YESAYA 5:17 - Alkitab Singog In Mongondow Masa In Tanaa

¹⁷ Kon kinogoguyaatan in kotá ki adí in bembé bo domba in mokaan kon bonok bo diábí kodaitan in kaanonnea.

YESAYA 5:17 Mawu Ofanana

NEHEMIA 9:37

Bayongan in bungai in boyó kon butá tanaa musti ogoi kon datu mita. Pongawasa mita tatua dinuí-Mu mongawasa kon umat-Mu, nobaḻí hukuman kon dosa nami kon ini-Mu. Mosia in nomarenta kinooibogbí in ginanea kon inami bo bobiagon nami. Tuamai tanaa kami in mororiga, nopuḻingdon in roriga bo morobonoḷ in dodob!”

MAZMUR 119:70

Intau mita tatua in diábí nomangaḻe, táe kon inakó hukum-Mu in mokosanangbí kon gina.

MAZMUR 17:10

diábí kotaauan monia in motabi bo mododia in mosingog.

MAZMUR 17:14

Poḷuatdon in akuoi nongkon intau mita inta nosipun kon kapunyaan kon dunia. Hukumdon in mosia in bodito inta ain sinadia-Mu kon i monia. Pomayádon mako in ki adí bo ki ompu monia hukumon doman.

MAZMUR 73:7

Nongkon gina monia moiḷuai in moraat; mosia in tongábí tantú morai kon tomayá mita moraat.

YESAYA 1:7

Ḻipúmu ain iyompat; kotámu mita in nodaitdon sinurub. Koonto-ontongmu in intau ango-angoi mogamá kon butámu bo morimumud kon bayongan yagi-yagi.

YESAYA 10:16

Popisí in intau in Asyur ain dinumodia, ki Tuhan Inta Totok in mokawasa in mopoangoibí in yampoi in takit sin mohukum kon porwira mita inta mongotorindog. Mosia in ponikonbí in patú totok naonda bo tuḷú inta tantú momokak.

YESAYA 17:2

Kotá mita in Siria in taḷaandon modapot in mononoi bo nobaḻídon tampat in paanan in bobiagon; diábí tobatúmai in intau in moguntun kon i monia.

YESAYA 32:14

Nodapot in komaḻig in taḷaan bo ki iná in kotá inta morame mobaḻídon moingongow. Buḷud bo ḷangkeang mita poḷoḷukadan sinondodaidon in butá modapot in mononoi. Keledai mita ḻindong bo domba mita in modondaḷoi magí mako kon tua bo mokaan kon bonok kon tua.

YESAYA 40:11

Naonda bo gombala Sia in noḷukad kon paanan-Nea; Sia tontaní in mosipun kon i monia. Ki adí mita in domba koyotan-Nea, takin moḷukó in tosingogon Sia in modia kon i indenea mita.

YESAYA 65:10

Umat-Ku in mosumbabí kon i-Nakó; domba bo sapi monia in mokaanbí kon bonok kon rata in Saron bo kon Ḷopá in Akhor.

YESAYA 7:25

Bo butá kon buḷud inta biasamai tonggobaan bo ponompinomuḷaan in nopuḻing doman in bo bonganga, modapot in intau diádon mokobaḻí mayá intua. Butá tatua in tongádon mobaḻí pongongaanan in sapi bo domba.”

YEREMIA 5:28

bo moḷongó bo mobiag motompia. Aid monia moraat diá in imbuitnea. Mosia in diábí moadil kon pelekara in adí mita uno-unon, bo diá moduḷu kon hak in intau mita inta dinorot.

OMBAḶ 5:2

Kapunyaan budel nami in noiḷabú kon ḻima in intau ibanea, baḷoi mita nami in inutunan in intau ango-angoi.

HOSEA 4:16

Moiko, ei intau in Israel, totuu motogat in gina! Naondabí in poḷoḷukad-Ku kon i monimu naonda bo domba kon rawang in bonok?”

HOSEA 8:7

Umat-Ku in noponimboi in tompot dá mosia in mokoyutbí kon deḷang! Gobá in gandum monia in diábí dumarag, dá diábí mobogoi in topong kaanon. Táe aka gobá tatua bo dumarag doman, dá gandumnea in gamáanbí komintan in bangusa mita ibanea.

MIKHA 2:12

Ki Tuhan in noguman bui, “Ei umat in Israel inta ki agatneapa! Moiko in notantúbí kon sipunon-Ku bo tobatúon naonda bo domba inta mobui mangoi kon ḷantungnea. Naonda bo rawang in bonok inta nopuḻing in domba, natua doman in butámu in mopuḻingdon bui in intau mobayong.

ZEPANYA 2:14

Kon tua paanan in mahaḷuk bo bayongan in bobiagon umuḻid bo mogogai. Ḷagapan mita monikuḷu in monompugadon kon apug mita tatua bo kumarak nongkon jandela mita. Ḷagapan kawag in kumarak nongkon ngara in ḷoḻingkop. Kayu ḷokuyú kon bangunan mita in kotá tatua in daitonbí rabuton.

ZEPANYA 2:6

Butámu kon diug in dagat mobaḻí rawang in bonok; ḷuḷung mita in gombala bo kobang mita in domba in posindogon kon tua.

LUKAS 21:24

Oyúon in ḻimodon, oyúon doman in diaan saḷaku intau inta dinakop bo pobayá in ḻipu-ḻipúannea; bo intau inta diá mopirisaya momoguyaat kon Yerusalem modapot mopaḷut in wakutu inta sinantú i Tuhan kon i monia.”

ULANGAN 28:33

Bangusa ango-angoi in mogamádon kon bayongan bungai in boyómu inta nouḻí monimu takin iyumoyiga in nogaid, táe moiko tontaní in diábí mokouḻí kon onu bo onu koḻikudbí in umuran tonggataan bo popoaidan monia in aid moraat.

ULANGAN 32:15

Umat i Tuhan nobaḻí nobiag nooyúon, táe moibog momarontak, mosia in nongoḷongó, nobotug in kaanon. Bo mosia in nonaḷámai kon i Allah, inta nomaḻí kon i monia bo nondoí kon Mopoposaḷamatnea inta moroton.