YESAYA 48:7 - Alkitab Singog In Mongondow Masa In Tanaa

⁷ Bain tanaa bo inaidan-Ku, bo deemanbí koḻipod; diápabí kon dodai in onda iko in nokodongog kon tua, sinbá iko in diá mokopoguman, kon iko in nonotaau kon bayongan yagi-yagi.

YESAYA 48:7 Mawu Ofanana

AYUB 32:13

Naondabí in moiko bo motaau moguman kon hikmat ain nouḻí monimu? Popisí in pakisadon moiko noguman sinaḷow. Inta motaau motubag kon i Ayub in tongábí ki Allah.

YESAYA 48:6

Bayongan in toḻindap-Ku inta dinongogmu ain nobaḻí; musti akuonmu kon tosingogon-Ku tua in totuubí. Tanaa Akuoi in mopotaau in soaḷ mita inta mobagu, rahasia mita inta diápa kinotaauanmu.

YESAYA 48:8

Kinotaauan-Ku kon iko in diábí motaau pirisayaan, nongkon dungkuḷpabímai kinotaauandon in iko kon moraat. Tuamai in diá kinotaauan, diá tobatúmai in tosingogon in modapot kon bongoḷanmu.

YESAYA 49:7

Ki Allah mokudus Mopoposaḷamat in Israel in noguman kon intau inta totok in siningkuḻe, bo inta kinodoí in bangusa mita bo inta nobaḻí ata in pongawasa mita, “Datu mita in mokoontongbí kon onu in aidan-Ku; mosia in simindogbí mohoromat kon i-Nakó. Pongawasa mita in mokoontongbí doman kon tua, bo tumungkud mosumba.” Tua in mobaḻí popisí in ki Tuhan ain nomiḻí kon mogogundoi-Nea; Ki Allah mokudus in Israel in mosatia kon dandi-Nea.