YESAYA 5:16 - Alkitab Singog In Mongondow Masa In Tanaa

¹⁶ Táe ki Tuhan Inta Totok in mokawasa nopoontong in koḷoḷoben-Nea pinongin nogaid kon onu inta nobanar. Sia in mopoontongbí in kototusi-Nea pongin monisig kon bangusa-Nea.

YESAYA 5:16 Mawu Ofanana

TAWARIKH 1 29:11

Iko in totuu moḷoben, bo nongawasa. Iko in momulia, ponango-nangoian bo moagung. Bayongan in yagi-yagi kon ḷangit bo kon butá Ikobí in kitogi. Iko in Datu Moḷoben, pongawasa kon bayongan in yagi-yagi.

MAZMUR 21:13

Popopiot-Neabí in mata in piot-Nea, dá momurow in mosia bo moḷagui.

MAZMUR 46:10

Sia in nopogogai in parang kon sinangkub in dunia, piot bo pandong irimumud-Nea, kaḻeaw noḻimbung in sinubá-Nea.

MAZMUR 9:16

Bangusa mita inta diá nonotaau kon ini-Mu notopak kon bubú inta kinaḻi monia tontaní; mosia in noibaaḷ kon pukot monia tontaní.

YESAYA 12:4

Moiangoibí in wakutunea moiko in moguman, “Posukurdon kon i Tuhan, bo sumbadon in Sia. Potaaudon kon bangusa mita koagungan bo bayongan in inta inaidan-Nea.

YESAYA 2:11

Intau moḷoḷatú in poompáanbí bo intau mododia potungkudon. Tongá ki Tuhan tontaní in poḷantudon.

YESAYA 2:17

Intau moḷoḷatú in poompáan, bo intau mododia in potungkudon. Tongá ki Tuhan tontaní in poḷantudon.

YESAYA 2:9

Batúan in intau in singkuḻeonbí bo poompáan. Dika mongampung kon i monia o Tuhan!

YESAYA 28:17

Koadilan baḻíon-Ku tontogot pogogukur, bo gina motuḻid baḻíon-Ku tontogot ponigad.” Uyan batu in mobundur mokopodarit kon bayongan in uboḷ inta pongata monimu. Ḷunud in mogiḻigbí kon pogogadopanmu.

YESAYA 29:23

Sin aka moiko mokoontong kon i adímu mita inta inogoi-Ku kon i monimu, dá moiko in mongakubí kon Akuoibí in ki Allah mokudus in Israel. Moiko in mohoromatbí kon i-Nakó bo motoguondok kon i-Nakó.

YESAYA 30:18

Umpaka natua, ki Tuhan in mogoḷatbí mako kon wakutunea mopoontong in totabi-Nea kon inimu. Sia in tantúbí nosadia in monotabi kon inimu. Sin ki Tuhan in Allah inta nogaid kon onu inta noitutui. Pia in kamang in intau inta inumandoḷ mako kon i-Nia.

YESAYA 33:10

Ki Tuhan in noguman kon bangusa tatua, “Tanaa simindogdon in Akuoi bo mopoontongdon in kawasa-Ku.

YESAYA 33:5

Ki Tuhan in momulia totok; Sia in nongawasa kon bayongan yagi-yagi. Sia in moposindogbí in hukum bo koadilan kon Yerusalem

YESAYA 57:15

Sin nanaa in guman i Allah, Inta Totok in moḷantud bo mokudus, inta nongawasa modapot in mononoi, “Akuoi in nogutun kon tampat inta moḷantud bo inta motusi, táe kon yua-yuakbí doman in intau mita inta moompá in dodia bo inta nomanasaḷ in nogaid kon dosanea mita, sin mopoguḻí bui kon ibog bo kamang monia.

YESAYA 6:3

Mosia in nosigumanan tobatú bo tobatú: “Kudus, kudus, kudus. Mokudusdon in ki Tuhan Inta Totok in mokawasa. Butá nopuḻing in kinoangoian-Nea inta momulia.”

YESAYA 61:8

Ki Tuhan in noguman, “Akuoi in moibog kon inta moadil bo mondoí kon pondorotan bo aid moraat. Akuoi in mobogoibí in tondan pinogaidanmu takin satia, bo motogot kon dodandian mononoi takin i monimu.

YESAYA 8:13

Toropdon kon Akuoi, ki Tuhan Inta Totok in mokawasa in motusi. Tongábí Akuoi in musti koondokmu.

YEHEZKIEL 20:41

Naonda in moiko diaan-Ku ḷumuai nongkon butá mita inta pinoporaritan kon i monimu, sipunon-Ku in moiko bo motarima kon bayongan in kuruban payongonmu. Dá kotaauandon in bayongan in bangusa kon Akuoi naa in ki Allah inta Totok in mokudus.

