YESAYA 49:1 - Alkitab Singog In Mongondow Masa In Tanaa

¹ Indongogaidon in Akuoi, ei butá mita inta moyayú tondudut kopira in tosingogonku mita. Ki Tuhan in nogoiní kon inakó kon dodai in Akuoi diápa pinononggadí, Sia in nomiḻídon kon inakó pinangkoipamai kon akuoi in bonupa in sian.

YESAYA 49:1 Mawu Ofanana

MAZMUR 22:10

Ikobí inta nopoḷuai kon inakó nongkon bobuḷadían, bo noodom kon dodai in sinompunuk i ináku.

YESAYA 11:11

Kon singgai tatua ki Tuhan in buipa doman momaké kon kawasa-Nea bo modia mobui kon umat-Nea inta kinotaḷáan kon Asyur bo kon Mesir, kon butá mita in Patros, Sudan bo Elam, kon Babel, Hamat bo ḻibuton mita inta mongoyayú.

YESAYA 24:15

bo intau mita kon dotá in toyopan in modayowbí kon i-Nia. Intau mita inta kon bingkí in dagat in mopoḷantudbí kon i Tuhan Allah in Israel.

YESAYA 33:13

Pomayádon mako in bayongan in intau inta nodiug andeka inta noyayú mokodongogdon kon onu inta inaidan-Ku bo akúon monia in kawasa-Ku.”

YESAYA 41:1

Guman i Allah, “Kibio-biómaidon bo indongogai in Akuoi, ei intau mita inta nogutun kon butá mita inta moyayú. Posadiadon in simindog kon pongadilan, bayádon bo potaaudon in pelekaramu. Igai in kita mopoyotantan moyotakin, sin monantú mongo ki ine in banar, bo ki ine in noitaḷá.

YESAYA 42:12

Yo mosia in mohoromatdon kon i Tuhan, bo mopotaaudon in tangoi-Nea kon ḻipú mita moyayú.

YESAYA 44:2

Akuoibí in ki Tuhan inta nomaḻí kon inimu, inta nomia kon inimu nongkon bonupa in sian, bo inta notuḷung kon inimu. Dika moondok, iko in mogogundoi-Ku, umat inta piniḻí-Ku inta kinotabi-ku.

YESAYA 44:24

Nanaa in guman i Tuhan mopoposaḷamatmu inta nomia kon inimu pinangkoi kon bonupa in sian, “Akuoibí in ki Tuhan inta nomia kon bayongan yagi-yagi, inta tongá aku-akuoi mita in nosongká kon ḷangit, bo diábí in noduḷu nomaḻí kon butá.

YESAYA 45:22

Ei, bayongan intau kon dunia, angoidon kon i-Nakó sinbá moiko in posaḷamaton, sin tongábí Akuoi in Allah, diábí in ibanea!

YESAYA 45:3

Dá iko in ogoian-Ku kapunyaan kaoyúonan inta noibuni, sinbá kotaauanmu kon Akuoibí naa in ki Tuhan, Allah in Israel, inta ain nogoiní kon inimu podudui in tangoimu.

YESAYA 46:3

Indongogaidon in Akuoi, ei buí i Yakub, moiko komintan inta tonggagat in umat-Ku. Akuoi in nomiagdon kon i monimu pinangkoipamai kon moiko pinononggadí.

YESAYA 49:12

Nongkon moyayú umat-Ku in moroangoi, nongkon dotá in utuan, toyopan bo Sinim kon toḷatan.”

YESAYA 49:5

Kon tungkuḷ in diápa pinononggadí, akuoi inoiní i Tuhan nobaḻí mogogundoi-Nea sin mosipun kon umat in Israel, sinbá mosia in mobui mamangoi kon i-Nia. Ki Tuhan in nopobaḻí kon inakó ihoromat, ki Allah in nobaḻí ropotku.

YESAYA 51:5

Kasaḷamatan inta ogoi-Ku in nodiugdon; wakutu kountungan-Ku motoyongdon moiangoi. Akuoi tontaní in momarenta kon bangusa mita. Butá mita inta moyayú mogoḷat mako kon i-Nakó bo moharap mako kon oaidan-Ku inta motorindog.

YESAYA 52:13

Ki Tuhan in noguman, “Totuubí, mogogundoi-Ku in mokodapotbí kon aidannea; sia in horomatonbí bo poḷantudon.

YESAYA 55:3

Indongogaidon, ei bangusa-Ku, angoidon kon i-Nakó, moiko in ogoian-Ku in kobiagan inta mononoi. Pinodoyon kon tabi bo kososatia inta pinodandi-Ku kon i Daud, Akuoi in notogot kon dandi mononoi takin i monimu.

