon pelekara, bo inta tobatú in pinoniata kon diá kotaḷá, bo ibanea in kotaḷá.

PETRUS 2 2:1

Koḻipod kon sigad in umat i Allah, oyúondon in intau mita inta mongaku nabi, táe deemanbí in mosia tua totuu nabi. Natuabí doman in mobaḻí kon sigad monimu, moiangoibí intau mita inta mongaku guru, táe onu inta tundúon monia tua in diábí totuu. Mosia in motundú kon uboḷ, sahingga intau inta mopirisaya kon i monia in mokouḻí kon hukuman. Bo mosia tua diá mopirisaya kon mongongawasa inta ain nopobebas kon i monia. Aid monia natua in mokobodito kon i monia tontaní, bo tua in diádon moonggot in moiantug kon i monia.