YEHEZKIEL 28:22

Potaaudon kon intaunea mita kon Akuoi ki Tuhan Inta Totok in moḷantud noguman kon i monia, ‘Akuoi naa in musungmu, ei Sidon. Intau mita in modayowbí kon i-Nakó popisí in inta inaidan-Ku kon i monia. Kon tungkuḷ in Akuoi nohukum kon intaumu, kotaauandon monia kon Akuoibí in ki Tuhan inta motusi.

YEHEZKIEL 28:25

Ki Tuhan Inta Totok in moḷantud in noguman, “Sipunon-Kubí in intau mita in Israel nongkon butá mita moyayú kon tampat inta ain pinoporaritan-Ku kon i monia, bo bayongan in bangusa in monotaaudon kon Akuoi in motusi. Bangusa in Israel in mogutunbí bui kon butá monia tontaní, butá inta ain inogoi-Ku kon mogogundoi-Ku ki Yakub.

YEHEZKIEL 36:23

Poniata-Kubí in kototusi in tangoi-Ku inta moḷoben tua, tangoi inta ain kinotor monimu kon yua-yuak in bangusa mita, dá kotaauandon monia kon Akuoibí in ki Tuhan. Akuoi, ki Tuhan Inta Totok in moḷantud ain nosingog. Pakéon-Ku in moiko kon moponiata kon bangusa mita kon Akuoi naa in motusi, ki Tuhan Inta Totok in motusi.

YEHEZKIEL 38:16

Bo sinubumu in umat-Ku Israel naonda bo deḷang nondangat kon dunia. Aka wakutunea moiangoidon, iko in potabá-Ku sin mongawasa kon butá-Ku. Takin aid-Ku pongin inimu, ei Gog, bayongan bangusa in monotaaudon mongo ki ine in Akuoi, tuata in ki Allah inta motusi.

YEHEZKIEL 38:23

Natuata in aid-Ku moponiata kon bayongan in bangusa kon Akuoi in moḷantud bo motusi. Dá kotaauandon monia kon Akuoibí in ki Tuhan.”

DANIEL 4:37

Dá tanaa in akuoi, ki Nebukadnezar modayow, mopoḷantud bo mopomulia kon i Datu in Soroga. Bayongan in oaidan-Nea in moitutui bo moadil, bo Sia in mokopotungkudbí kon intau mita inta moḷoḷatú.

IMAMAT 10:3

Bo ki Musa in noguman kon i Harun, “Tuata in makusud i Tuhan kon dodai in Sia noguman, ‘Bayongan intau inta mogaid kon oaidan-Ku musti mohoromat kon kotusian-Ku. Poniata-Kubí in kawasa-Ku kon bayongan bangusa-Ku.’ ” Táe ki Harun tongádon kibio-biómai.

PINOGIAPAN 20:13

Tuata in bokaká in tubig Meriba. Kon tampat tatua intau mita in Israel nongunsingog kon i Tuhan, bo kon tua doman ki Tuhan nopoontong in kawasa-Nea inta motusi kon bangusa tatua.

SURAT I PAULUS KON JAMAAT RUM 2:5

Táe moiko totok motogat in gina bo doí momaḷui kon gogutú. Dá mangaḻenea kon tua moiko bidon tontaní in modugang kon roriga in hukuman kon i monimu kon Singgai Tumi, aka popoontongdon i Allah in torú-Nea bo hukuman inta moadil.

PETRUS 1 1:16

Kon bonu in Buk Motusi in pinais nanaa: “Kotusibí in moiko, sin Akuoi in motusi.”

PETRUS 1 2:15

Sin ibogon i Allah bá oaid monimu inta mopia tua in momompon kon bibig in intau inta tongá kinosingo-singognea.

PETRUS 1 3:15

Táe kon bonu in ginamu, musti in moiko mobogoi in ponghoromatan tontaní inta moyokaan in kadudukan-Nea saḷaku Tuhan. Bo umuran pobasadia in motubag kon intau mita inta moibog mopoḻibó-ḻibó kon soaḷ inta nobaḻí dodoyonan in pirisaya monimu.

WAHYU 3:7

“Paisdon kon malaekat in jamaat kon Piladelpia nanaa: Naadon in koyow nongkon i-Nia inta Mokudus, Inta Mobanar bo ki Inta nokadai kon kokunsi i Daud; Aka Sia in mobuká yo diábí tobatúmai in mokoḻingkop; bo aka ḻingkopan-Nea, yo diábí doman tobatúmai in mokobuká.

WAHYU 4:8

Mahaḷuk opat tatua komintan onom in koḻikipnea, kon ḻibunea bo kon dotá in bonunea nopuḻing in mata. Doḷom singgai mahaḷuk mita tatua diá mogoga-gogai in modondong nanaa: “Kudus, kudus, mokudusdon in ki Tuhan, Allah Inta Totok Mokawasa; inta oyúon, inta koyongandon oyúon, bo inta umuranbí oyúon.”