YESAYA 57:19

Akuoi in mobogoibí in kobiagan moaman kon bayongan in intau, pinomayá inta nodiug andeka inta noyayú. Akuoi in monompiabí kon umat-Ku.

YESAYA 60:9

Tuata in kapaḷ mita inta namangoi sinumubu nodia kon umat i Allah nobui nongkon butá moyayú. Saḷaka bo buḷawan dinianea noyotakin sin modayow kon i Tuhan Allahmu; kon i Allah in Israel Inta Totok in motusi, inta nomaḻí kon umat-Nea ihoromat.

YESAYA 66:19

Akuoi in mopoukatdon in tomponuot tobatú kon yua-yuak monia. Tongosilai moyakag kon sigad monia in posaḷamaton-Ku. Mosia in potabá-Ku mayá kon bangusa mita kon butá mita inta moyayú inta diápa kon dodai in onda in nokodongog kon soaḷ Akuoi andeka nokoontong kon kamuliaan bo kawasa-Ku; mayá in Spanyol, Libia, bo Lidia takin momomiot mita inta mongotaná, minayá in Tubal bo Yunani. Mosia in mopohabar in koḷoḷoben in kawasa-Ku kon sigad in bangusa mita tatua.

YESAYA 7:14

Tanaa, ki Tuhan tontaní in mobogoi in tomponuot kon inimu: Mongodeaga tobatú inta sidia in mopononggadíbí in ḷoḷaki tobatú inta sinangoiannea Imanuel.

YESAYA 9:6

Sia in momarenta saḷaku datu buí i Daud, kawasaannea totok in moḷoben. Butánea in umuran modame bo mobiag mooyúon; pomarentaannea in pinodoyon kon hukum bo koadilan tanaa mako modapot in mononoi. Ki Tuhan Inta Totok in Mokawasa notantúbí kon mogaid kon tua.

YEREMIA 1:5

“Kon dodai in Akuoi diápa nomia kon inimu kon bonu in sian i inámu, bo kon dodai in iko diápa pinononggadí, Akuoi ain nomiḻí kon inimu bo noduí kon inimu mobaḻí nabi kon bangusa mita.”

ZEPANYA 2:11

Baḻíonbí i Tuhan moondok in mosia. Sia in morimumudbí kon dewa mita kon butá. Bo bayongan in bangusa in moibadabí kon i Tuhan, kon batúannea kon butá monia tontaní.

LUKAS 1:15

Sia in mobaḻí intau moḷoben kon tayowon mata i Tuhan, bo sia tua in diábí monginum kon anggur andeka oinumon ibanea mako inta mokoḷoḷangu, bo sia in kinawasadon in Roho i Allah nongkon bonupamai in sian i inánea.

LUKAS 1:31

Iko in mobaḻí sidia bo nopolahir in adí ḷoḷaki, bo musti tangoianmu ki Yesus in Sia.

YOHANES 10:36

Yo nongonu sin singogonbí monimu kon Akuoi in mohojat kon i Allah popisí in Akuoi noguman kon Akuoi in ki Adí i Allah? Bokaka Akuoi in piniḻíbí i Amá bo pinotabá namangoi in dunia.

GALATIA 1:15

Tongá pinodoyonbí kon tabi i Allah, sahingga in piniḻí-Nea in akuoi kon tungkuḷ in kon bonupa in sian i ináku. Inoiní-Nea in akuoi sin mogaid kon oaidan-Nea.

EPESUS 2:17

Manangka intua ki Kristus in namangoi bo nopotaau in Habar Mopia soaḷ dodamean tatua kon i monimu; pinomayá moiko intau inta deeman Yahudi inta koḻipod noyayú kon i Allah, ande intau mita in Yahudi inta nodiug kon i Allah.

IBRANI 12:25

Manangka intua mokopoingat, sin dikabo moiko in doídon mokidongog kon i-Nia inta nosingog tatua. Mosia inta doí mokidongog kon i-Nia inta namangoi in dunia naa bo inta nopoyaput in koyow nongkon i Allah, diábí mokoḷagui. Apa doman kita naa inta nokodongog kon i-Nia inta nosingog nongkon soroga! Aka kita bo doí mokidongog kon i-Nia, yo diábí mokoḷagui in kita!

PETRUS 1 1:20

Ki Kristus in piniḻídon i Allah kon wakutupa in dunia naa diápa pinomia. Bo kon singgai mita tumi naa, sia namangoi in dunia naa sinbá posaḷamaton in moiko.