YESAYA 49:4 - Alkitab Singog In Mongondow Masa In Tanaa

⁴ Táe akuoi in noguman, “Ḷopíku in diábí in baragunanea, kinodaitku in ropotku takin diá in mangaḻenea!” Tongá noyakinbí in akuoi kon ki Tuhan in mobelabí kon hakku, ki Allah in motuḻíbí kon inakó podudui in aidku.

YESAYA 49:4 Mawu Ofanana

DATU MITA IMITÁNEA 19:10

Ki Elia notubag, “O Tuhan, Allah Inta Totok in mokawasa, akuoi in umuran mogaid tongábí kon ini-Mu. Táe umat in Israel in iḻimimpat kon dodandian monia takin-Mu. Mosia in nongokai kon mezbah-Mu mita bo noḻimod kon nabi-Mu mita. Dongkadon akuoi in naa, bo tanaa in tayakondon monia ḻimodon in akuoi!”

AMSAL 29:26

Mobayong in intau mokikoontong kon mongongawasa, táe inta mobogoi in inta moadil, in tongábí ki Tuhan.

YESAYA 25:1

Tuhan, Ikobí in ki Allahku, poḷantudonku in Iko bo dayowonku in tangoi-Mu. Sin oaidan-Mu mita totok in mokoherang; Nongkon dungkuḷmai Iko in nonomayá, bo umuran mosatia in Iko in nogaid kon tua.

YESAYA 35:4

Poguman kon i monia inta mointok in gina, “Korigon in ginamu, dika moondok, ki Allahmu in mamangoi mohukum kon musung, Sia in mamangoi sin moposaḷamat kon i monimu.”

YESAYA 40:10

Indoiai, ki Tuhan Allah in namangoi takin kawasa sin mogaid kon oaidan pongin ropot-Nea. Sia in sinakinan in intau mita inta ain pinoḷuat-Nea.

YESAYA 40:27

Dá Israel, nongonu sin iko in mogamuibí, naonda bo ki Tuhan Allahmu in diá nonotaau kon rorigamu? Naonda bo diá indoian-Neamai in kobiaganmu, bo diá noindoimai kon hakmu?

YESAYA 57:21

Diábí in mokoaman kon intau binaradosa,” guman i Tuhan.

YESAYA 59:18

Sia in motuḻí kon musung-Nea mita podudui in aid monia. Nodapot in bangusa mita kon ḻibuton mita inta moyayú in diábí kotaḻiban in hukuman-Nea.

YESAYA 61:10

Yerusalem in noguman, “Moḷunganga in ginaku popisí in ki Tuhan, ginaku in mosanang sin ki Allah. Naonda bo nonikaan ḷoḷaki bo bobay nopogiḷambá in inta mongogaga, natuata in pinopopaké i Tuhan kon inakó ḷambung kasaḷamatan bo kountungan.

YESAYA 62:11

Ki Tuhan in nobogoi in koyow tanaa kon sinangkub in dunia, “Poguman kon intau inta nogutun kon Sion, ‘Indoiai, ki Tuhan Mopoposaḷamat namangoi! Sia in sinakinan in intau mita inta ain pinoḷuat-Nea.’ ”

YESAYA 65:2

Akuoi in umuranbí mogoḷat mako in motomu kon umat-Ku, táe mosia in moibog momarontak. Bangusa tatua in mogaid kon inta moraat bo dumudui kon tomayánea tontaní.

YESAYA 65:23

Bayongan inta aidan monia in kodapotanbí, bo ki adí mita monia in diábí daḻi-daḻí matoi. Mosia bo buí monia in barakatan-Ku modapot in mononoi.

YEHEZKIEL 3:19

Aka iko mopotoingat kon intau moraat tatua bo doí in sia mogogai in mogaid kon inta moraat, yo sia in matoibí saḷaku inta binaradosa, táe iko in mosaḷamatbí.

IMAMAT 26:20

Bayongan inta irorigaanmu diádon in mangaḻenea, sin butámu in diá bidon in mangaḻenea bo pangkoi in ayop monimu diábí momungai.

MATIUS 17:17

Dá ki Yesus in noguman kon murí-Nea mita, “Ei moiko intau inta diá mongopirisaya bo intau inta nongoiḷaḻe, dapotpamain onda in Akuoi in musti moyotakin monimu? Diadon mangoi kon naa adí tanion!”

MATIUS 23:37

“Yerusalem, Yerusalem! Nabi mita iḻimodmu. Totabá mita i Allah inandurmu in batu nodapot in minatoi. Nokakitdon in Akuoi moibog totok mosipun kon i adímu mita naonda bo ki iná in manuk mosipun kon i adínea mita kon koḻikipnea, tongá doí in moiko!

LUKAS 24:26

Degá diábí kinotaauan monimu kon Datu Mopoposaḷamat in mustibí muna mokorasa kon roriga sinbá mokouḻí kon kamuliaan-Nea?”

YOHANES 1:11

Sia in namangoi in dunia inta pinomia-Nea tontaní táe intau mita kapunyaan-Nea tatua in doí motarima kon i-Nia.

SURAT I PAULUS KON JAMAAT RUM 10:21

Táe soaḷ bangusa Israel, ki Nabi Yesaya in nosingog nanaa, “Nanaa in pirman i Allah, ‘Tumongo singgai Akuoi in mopoabat in ḻima-Ku kon tobatú bangusa inta motogat in gina bo diá motoindudui.’ ”

KORINTUS 2 12:15

Tuamai mopiabí in ginaku bo morelabí in moposarakan in bayongan yagi-yagi, sin kopontingan monimu, nodapotkabí in awakku naa. Dá aka akuoi bo totok in motabi kon i monimu, umpaka yo diápa doman kotabi monimu in akuoi?

KORINTUS 2 2:15

Sin kami naa in ná bí onda bo in kamania nobondu, inta sinubá i Kristus kon i Allah. Táe aka kon intau mita moraat, yo kami naa in nabi onda bo rasum inta mokopatoi; táe aka kon intau mita inta mopirisaya, yo kami naa in nabi onda bó mobondu inta modia kon kobiagan. Dá aka natua, yo ki ine in mokosanggup mogaid kon oaidan tanaa?

GALATIA 4:11

Moḻia-ḻiawbí totok in ginaku kon i monimu, dika bo onu inta ain iramujiku kon i monimu mobaḻí diá in baragunanea.

IBRANI 12:2

Mogaid in kita kon tua takin umuran mopirisaya kon i Yesus, sin Sia tuata inta nopobangon kon pirisaya naton bo umuran noḷukad kon pirisaya naton nongkon pinomangkoianpamai dapot in pangabisannea. Nonahangbí in ki Yesus in iyoyiga kon kayu pinoyotaḻempang! Diábí pinandung-Neamai in matoi kon kayu pinoyotaḻempang tua kon totokbí in mokooyá. Tongábí ḷunganga inta korasaan-Nea kon singgai moiduduimai in umuran pinonorop-Nea mako. Bo tanaa mako, Sia in iḻimitúdon kon dotá in koḷanan i Allah bo nomarenta noyotakin-Nea.